وعطيته مفتاح السياره
ونزل المونه متاع المناب
المهم. وقمعزت في خيمه الرجاله وكان يوم كئيب بكل
المهم جت الساعه 8 الليل وكلموني في الشركه في مشكله سياره ولازم نجي انا عشان نحلها
قلت لبوى قالي خود معاك البنات وروح
خديت البنات وروحت للحوش
في الطريق
روان. تعرف الطريق معش كملت
ريان. تنفخ اي ملل بكل
سرور ورنا نوم مش حاسات بشي
فجاه قعدت نجري لانه خطر عليا موضوع في راصي وتمت سرعه السياره تزيد ومشكله البرابوس محركها قوي هلبا وانا معش وقفتً
روان. محمد اهدي بالله شن جاك
انا. اااها شن
روان. اهدي خيرك تجري هكي
ريان. هذا حاله تجيه مره مره
روان. وانتي شن عرفك
انا. جديات شن عرفك
ريان. ساهله وبسيطه صارتلك حتا لما مشينا
انا. اول شي مفيش لا حاله لا شي غير انا نسرح والسياره تسحب
روان. محمد في استراحه قريبه طالعه عندي ع الجي بي اس نقدرو نوقفو عليها
انا. تمام
وصلنا الاستراحه وقفت
نزلت ريان خشت للحمام حشاكم اللهً
روان. محمد
انا. نعم
روان. في حاجه بينك وبين ريان
انا. لا كنك عليش تسالي
روان. لابس حسيتها تركب قدام وامبدري حطت يدها ع يدك وقت كنت تجري
انا. تصدقي كان حسيت بيدها راه هزبتها
روان. اي
انا. بتاكلي حاجه
روان. الصراحه جعانه لكن فطنت اني ناسيه الفلوس في شنطه امي
انا. وليش ما دويتي
روان تحشمت
انا. هي انزلي معايا
خشينا للمطعم لي قسم العائلات وقمعزنا
القرسون. نورتنا استاذي
انا. النور نورك
القرسون. تقدرو تتفضلو ع قسم Vip افضل
انا. عادي لو اقل دوشه
القرسون. ربي ينهيكم
روان وانا ساكتين
القرسون كان مفكر انه نحنا عرسان وحب ينضم الجو شويه جاب ورده حطها ع الطاوله
وقالي خلي الاكل عليا لو مفيش مانع
انا. عادي بس ياريت الاكل ميتاخرش
القرسون. 10 دقايق ويكون الاكل قدامك وساخن يشرح
انا. تمام
فجاه تتصل بيا سرور
انا. الورو
سرور. وينكم انت وروان
انا. خشينا للمطعم انا جعان
سرور. باهي خلاص كولو وتعالو قاعدين نستنو في السياره
عندهم في السياره
رنا. حي ي سرور كان محمد ورنا يتجوزو
سرور. يهبلو مع بعض
ريان هاااعم روان مرتبطه اصلا
رنا. كدابه
ريان. اي مرتبطه
عندنا في المطعم
روان متحشمه ومش عارفه كيف تشبحلي
انا. هيي راه مش متجوزين حديات عشان اديري النضرات هدينا
روان. لا بس اول مره نقمعز مع شاب بروحنا
انا. عيني في عينك
روان. والله اول مره
انا. بطوله عمرك
روان. بنسالك علاش لابس دبله يا محمد وانت مش خاطب ومش متجوز
انا. عشان نفتك من البنات الي يدحنسو
روان. صراحه مفيش بنت بعقلها متجبش بيك
انا. وشن فيا من حاجه حلوه
روان. بالعكس جمال ومال وشخصيه وذوق
انا. مفيش حد سمح مات قالو الله يرحمه كان سمح
روان. مش قصدي هكي بس انت فارس احلام اي بنت عاقله قصدي رجل اعمال وراجل مثقف وكل شي متوفر عندك
انا. بس متعرفيش شي في ورا الكفر هذا الي قدامك
روان. شن في
انا. في انسان جوفه فارغ نفسيته تعبانه مال من الدنيا وما فيا وربي بالله بكل هذا
روان. كيف يعني
انا. معنديش هدف في الحياه غير انه نحافض ع العيله هذي
روان. وهذا احلا هدف شوف علاقتك مع خوتك خليل يحبك كانك خوه الكبيره وعلي يشوف فيك قدوته
انا. بس مستقبلهي ادمر
روان كيف يعني
انا كل حد فينا كان عنده طموح بروحه بس قانون العيله دمر كل طموحاتنا
روان. شن كان طموحك
انا. طموحي اني نلف الكره الارضيه كامله من دوله لي دوله منوقفش لين نزور كل بلدان العالم ونشوف كل الثقافات
روان. طموح حلو بس مزلت فيها تقدر ادير الي تبيه
انا. وشغل العيله لمن نسيبه
