وصلت للكوت الساعه 12 خابرت زينب حته دزلي العنوان البيت
رقيه: الو زينب شلونج شخبارج
زينب: الحمدلله حبيبتي ان شاء الله وصلتي
رقيه: اي الحمدلله وصلت بس دزيلي العنوان البيت
زينب: مو تدللين هسه شويه وادز العنوان
رقيه: اوكي بس بسرعه لا تتاخرين
زينب: لا ما اتاخر دقيقه
رقيه: اوكي لعد اني شويه اتاخر مو يضل بالج
زينب: اوكي حبيبتي براحتج
رقيه: اوكي باي
زينب: باي
وصلت يم المطعم اكلت وكعدت شويه ارتاح ورحت للحمامات ( الله يكرمكم) وعدلت مكياجي وشعري وطلعت صعدت بالسياره جنت امشي بالسياره زينب دزت العنوان البيت اني رحت عل عنوان اني كل الي ابالي انو عدهه بس 2 اخوان مرتضى وعلي لان من جنت صغيره بالرابع اعدادي سالتهه سؤال
نرجع للماضي
رقيه: زينب شكد. عندج اخوان
زينب: هاا امم 2 مرتضى وعلي
رقيه: ها زين عندج خوات
زينب: لا ماعندي
رقيه: اوكي
نرجع للحاضر
وصلت للبيت طبكت السياره ونزلت الجنط ودكيت الباب
زينب: هاي اكيد رقيه راح اروح افتح الباب فتحت الباب وطلع صدك رقيه
زينب: هلو رقيه
رقيه: هلو حبيبتي شلونج مشتاقتلج كلشش
زينب: اني اكثر تفضلي تفضلي
رقيه: شكرآ حياتي
طبيت للبيت سلمت عله امهه وابوهه ومديت ايدي حته اسلم عله مرتضى وعلي وسلموا عليه وكعدنه شويه سولفنه طبعاً اني اليوتيوبر المفضل هوه ريبر
وجنت اتمنه اشوفه المهم دنسولف اني وزينب وجان اسمع صوت شخص دينزل من الدرج بس الصوت مو غريب عليه نزل ريبر وكفت ضليت مصدومه وصافنه
كلت بداخلي what the hell هاي شديصير هذه ريبر معقوله هاي حقيقه باوعت عله زينب وعله ريبر
ريبر: ها زينب جتي صديقتج جان يباوع بالتلفون جان ريفع راسه ويباوع عليه
اني جان شعري اسود واصل الحد خصري وعيوني عسليه وطويله وبشرتي حنطاويه المهم
نزل وكف كدامي كالي
ريبر: مرحبا شلونج
رقيه: اهلاً الحمدلله انته شلونك
ريبر: الحمدلله تمام تفضلي تفضلي ليش واكفه
رقيه: شكرا ☺️ خجلت كلش من شفته
