فــصــلـيــة الـضابــط ايـــان

part ⁸

(بًسِـمً أّلَلَهّـ أّلَرحًمًنِ أّلَرحًيِّمً)

~البارت الثامن~

~لاتنسون التصوين~

_في الاحداث الماضيه_.....

❀ ❀ ❀ ❀ ❀ ❀ ❀ ❀ ❀

زهراء:-ام...ميره حبابه اشمري لهذا السلاح حبابه.....بعدني جاي احجي وهيه كبل اغمى عليها وطاح السلاح من ايدها
احمد وايان اتخبلو عليها بقو بس ايكعدون بيها وهيه ماكو ما عبالك همه الي كتلوها وسوو بيها هيج والله يالله اشكد مخابيل.... شالها ايان ونومها على الجربايه وبقه ايكعد بيها ذب عليها ماي ماكو هم لاحس ولا نفس كبل شالوها وراحو اخذوها للمستشفى كلهم راحو بقيت بس انه ونور بالبيت كو كومت روحي ورخت كعدت ابغرفه وبس ابجي ما اعرف شنو اسوي وشنو اتصرف كمت عقمت الجروح البيه وسبحت وبدلت وكعدت امزوركه ما اكدر احرك روحي.....

كبل كمت رحت الغرفت اميره لكيت تلفونها بالكاع مشمور اخذته اكيته امكسر اتكسر من حيث الشاشه ماتنشاف بس اول ما شغلته اشتغل لكيت كوون رسائل من ولد اسمه حسنين بس ما اشوف اشمكتوب بسب الشاشه بس جان داز بصمه فتحتها جان كايل بيها...
_ اميرتي ليش ماتردين بداعت حبنا رديي ومن هذا الي ضل ايصيح وسديتي التلفون؟ امميرهه رديي
.... كبل انه اتصلت بي اول ما اتصلت كبل رد كال...

_ هاا اميرتي مو شلعتي كلبي ليش ما اتردين
_ انه مرت اخو اميره
_ ها أهلا وسهلا خويه بس اسئلج على اميره وين؟
_ اممم اميره والله اخوها دره ابموضوعها وضربها وهسه اخذوها للمستشفى
_ شننووو ياا مستشفى شنو اسمها خويه احجي عليج الله يا مستشفى؟
_ خويه والله العظيم ما اكدر اكلك لان ما شايف اخوها اشصاير مشتعل نار بس هسه انتو عليمن هاي السوالف جاي خاطبها وتحجون على راحتكم وبالحلال ليش هاي السوالف يا خويه
_ خويه وحق القرآن الف مره كلت الها راح اودي اهلي ايخطبوج الف مرهههه بس هيه اتكول لا هاي اخر مرحله الي خلي اخلص ياله
_ انته وياها بالجامعه؟
_ لا لا مو بالجامعه؟
_ لعد منو؟
_ انه اخو صديقتها بالجامعه
_ اهااا
_ هسه اميره اشلونها؟ وعليج الحسين كليلي بيا مستشفى
_خويه والله ما اكدر اكلك لان اذا اكلك ماراح ايخليك اخوها عايش والله العظيم
_ ياهو منهم ايان؟
_اي ايان
_ما يهمني شيسوي خل ايسوي المهم اشوفها
_خويه لاتتهور وتاخذ قرارات ابسرعه الحل المناسب باجر جيب اهلك وخل ايخطبونها حتى ايعرفون كلشش زين انو حبكم جان صدك وحب صادق مو للتسليه والمتعه
_ تمام اخذي راحتج خويه
_ الله وياك خويه
.
.
.
.
.
.
.
.
.
. :- صارت الساعه ب11 ياله اجو همه
هنا انه طبخت الغده ونضفت البيت وانه كوه امشي وهاي نور طابه ابغرفتها ولا اتحركت دعيت من الحسين كون الي صار صاير بيها ولا بأميره كلت عادي يجيها الدور
طبو جوه وكعدوها بغرفتها رتبت غرفتها انه
بقو كاعدين يمها ويحاجونها ابهداوه وهيه بالها ابد مو يمهم رحت نزلت صبيت الهم غدا وصعدته الهم لفوك الغرفه اميره وكعدو ياكلون ويوكلون بأميره والله بقيت صافنه معقوله همه نفسهم الي هسه توهم جنزوها وره اشويه كال حسين...