قصة : ( ضياع الروح ) ل سهيلة سعيد المنجي

الحلقة ١٦

الحلقة السادسة عشر { ١٦ } 🕊

( يقفوا ع جنب )
احمد ب انفعال : انتي مش هتبطلي ام هبلك دة 😡
سارة : هبل ايه ؟!
احمد : روحتي قلتلها اني متجوز ومخلف عشان ترضي غرورك مش كدة !
سارة ب استفزاز : والله انا مكدبتش عليها 😏
( يبصلها احمد ب غيظ ويسيبها ويمشي ، يقرب ع شكران )
شكران : ايه ي معلم خلصت تسبيل ؟
احمد ب ضيق : خلصت ومشيت كمان 😒
شكران : لا والله مشيت من غير م تقولي الجزمة !
احمد : ست سارة عكت الدنيا
شكران : ازاي ؟!
( يحكيلها ، يوصلوا البنات البيت )
شاهندا : فكرت سو رجعت !
غادة : لا لسة
شاهندا : اتصلتي بيها ؟
غادة : ي بنتي هي الي متصلة بيا ومكلماها جنبك ف العربية دة انتي نايمة خالص ايه الي شاغل بالك ؟!
شاهندا ب تنهيدة : ولا حاجة 😑
( يدخلوا الأوضة )
غادة ب استغراب : هو فيه حاجة ضايقتك ف الحفلة .. اصلك قلبتي مرة واحدة !!
شاهندا وهي بتقعد : مفيش حاجة عدلة تكمل للاخر 🙆
غادة : ليه حصل ايه ؟
( بعد شوية ، توصل سهيلة واكرامي البيت )
اكرامي : فكري تاني اوك ؟
سهيلة : اوك
اكرامي : تصبحي ع خير
سهيلة : وانت بخير 😒
( تدخل سهيلة الاوضة )
سهيلة : مساء الفل
غادة : مساء العسل
سهيلة : ايه الاخبار ؟
شاهندا : ايه الاخبار انتي شكلك راجعة مبسوطة !
غادة : ع عكسنا 🤷
سهيلة ب قلق : ليه كدة حصل ايه ؟!
( ف الحفلة ، شكران واقفة مع احمد )
شكران : ههههههه احسن 🤭
احمد : انتي شمتانة ؟
شكران : انا لا ابداً 🤷
احمد : طب بقولك ايه
شكران : نعم ؟
احمد : اديني رقمها
شكران : لا انسى ✋
احمد : يلا بقا متبقيش رخمة
شكران : لا ي احمد مستحيل بجد 🙅🏻‍♀️
( البنات قاعدين مع بعض )
شاهندا : وهي شكلها اصلاً حرباية
سهيلة : طب م يمكن عشان كدة كلمك
شاهندا ب استغراب : ازاي طط ؟!
سهيلة : انها انسانة مش كويسة يعني عشان كدة هو بيكلم بنات 🤷
شاهندا : لا طبعاً ايه التخلف دة .. دة مش مبرر عشان يكدب عليا 😒
غادة : ي بنتي واحدة زي دي الله يكون ف عون جوزها 🤷
شاهندا : ع فكرة مفيهاش اي عيوب دي واحدة زى القمر مزة يعني اي حد يتمناها 🙄
سهيلة : فكك م المظاهر هي اكيد من جواها وحشة
شاهندا ب تنهيدة : اياً كان بقا 😑
غادة ل سهيلة : مقلتلناش عملتي ايه مع اكرامي ؟؟
شاهندا : اه صحيح عملتوا ايه ؟
سهيلة : ولا حاجة .. بدل عرض الجواز من عرفي ل رسمي
غادة : لا بجد !!
شاهندا : لا ي شيخة !!
سهيلة : والله
غادة : وقلتي ايه ؟
سهيلة : فكرت وانا قاعدة شوية .. كنت هوافق .. لحد م شوفته
البنات : شوفتي مين ؟!
سهيلة : فاكرين الشباب الي كانوا ماشيين ورانا ف المول وعاكسونا ؟
البنات : اه
سهيلة : كان في شاب قالهم خلاص لما كانوا هيشتموا ومشاهم
البنات : اه
سهيلة : هو دة .. شوفتوا ف المطعم .. كان بيغني هناك .. صوته كان جميل اوي .. نسيت كل حاجة ونسيت اني قاعدة مع اكرامي .. كان بيغني وبيبصلي ويبتسم .. واحياناً كان يغمزلي .. كنت ماسكة ضحكتي بالعافية .. بس كان بيرجع تايى يندمج ب الغني .. حسيت انه كان بيغنيلي انا .. وكان عزفه ع البيانو تحفة بجد 😍
غادة : هيييييييح 🤤
شاهندا : ي حلاوااااا !
سهيلة : غيرت رأيي صراحة .. خفت ادبس نفسي ف اكرامي وانا لسة حياتي قدامي .. والله اعلم ايه الي ممكن يحصل .. ولا انا كدة غلطانة ؟
شاهندا : لا طبعاً مش غلطانة ولازم عشان توافقي ع اكرامي يكون ب اقتناع مش تقضية واجب هي دة جواز 🤷
سهيلة : بالظبط كدة .. كفياكوا لك بقا ويلا ناموا وراكم بكرة كلية
