#خيال الآسر
بقلم:بنين+تقى
حيوُ الجميلة بالقميَصِ الاسودِ
ماذاَ فعَلتي بعاشقَ متمرداِ
ادة التحيه في مقامه هاتفا
من سيدي انتي وحدك سيدي
_
خيال : ريحانة بابا راح المكان كلش حلو صار نجمة بالسماء.
ريحانة : ليش ما اخذني ويا
خيال : تروحين بس مو هسة من تكبرين
ريحانة : يعني بعد ما اشوفة
كامت ريحانة تبجي واني ماسيطرت على دموعي شبكتهة واردفت
خيال : لا حبيبتي تشوفي من تكبرين هوة هم هسة كاعد يشوفج وكل ماتشتاقيلة باوعي على النجوم هوة يحس بيج ويشوفج سكتت ريحانة واخذتهة غسلتلهة وكلتهة ونومتهة ضليت محتارة ب الفاتحة مال بابا منو يسويهة قررت اخابر ملاية واحاجي بيت خالة ام علي رحت دخلت سبحت ولبست ثوب السواد والحزن على والدي واني دموعي تنزل واتذكر مواقفنة وشلون جان حنون علينة طلعت من الحمام وسمعت صوت الجرص رحت فتحت الباب ولكيتهن نسوان جايات يعزني دخلتهن وكعدنة وكامن يصبرن بية كمت ابجي بصوت عالي
: غريبة بدار غربة يهلي عفتوني
شجاوب يالأهل لو عنكم ينشدوني
وحيدة امسيت اناجي الدار بعيوني
مهمومة وحيدة بهم تخلوني
عليلة امست يابوية رايدكم تسلوني
وحشة ومظلة هل دار أهلة مايحاجوني
وبقيت ب أمل ظل وحيد رايدهم يمروني
واسمع صوت دكت باب بظنوني
وكوم بسرعة لن الريح وي الريح بجوني
بدت النسوان تخف وبقت خالتي ام علي تذكرت الموضوع وكلتلهة بصوت مبحوح
خيال: خالة ام علي من رخصتج اريدج بطلب
ام علي : تفضلي بنيتي عيوني الج
خيال: خالة تدرين احنة ما النة احد واريد اسوي فاتحة للنسوان باجر بس اريدج تجين تساعديني ما اكدر بحدي
ام علي : يمة غالي والطلب رخيص تدللين
خيال : تسلمين خالة ماتقصرين
ام علي: مثل بنيتي انتي لو تطلبين عيوني انطيج ياهن
خيال: حبيبتي خالة وﷲ انتي هم بمثابة ماما
راحت خالة ام علي وبقة البيت فارغ يصوصي فارغ من ضحكات ابوي الحنين كمت انضف الاستقبال واني اسمع باسم الكربلائي خطار اجاني واني دموعي تنزل عشرة عشرة واتذكر مواقفي وي بابا لو فرحتة من طلعت من السادس بمعدل عالي اتذكر بوكتها
__فلاش باك
خيال :بابا خايفة النتائج راح تطلع
تيام اب خيال: بنيتي على شنو هل خوف انتي شاطرة
خيال: واذا ماطلع المعدل الي اريدة
بيرين ام خيال : لاتخافين بنتي تطلعين وتدخلين طب ان شاء الله
انعلنت النتائج وطلع المعدل الي اريدة بوكتهة ماما وبابا احتفلو بية وبابا جابلي مبايل وكالي بوكتهة
تيام : خيالي رفعة راسي
___الحاضر
خيال: وينك بابا خيالك محتاجتك كملت تنضيف ورحت نمت جذب اذا اكول نمت الافكار استحوذت على عقلي وقاطعهة مسج من مجهول
(ابوج وتوفة وامج توفت وعمامج تخلو عنكم وافقي على قسمتج)
قريتهة وما اهتميت لان توقعتهة من عباس شاب تقدملي اكثر من مرة وبابا رفضة ومن يومهة هوة كليوم يدخل من حساب ب اسم مجهول طفيت المبايل ونمت
أنت تقرأ
خيال الآسر
General Fictionالكاتبه بنين _ سيأتي يوم تُدرك فيه إن طيّ الصفحه هوَّ أفضل شعور في العالم ، بل ستدُرك إن ما بالكتاب هوَّ أكثر بكثير من تلك الصفحه التي كُنت عالقًا بها .
