وحشتوني بجد يعيال 👈🏻👉🏻
بصت بصدمه و العلبه اللي في ايها وقعت
ليلي بصدمه"...ده ايه اللي جابه ده؟"
سميره ابتسمت و راحت ترحب بيهم مع طه
طه اتكلم بمرح
"حمد لله علي السلامه يا كيمو"
كريم بصله و سلم عليه
" حبيبي الله يسلمك يا رب"
مؤمن وهو ورا بملل
" هنفضل كده كتير ولا ايه؟"
طه ضحك و سلم عليه هو وعلي و دخلوا و خالد طلع يرحب بيهم و كانوا بيتكلموا علي سلامه كريم و مؤمن من الحادثه و اخبارهم
علي اخد نفس طويل و بدأ يتكلم
" طبعا حضرتك عارف احنا هنا ليه...أنا عايز اطلب ايد بنتك لإبني كريم يا حج خالد "
طه بإستفزاز
" مبلاش حج دي يا عمي ولا اقولك بلاش القاب بقا"
خالد ضحك و أكد علي كلامه
" فعلا بلاش القاب احنا هنبقي عيله أن ربنا أراد بإذن الله"
كريم كان لابس النضاره بتاعته و مستنيها
مؤمن بصله و همس
" متقلع البتاعه دي شكلك اهبل اوي"
" هششش ملكش فيه انت"
خالد اتكلم
" الاول ناخد رأي العروسه روحي ناديها يا ام طه "
سميره قامت بهدوء و طلعت اوضت ليلي اللي بصتلها" بتغفليني يا ماما؟"
سميره ردت بتهكم
" محسساني انك مش انت اللي كلمتيه"
ليلي كشرت " مقاليش اصلا( اتحولت لابتسامه بريئه)
" هو بجد جي يتقدم يعني خلاص كده؟"
" خلاص ايه يختي هو ايه اللي خلاص لسه فيه خطوبه و كتب كتاب بعديه الفرح ده إذا ابوكي وافق يختي"
ليلي بصتلها بصدمه" نعم؟"
سميره شدتها عشان ينزلوا " تعالي يا بت"
ليلي و سميره نزلوا و قعدوا مكانهم بحرج و ليلي كانت باصه ف الأرض
كريم ابتسم ابتسامه مخفيه و انبهر ف بشكلها ف الفستان
ليلي حاولت تبصله بس كشرت لما شافت النضاره اللي علي عينه و مش مخليها تشوف عينيها
" أنا عايز اطلب ايد بنت حضرتك يا عمي.... بحبها، و رايدها و هشيلها ف نن عيني اوعدك ، و هعيشها حياه متحلمش بيها ابدا هخليها معايا علطول و مش
هسيبها ابدا عمري ما هزعلها و ادايقها ،و هحبها اضعاف اضعاف حبي ليها من دلوقتي"
مؤمن كتم ضحكته لما كلهم اتحرجوا من
كلاموا ومحدش رد
" مش بدري علي الكلام ده كيمو مش يمكن يرفضوك الله"
كريم بصلها بغيظ " اكتم شويه يا معفن"
مؤمن رد بتهكم
" من عنيا الاتنين حاضر"
علي اتكلم بجديه
" بس منك ليه مش وقت حركات عيال صغيره"
الاتنين اتعدلوا و بيبصوا لبعض بغيظ
خالد ابتسم و بص ل علي
" بص بص يا علي بيه.."
علي قاطعه بمرح هادي
" علي بيه ايه يا راجل ده كلام ماقولنا ارفع الالقاب بقا "
خالد اتنهد براحه
" أنا معنديش غيرها ، و هي بنتي و السنداني ف الدنيا دي ، و اكيد هتقدر اني اخاف عليها ، و اتمنلها الاحسن ديما ولا ايه؟"
علي رد علطول
"اكيد طبعا حقك"
طه ضيق عينه و اتكلم
" سندك و معندكش غيرها؟ دي مبتعملش حاجه غير ....ولا بلاش ،اومال مين اللي كل ثانيه و التانيه طه تعالي شيل دي ، طه تعالي حط دي، طه تعالي...."
خالد ضحك و بص لطه
" انت راجل البيت من بعدي يا طه"
طه طبطب علي رجله
" ربنا يطول ف عمرك يا حبيبي"
YOU ARE READING
الاسود يليق بك
Action"ما أجمل أن احبك و انت تحب غيري و غيري لا يحبك ف تعذب كما عذبتني🖤🥀"
