التخيل ده كان ف عيد ميلاد هيوك نزل ف المدونه يوم عيد الميلاد بس هنا نزل متاخر
البطله هي انتي تخيلي نفسك بالقصه ^^
ياريت فوت وكومنت حلوين علشان اكمل باقي الشوتات و القصص
اسيبكم مع التخيل و انجوووووووي ^^
.............
صحيت من النوم على صوت المنبة المزجع .. فتحت عينى ومديت ايدى عشان اطفيه .. فردت ايدى عشان اتمطع حسيت بايد حبيبى وهو بيشدنى اقرب ليه .. حطيت ايدى على ايده وبعدين لفيت وشى عشان اقابل وشه البرئ الملائكى قدامى وهو مغمض عنيه .. قلبت جسمى كله وهو لسه محاوطنى بايدة .. راسى على دراعه وايده التانية على وسطى .. انا بالفعل مبقتش اعرف انام غير وانا فى حضنه وهو مش بيعدى اى يوم غير ولازم يكون حاضنى مهما كان حصل بينا .. رفعت ايدى عشان ابعد خصلات الشعر اللى نازلة على وشه وبدات المس وشه برقة واهمسله عشان اصحيه
انا : هيوكى .. هيوكى بيبى .. قوم يا حبيبى الساعة بقت 7
شدنى هيوكى لحضنه اكتر وحاول يخبى وشه منى عشان مصحيهوش .. بجد طفل .. بس انا مستسلمتش لانى اتعودت على تصرفاته دى كل يوم .. بعدت عنه شوية وبدات امسك خدوده بايدى بالراحة
انا : قوم قوم قووووووم
فتح هيوكي عينه واتكلم بصوت نعسان : صباح للخير
انا : صباح للنور يا حبيبي .. قوم يالا ظبط نفسك وغير عقبال ما اعملك الفطار
جيت عشان اقوم لاقيت هيوكي بيشدني تاني .. بصتله لاقيته باصصلي ببراة : فين بوبو الصباح ؟
ابتسمت وقربت من هيوكي واديته بوبو سريعة وبعدت عنه : يالا قوم بسرعة عشان متتاخرش
خرجت من الاوضه ورحت عشان اجهز لحبيبي الفطار .. وهو قام دخل الحمام وغير هدومه ..لبس بدلة بني وقميص ابيض وجزمه بني .. قعدنا نفطر وبعد 5 دقايق قام هيوكي ونزل لشغله .. وانا قمت روقت البيت وبعدها دخلت المطبخ وبدات بصنع كيكة التورتة .. النهارة عيد ميلاد هيوكي ولازم اعمله انا الحلويات بايدي .. فعلا عملت الكيكة وبدا بحشوها وتزينها .. وبعدها بدات بتحضير الغدا .. وبعد ما خلصت كل ده .. غيرت هدومي وخرجت عشان اشتري الزينة والبلالين والورد وكمان اشتري هدية لهيوكى .. اشتريت تيشيرت لونة احمر وبنطلون جينز اسود .. ورجعت البيت تانى ريحت شوية وبعدين شغلت اغانى ودخلت اوضة النوم طلعت مفرش سرير جديد هيوكى كان جابهولى فى عيد الام " حبيب قلب مامى " وفرشتة على السرير .. وبعدين خرجت الصالة وحطيت ورد فى الفازة .. وبعد ساعتين لاقيت تليفونى بيرن .. ابتسمت اول ما سمعت النغمة لانها النغمة الخاصة بحبيبى .. رديت على طول
انا : الو
هيوكى : انا خلصت شغلى .. عايزة حاجة اجبهالك وانا جاى ؟
انا : عايزة حبيبى يرجع بسرعة لانه وحشنى قوى
هيوكى : ربع ساعة وهكون فى البيت .. حضرى الاكل عقبال ماجى
انا : جاهز يا حبيبى مانا خلاص اتعودت
قفلت مع هيوكى وقمت احضرله الاكل .. اصل هيوكى بيحب الاكل وبيرجع جعان قوى .. ولو ملاقاش الاكل ممكن ياكلنى انا عادى هههههههه .. وبعد ربع ساعة كنت واقفة فى المطبخ وسمعت صوت الباب بيتفتح .. وهيوكى بينادى عليا .. خرجت من المطبخ ورحتله استقبلته بحضن وبوبو .. دى بردو من عاداتنا
هيوكى : انا واقع من الجوع
ابتسمت وخبطه بالراحة على معدته : دايما همك على بطنك كده .. عموما ادخل اغسل ايدك ووشك وهتلاقى الاكل جاهز
ادانى هيوكى بوبو على خدى سريعة ودخل الحمام فعلا .. وانا جهزت السفرة وحطيت الاكل .. قعدت انا وهيوكى وفضل باصصلى ومبداش ياكل .. بصتله باستغراب .. فتح بقه وشاور على نفسه
انا : انت عايزنى اكلك ؟
هز هيوكى راسه واتكلم بلطافه : النهاردة عيد ميلادى يعنى اتدلع براحتى .. وانا عايزك تاكلينى
ابتسمت للطافه هيوكى : وبدات اكله مرة واكل مرة .. لحد ما بدا هو ياكل لوحده
أنت تقرأ
one shot
Krótkie Opowiadaniaكل بارت بقصه و شخصيه جديده هتكون ون شوت قصه صغنونه يعني كده وخفيفه ^^ اتمني تعجبكم ^_^
