نمت كعدت الصبح الساعه 6 دكيت عله زينب
رقيه: الو زينب يلا كعدي عدنه دوام
زينب: يعني مدكولين اكو بشر نايم
رقيه: ولج عدنه دوام لتخليني اجي الغرفتج اشبعج جلاليق كومي احسلج
زينب: كمنه كمنه
سديت التلفون وكمت سبحت وطلعت لبست ملابس ومشطت شعري وكويته وخليت مكياج خفيف وحطيت بجنتي مكياج والتلفون وفلوس والبصمه مال سياره ولبست الحذاء ونزلت جوه
الملابس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لكيت ريبر كاعد بالصاله
رقيه: صباح الخير
ريبر: صباح النور 😉
رقيه: ههه شعجب كاعد من الصبح
ريبر: ما اعرف كعدت بعد مكدرت انام
رقيه: امم اوكي
رحت للمطبخ حته اجيب الدولمه الي بقيتهه البارحه حطيتهه بالعلاكه ورحت للطاوله الطعام العب بالتلفون ونزلت زينب
رقيه: يا الله وين جنتي ست زينب صالج ساعه
زينب: ديلا بله حجي تره نعسانه ومالي خلك احد
رقيه بصوت ناصي: خل نشوف من نوصل يم عبدالله هم مالج خلك تحجين لو لا
زينب: شكلتي
رقيه: ها لا مكلت شي يلا امشي
زينب: يلا
رقيه: بيباي ريبر
ريبر: بايات 😉
طلعت ركبنه بالسياره وشغلنه اغنيه ومشينه ونغني وياهه وصلنه للجامعه طبكت السياره وطفيت الاغنيه ونزلنه لكينه عبدالله منتضرنه رحنه يمه
رقيه وزينب: صباح الخير
عبدالله: صباح النور
زينب: شلونك
عبدالله: الحمدلله
رقيه: هاك عبدالله هاي الدولمه الي كلت عليهه البارحه يله خل نروح للحديقه حته تاكلهه وتكلي رايك
عبدالله: شكرا
رقيه: العفو
ضلينه نمشي ونسولف وصلنه للحديقه كعدنه وعبدالله فتح العلبه وجرب الدولمه