روان. لو معين مدراء ممتازين متخافش وتابع كل شي بالتلفون
انا. ممكن حنفكر في الموضوع
روان. اهم شي خودني معاك 😂😂😂
انا. عيوني لك
روان. نبصر اصلا بابا ميخلينيش
انا. الحمد الله
العشاء اطلع طول
روان. صحه بس انا مزلت جعانه
انا. مشاء الاه تاكلي كويس لكن مش باين عليك
روان. الحمد ناكل ومستحيل نسمن
انا. غير راك تقعدي بقره 😂😂
روان. خزيه بارد
بعدها القرسون جاب التحليه وطلعنا من المطعم
لقيت ريان راكبه لاوره مع البنات واحسن افتكيت منها
روان ركبت قدام
انا. صحه
روان. سلمك
رنا. محمد
انا. نعم
رنا. كم مزال عشان نوصلو
انا. قريب مش بعيد هلبا
ومشينا لي المدينه الي نحنا منها
وصلنا القصر كان مضلم
البواب اهلا استاذ محمد الحمد الله ع السلامه
فتح البوابه
لقيت الخيل في الحديقه يلعب وكان مع طلوع الشمس ومنضر خيالي بكل نزلت من السياره
جتني الفرس جنه اغلي الخيل ع قلبي حضنتني وحسيت باني في عالم ثاني ومش فاهم شن جايني بس فرحان
خشيت للجناح متاعي دوشت ولبست بدله العمل
فجاه الباب يدق
روان. محمد عارفه ثقلت عليك بس نسيت حوايجي في سياره عمو
انا. خودي من وحده من البنات
روان. صراحه دبشهن مش عاجبني
انا. باهي تعالي خشي
عطيتها هودي اسود داكن وسروال اسود داكن من عندي
قلتها جربيهن كان جو عليك كبار شوفي غيرهن
روان. اصلا نبيهن كبار عشان يقعدو اوفر سايز
انا. خلاص بنطلع للشركه وفي حاجه كلميني
روان حقا معنديش رقمك
انا. هاتي تلفونك وكتبت رقمي وشبحت انه تلفوني متكسر ومتبهدل
روان. شكرا محمد
طلعت للعمل ولقيت انه في مشكله في التلفزيون الجديد الي صنعناه كان فيه عطل مصنعي وطلب منهم يسحبو كل البضاعه في السوق ويعاد تصنيعها وتواصلنا مع جميع التجار انه يرجعو كل البضاعه وقدرنا نسترجو 98٪ من البضاعه
مدير الشركه. مستر محمد مشكله في 2% من البضاعه عند العملاء
انا. محلوله نزل كرت ضمان ع كل بضاعتنا مدته تلات سنوات والي شرا شي بدون كرت ضمان يرجعه وياخد بدال جديد ومعاه كرت ضمان وهكي مشكلتنا تنحل
ومشكله الشاشه نبيها تنحل في اسرع وقت تذبذب الاضائه نبيه ينحل بالله عليكم
مدير الشركه تمام
انا. بس المفروض انا معين انسان كفوء بالمنصب مش يستنى لين انا نجي ونحل المشكله
صراحه عرضت الموضوع ع مدير المجموعه وهوا الي رفض الفكره وقال حتكلف الشركه خسائر
انا. مفيش خصاره اكبر من خصاره السمعه صح ولا
مدير المجموعه قتله نفس الكلاب بس قال راس مال الشركه اهم
انا نبي اجتماع توا بي مجلس ادره المجموعه
نص ساعه ويكونو عندك
بدا اجتماع بيني وبين اداره الشركات وحطيت النقاط ع الحروف وخليت المدير التنفيزي ينزاح عن منصبه وعين مدير ثاني
وخليتهم يوقعو عقد انه اني خساره للشركات حيتحملوها هما
عشان الكل يخدم بضمير وعطيتهم نسبه من المبربح الصافي عشان يتحفزو ع الخدمه
ورجعت للقصر
لقيت الكل راقدين ما عدا روان
انا. اهلين روان
روان. اهلا محمد خيرك عطلت
انا. شويه شغل
روان. قلت نستانه يرجع نديرله غداء وبعدها نرقد لانه الشغالات في اجازه
انا. جعان ونعسان مفيش نوم بكل
روان. هي دقايق ويكون الغداء واتي
وكانت دايره بيتزا اطللع طورووووول مشفتش زيها
ودايره ستريبس دجاج وصوص مخترعته هيا
انا. من اي مطعم
روان. من مطعم روان سليمان 😂
انا. مشاء الله يسلمو يدايتك
روان. صحه
انا. دايمه نقني طافي وبنرقد ما نشبح في شي
روان. تمسي ع خير
انا. اديري فيا موقف
روان. شن
انا. نوضيني ع المغرب
روان. من عيوني
وخشيت رقدت
وروان مشت رقدت برضو
تلفون روان يشرين فجاه ........ يتبع
