فى كافيه مخصص للحبيبة .. كان دونى قاعد مع حبيبته وعمالين يتكلمو ويضحكو .. وف وسط كلامهم قاطعهم تليفون دونى اللى بيرن بنغمه متخلفة تدل ع صاحب الفون واللى بيتصل بيه
رد دونى ع الفون : انت مش هتبطل ازعاج .. بتتصل ف وقت مش وقتك خالص
هيوك : ليه كنت بتعمل ايه ؟
دونى : قاعد مع المزة بتاعتى .. عايز ايه ؟
هيوك : ماشى ياعم الله يسهلو .. انا مش بقر انا بحقد بس
دونى : اهو حقدك ده هو اللى هيجبنى ورا
هيوك : خلاص ياعم كلها بكرة وهرجع واقابل حبيبتى وابقى زيك .. محدش احسن من حد
دونى : يالا عشان ارتاح منك .. استنى انت قولت هترجع امتى ؟
هيوك : بكرة ياعم الاطرش .. الساعة 11 الاقيك مستنينى ف المطار
دونى : اخيرا السنتين خلصو .. هتلاقينى بكرة من النجمة ع باب المطار .. هيفتحوه يلاقونى ف وشهم
هيوك : ليه يابنى .. رايح تبيع لبن .. وبعدين ليه محسسنى انك بتتكلم عن محل كشرى احنا بنتكلم عن المطار
دونى : بقولك ايه .. انت هتفضل ترغى وتقاوح فيا .. وانا بصراحة مش فاضيلك
هيوك : براحتك .. كله بحسابه لما اشوفك بس
دونى : غور بقى
قفل دونى وهيوك وكانت الفرحة باينه عليه
يونا : مين اللى كنت بتكلمه ؟
دونى : ده هبوك صاحبى .. انتى مشفتيهوش قبل كده لانه سافر سنتين تبع شغله .. وهيرجع بكرة
يونا : حمد الله ع سلامته .. تصدق من كتر كلامك عنه من اول ما عرفتك .. وانا بقيت متشوقة انى اشوفه
دونى : اكيد هتشوفيه .. بس خدى بالك منه احسن ده واطى وصايع .. ممكن يضحك عليكى بكلمتين .. او يقولك حاجة عنى اوعى تصدقيه .. اصله بيعزنى قوى .. هو والشر اخوات
يونا : هههههههه لا متقلقش
دونى : سيبك منه بقى خلبنا ف اللى كنا بنقوله
قعد دونى ويونا يتكلمو وقضو يومهم مع بعض .. وتانى يوم الصبح .. صحى دونى واخد دش ونزل ف طريفه للمطار .. وقف ف مكان انتظار الناس لما توصل .. وشاف هيوك وهو خارج
جرى دونى ع هيوك واخده حضن مطارات : هيوووووك
هيوك : هتفعصنى يابن ال.....
دونى : يخرب بيت كده .. هى الغربة بتحلى .. ولا انت عملت عملية تجميل .. جابو وشك بدل قفاك
خبطه هبوك ع قفاه : ليه ياض انا طول عمرى مز وقمر .. انت اللى محتاج نضارة يا حقود
خرجو من المطار .. وحطو شنط هيوك ف عربيه دونى .. وركبو ف طريقهم لبيت اهل هيوك
دونى : اومال فين البت اللى كنت بتحكيلى عنها ؟.. انا قولت انها هتستناك ف المطار
هيوك : ماهى متعرفش انى راجع النهاردة
دونى : ليه بقى ؟
هيوك : بص يا سيدى .. انت عارف اننا اتقابلنا ف المانيا .. وقضينا احلى سنة مع بعض .. ولما رجعت هى كوريا .. كنا ع اتصال لحد فترة قريبة .. وبعدها تليفونها اتقفل ومش عارف اوصلها
دونى : تلاقيها زهقت منك .. وارتبطت بواحد تانى احلى منك
هيوك : يالا يا واطى .. اصلا مفيش حد احلى منى
دونى : المهم يعنى هتعمل ايه معاها ؟
هيوك : هروحلها البيت .. هى كانت اديتنى عنوانها عشان لما ارجع ابقى عارفة .. هطب عليها زى القضى المستعجل
دونى : هتروحلها امتى ؟
هيوك : اكيد مش النهاردة لانى راجع تعبان هروح انام وبالليل هلاقى امه لا اله الا الله عندى
دونى : ع فكرة هتلاقينى انا والبت يونا من ضمنهم
هيوك : يونا ؟
دونى : يادى النيلة ع الزهايمر .. انا مش قولتلك انى ارتبطت بواحدة اسمها يونا وحكيتلك عرفتها ازاى .. حتى انت فضلت تقولى انها ع نفس اسم البت اللى انت بتحبها
هيوك : خلاص ياعم افتكرت .. عموما انت كده شوقتى عشان اشوفها النهاردة
دونى : المفروض تقول عشان اشوفكو مع بعض النهاردة
هيوك : انا بقول الحقيقة .. ولا عايزنى اكدب وادخل النار بسببك
دونى : لا خلينى اموتك وادخل انا النار بسببك
بص هيوك من شباك العربية : انت حر ف نفسك
أنت تقرأ
one shot
Short Storyكل بارت بقصه و شخصيه جديده هتكون ون شوت قصه صغنونه يعني كده وخفيفه ^^ اتمني تعجبكم ^_^