البنات : اوك تصبحي ع خير
سهيلة : وانتوا بخير
( ينام الكل ، بعد شوية ، يرن فون شاهندا ، تمسكه )
شاهندا : الو
احمد : الو
شاهندا : ايوة مين ؟!
احمد : انا احمد .. اخو شكران
( تستغرب شاهندا وتقوم تطلع م الاوضة )
احمد : عاملة ايه ؟
شاهندا ب استغراب : الحمدلله .. انت جبت رقمي منين ؟!
احمد : من شكران
شاهندا ب فهم : اهاااا 😐
احمد : ياريت متكونيش زعلانة م الي حصل
شاهندا : مفيش حاجة حصل خير 😒
احمد : ع العموم انا مبسوط اني اتعرفت عليكي دة شرف ليا
شاهندا : الله يخليك
( احمد بيتكلم ف الانتريه ، سارة واقفة بتراقب ع اخرها )
احمد : انا بس كنت حابب حتى نبقا صحاب يعني لو دة مش هيضايقك 💁🏻‍♂
شاهندا ب احراج : لا عادي 😅
احمد : اصلي هتجوز التانية قريب ف يمكن تعجبيني واجي اطلبك م الحاج
شاهندا : هههههههه 😄
( يقعدوا يتكلموا ، ف بيت امير ، امير قاعد مع بباه )
الاب : يعني هي انسانة كويسة ؟
امير : جداً ومؤدبة وهادية
الاب : طب ربنا يقدم الي فيه الخير
امير : يعني حضرتك موافق اني اقولها اننا هنيجي نتقدملها ؟
الاب : ع بركة الله مدام عجباك  🤷🏻‍♂
( يفرح امير ، يتفتح باب البيت )
مازن وهو داخل : سلامو عليكم
الكل : وعليكم السلام
مازن ل امير ب استغراب : ايه الي مصحيك ل دلوقتي مش وراك كلية الصبح !!
امير وهو بيقف : اه م انا داخل انام اهو
الاب : بارك ل اخوك هيخطب قريب
مازن : لا والله مبروك !
امير : الله يبارك فيك .. هدخل انام بقا تصبحوا ع خير ✋
( يدخل امير ينام ، يدخل مازن وراه )
مازن : تعرفها منين العروسة ؟
امير : معايا ف الكلية .. انا قلت ابوك هيكعبل الموضوع ومش هيرضى عشان انت الكبير يعني !
مازن : لا مهو فاهم اني مش هتجوز دلوقتي ولو انت استنيتني هتعنز جنبنا 😊
امير : هههههه 😄
مازن وهو بيقعد جنب امير : معكش صورة ل العروسة ؟
امير : اه معايا استنى
( يفتح امير الفون ويجيب الصور ويديه ل مازن ، يشوف مازن صورة غادة ، يتخض )
مازن : دي العروسة ؟!
امير : اه .. ايه رأيك ؟
( يفضل مازن باصص ل الصور )
مازن : حلوة 😐
امير : اه
مازن ب فضول : ودي عرفتها ازاي ؟؟
امير : كانت شغالة ف مطعم بروحه مع صحابي وكدة ف شفتها هناك
مازن : شغالة فيه لوحدها ؟
امير : لا هي وبنات عمها بنتين تانيين
مازن ب فهم : اااه بنات عمها 😒
امير : ودلوقتي معايا ف الكلية
مازن ب استغراب : بتعمل ايه هناك ؟!
امير : بتدرس هتكون بتعمل ايه يعني 🤷🏻‍♂
مازن : اه .. طب عرفت مين اهلها وكدة ؟
امير : بباها ومامتها متوفيين وهي عايشة مع عمها معرفش غير بنات عمها بس .. بكرة بقا هفاتحها ف الموضوع وتديني ميعاد عشان نروح انا وابوك
مازن : اه .. ربنا يتمملك ع خير
امير : م تيجي معانا ؟
مازن ب خضة : لا مش هينفع ✋
امير ب استغراب : ليه ؟!
مازن ب ارتباك : اناااا عازم الشباب برة وكمان اول زيارة دي بتبقا تعارف يعني حاول متاخدش غير ابوك وامك بس
امير : اوك !
( يطلع الصبح ، غادة وشاهندا قاعدين ف كفتريا الكلية )
غادة : طب خلاص بقا فكيها اهو بيقولك تبقوا صحاب 🙄
شاهندا : انا فكاها واتكلمت معاه عادي 🤷
( ف بيت كريم ، كريم ف اوضته ، تدخل اخته )
رودى : انت ياض
كريم : ياض ف عينك 👊
رودى بتنط ع السرير جنبه : عاوزة منك طلب
كريم : خييير ؟
رودي : خطوبة واحدة صاحبتي الاسبوع الجاي وانا قلتلها ان صوتك حلو وهي متحمسة انك تغني ف الفرح
كريم : بتجاملي ع قفايا !
رودي : ههههههه عديها بقا 😅

( متنسوش اللايك ورأيكم .. 🤍✨ )

#قصة_ضياع_الروح_ل_سهيلة_سعيد

#sohila_sa3ed