الكاتبه بنين
_
سيأتي يوم تُدرك فيه إن طيّ الصفحه هوَّ أفضل شعور في العالم ، بل ستدُرك إن ما بالكتاب هوَّ أكثر بكثير من تلك الصفحه التي كُنت عالقًا بها .
ابوي اول بشر ماتعبانة. ولا ممكن بشر ياخذ مكانة. جبل كلش وقر وهواي مهيوب. هيبة ومايسولف انة وانة. صح يتعب بس يمنة يرتاح من يشوف واصل مستوانة رغم كل انشغالة وتعب السنين من يروح يمنة يخلي اذانة اذا ناسيلة شغلة وخاف نحتاج واذا نطلب الروح يحطها امانة ماخلص ابوي هواي مشكور خلص كل حياتة يسد ورانة
____
ابوي الحنين اليترس البيت بضحكتة القوي ال مايوم وارانة دمعتة فتحت باب الصالة واشوف المنظر الهد حيلي ابوي ابو الطول الحلو غركان بدمة ابوي اليستقبلني بحنيتة وبلهلا رحت بكل سرعتي واني ما مصدكة افحص نبضاتة بس هنا احس بعد ما الي حيل من ما حسيت بنبضة دموعي ماتنزل من الصدمة مصدومة ابوي اليوم الصبح كاعد نتشاقه ونضحك ويوصيني على نفسي ليش ابوي هنا ليش الدم تارسة شنو صار اسئلة هواي تتراود بعقلي احس ما الي حيل مرت دقايق واني صافنة شوي وحسيت شي حار على خدودي ضليت اصيح وابجي ب اعلى صوتي اريد ابوي شمعة بيتنة يكوم منو يسندنة بعد ليش عافنة وراح ضليت اصرخ واصرخ الدرجة دخلو جيرانة ويحاولون يبعدوني عنة واني مجلبة بي منو الي غيرة حالياً اني يتيمة الام والاب زين ريحانة تيام شنو اكللهة وهوة جان يكللهة ريحانتي انتي شنو ذنبهة تيتمت وهية عمرهة سنة وهسة تيتمت للمرة الثانية سمعت صوت الشرطة داخل البيت بس احس فقدت اريد ابوي اريد احس بحنيتة ودفو حضنتة كعدت بالكاع مهدود حيلي واني احجي ويا خيال: بابا حبيبي كوم فدوة اروحلك شنو اكول الريحانة انتة مو تكللهة انتي ريحانة تيام زين ليش تيتمهة ليش تعوف وصية حبيبتك ليش ما اخذتونة وياكم ابوي حبيبي ابو الطول الحلو منو يستقبلني بعد من ارجع من الشغل دفو حضنك منو يعوضني بي بويةةةةةةة اكعد يابة بابا فدوة اروحلك واريني طولك الحلو شنو الهاي الدرجة مشتاق الامي ليش يابة مو كلت ازفجن بيدي ليش عفتنة
احس نفس فاقدة حسيت على ايد خشنة انمدت تكومني لان يريدون يحققون بالقضية ماجنت مستوعبة بهذا الوكت جانت ريحانة بعدهة بالمدرسة ضليت اصرخ اريدة يعوفني بس ضل مقيدني يريد يكومني حسيت الدنيا غوشت بعيني وسحبني الظلام
كاعد على الكرسي مال مكتبي وجنت أحقق بجريمه وجان اسمع ملهم يعيط ملهم:ضلعتي شتاقيتلج آسر:هلا حبيبتي لا اني اشتاقيتلج اكثر ملهم :لا اني اكثر ولعباس اني اكثر آسر:اي درينه كافي شتريدن اجيتيلي ؟ ملهم :سمعت اكو جريمه قتل بإحدى مناطق البصره آسر:بسبب شنو ؟ ملهم :اني المحقق لو انته غير انته تروح اتشوف آسر:جا يله امشينه نروح ___ آسر جان عمري ٤سنوات ما عشت طفولتي مثل باقي الأطفال ولا عشتي مراهقتي مثل بعض الشباب بسبب مرت ابويه الي حرمتني من كلشي وخلت بيني وبين ابوي حافز كلش جبير الي خلته يضربني من عمري جان ٥ سنوات إلى عمري ١٧ سنه ابوي اكتفه عن الضرب لان جنت اصده وما اخلي يضربني يضربني بسبب اكاذيب ____ رحنة للبصرة اني وملهم هذا عضيدي توجهنة للمستشفى حتة نشوف الجثة الشي الي عرفنا عن القضية انو هوة مدير شركة و وفاتة صارت مفاجئة بس جان الشي الغريب انو توفة وهوة بغرفة مكتبة وجان المكتب صاير بي هوسة وكأنو كان ب عركة رحنة الغرفة التشريح وشفنة الجثة وعفتهم ونزلت حتة اشرب كهوة لان مانايم وراسي ياذيني بس اخذت الكهوة ورجعت انضربت بية وحدة من الممرضات واعتذرت بس اني ما اهتميت وعفتهة ومشيت كملنة شغل ورجعنة للبيت نرتاح ثاني يوم الساعة ب٣ وربع اجة الملهم اتصال بعملية قتل رحت وي ملهم وجان اكو هواي ناس متجمعين وبنية بالوسط جانت مألوفة الي تصرخ وتعيط والي استنتجتة هذا والدهة حاولو يوخروهة بس ماكدرو اتدخلت وسحبتها وجانت تقاومني بكل الطرق بس فجئة توقفت عن الحركة اغمة عليهة انتبهت عليهة واتذكرت البنية الي ضربت بية بالمستشفى اتصلو بالاسعاف ونقلو البنية للمستشفى والجثة وحاوطنة المكان وبدو يكصون صور الموقع الجريمة ___ خيال:فتحت عيوني وشفت سقف ابيض وربحة ديتول حاولت اتذكر وبسرعة تذكرت ابوي وشلون توفة كمت اصرخ دخلت بحالة هستيرية دخلن الممرضات ضربني ابرة مهدء سحبني الظلام ونمت وكعدت بعد فترة من الزمن وشفت كدامي رجال لابس بدلة شرطة
