#جرم_اختي🔞🔞🔞🔞
الحلقة الثانية.....عليكَ أن تقبض على إنسانّيتك حين يرخون عنها قبضاتهم، عليكَ أن تكون إنسانًا قبل أن تكون ذكيًا وغنيًا ومثقفًا، تسقط الأشياء جميعها إن سقطت إنسانيتك.
وصار الصبح وإجا صلاح اخذ التفات وراح
بس اني من داخلي غيرانه كولش منها
التفات...خذت بنصحيه اختي رمله لان هي اثقف مني اني لا دارسه ولا طالعه هي دارسه واصله
...
ومع مرور الايام علاقتنا اني وصلاح يوم زينه ويوم مشاكل...
رمله... بقيت بين يوم ويوم اتواصل وي صلاح بحجه اساله عن التفات وشلونها وياه
وهو يشكيلي هيج. هيج واني واسوي نفسي كولش كدامه واخلي الخلل بأختي وانطي بيها ...
ومرت الايام وصار هو يراسلني ويسأل عليه....وتطورنا وصرنا نحجي هواي الليل كله نتراسل .
صلاح ...احس رمله أقرب إليه من التفات وفاهمتني وتعرف شنو اريد مو مثل اختها فاهيه واحس نفسي تعودت عليها لان سوالفها حلوة وكلامها مثل العسل ...
صراحه بديت انجذب الها ...
ومرت الايام ....
وبدت الامتحانات مالتنا بس كان المركز الامتحاني بعيد علينه بس قريب ع بيت اختي التفات
ف اني فرحت حيل وفكرت بخطه لازم اروح بحجه الامتحانات وماكو خط ياخذني .ف اروح لبيت التفات
ف خابرت التفات تخابر أبوي وتكوله حتي ابقئ يمهم وتكوله صلاح دائما بالشغل خاف ما يقبلون اخواني
...
وما قصرت التفات جابها صلاح واجو كلموا ابويه واخواني وقبلوا اروح وياها
وصلاح ما قصر كاللهم اني هذا الأسبوع عندي سفر وما متواجد بالبيت ف هاي فرصه حتي رمله تبقئ يم التفات .....طبعا كذب ما عنده سفر بس اني تفقت وياه يحجي هيج
....
فجمعت كتبي وملابسي ورحت وياهم واني طايره من الفرح وهاي العوبه اختي فرحانه بيه ما تدري شراح اسوي بيها ...
ف وصلنه لبيتهم وعدهم غرفه ثانيه بصف غرفتهم كعدوني بيها ...ورتبت كتبي واغراضي ..
ف خطيه صلاح العصر راح جابلي سرير وكنتور مال ملابس صغير ......
وصار ت غرفه تخبل بعكس القفص الي كنت عايشه بيه يم اهلي غرفه واني وخواتي كلنه بيها
وين هنا براحتي
....
ف بدأت الامتحانات
وصار أول يوم
وصلاح كال اني اوصلج بطريقي لان المدرسة قريبه علينه...واني طرت من الفرح
بدلت وتعطرت وكعدت يمه بالصدر ..
ف بقينا نسولف ونضحك بالسياره وهو مشغل أغاني واحد يباوع للثاني ...
ف اني كلت هاي فرصتي اسحب منه فلوس لان هو عنده هواي ما يخلصن
ف سويت نفسي ضايجه قبل لا انزل
كال شبيج
والله من كد ما استعجلت نسيت مصرفي بالبيت وخاف بعد اشوي اجوع بيش اشتري
صلاح ...افاا تضوجين واني. يمج امشيج ع فلوس هاج محفظتي شكد ما تريدي اخذي
رملة..لا لا شكرا ماريد
صلاح ...لج هاج نطاني 25
رملة...اوي شكرا صلاح ما عرف شلون اجازيك
صلاح ...بعدين تعرفين شلون تجازيني....
ضحكنا ونزلت من يمه ...
ورحت للامتحان وجاوبت. الحمدلله ....
أنت تقرأ
جرم اختي🔞🔞
Чиклитالغاية تبرر الوسيلة....لكن عندما يكون زوجي وسيلتكٍ يا اختي كي تصلي الئ مبتغاك....هذا جرم بحق خوتنا🔞🔞🔞❌❌🔞🔞🔞 ..... ماذا فعلت رملة بالتفات والي أين تريد أن تصل ....تابعو القصه...ولا تنسوا التصويت ا
