قدري هكذا

Part 1

مساء الخير
اهلاً بيكم بالبارت الاول من قصه(قدري هكذا)

اسمي بيرين عمري راح يبدي حسب بدايه القصه والي هو 15 سنة خلي هسه اعرفكم ع عائلتي بالمناسبه والدي ووالدتي منفصلين💔

والدي محمد/من بعد انفصاله عن والدتي تزوج وسافر وطبعاً مو عبالكم انو تركنا لا والدي كلش حنون وكل فتره يجي يطمأن علينا وماكو يوم طلبت من عنده شي ورفض .

والدتي زهراء/ عصبيه شويه ودائماً تكون متوترة ومن بعد انفصالها تزوجت بشخص هسة تتعرفون عليه .

يوسف(زوج والدتي) / متزوج قبل يعني والدتي جانت الزوجه الثانيه رجل كلش طيب وحباب مشفت من عنده أذيه ولامعامله او كلمه محلوه بحقنا الي اعرفه عنده ولد ثنين وبنيه بس مشايفتهم .

+ عندي اخ واحد واخت
اخويه احمد عمره ١٩ سنه جامعة مرحله اولى تخدير.
واختي الصغيره رؤيا عمرها ١٣سنه ام لساان 😂
هاي عرفنا الشخصيات هسة نبدأ

       البارت 1
______________
يوم الجمعة
زهراء(والدتها)/ بيريييين بيريين يلاا بنتي كومي ساعة ٢ الضهر كافي نوم 😴
بيرين/ يي ماما هسة اغسل واجي
زهراء(والدتها)/ يلا ماما وكعدي اختج وياج نزلوا تريكوا
بيرين/ كعدت ع صوت ماما تكعد تصيح علينا تكعدنا جاوبتها وراها درت وجهي لكيت رؤيا كاعده ع مبايل
..ليش مجاوبتي ماما اذا كاعدة
رؤيا ( اخت بيرين)/ يمعودة حفظناها المحاضره مال كل يوم مابيه حيل اجاوبها وتصيح عليه
بيرين/ميصير تسمعين ومتجاوبين يلا عوفي التليفون وكومي ننزل
*اني واختي بغرفة وحدة واحمد غرفته وحدة
كمت غسلت ونزلت
...صباح الخير ماما
زهراء/ صباح النور وين اختج
بيرين/ دتغسل هسة تنزل لعد احمد وين
زهراء/راح للتمرين ميجوز هل ولد من الحديد
بيرين/ يي عوفي ماما هو جسمه حلو خليه يتمرن
زهراء/شوفي اختج عاد وينها دنتريك
بيرين/ رحت شفت رؤيا جانت تخابر اول مشافتني سدته محجيت شي لان دائماً هيج ومن احجي وياها تطلع حجج ومحد يخلص من السانها ونزلنا تريكنا رؤيا صعدت الغرفتها واني بقيت انضف شويه وحجيت ويه صديقتي دتذكرني شنو عندنا امتحانات الاحد لان مدرستنا امتحانين بنفس اليوم كلش اتعب صعدت لغرفه احمد مابيها احد لان غرفتي ويه رؤيا ودائماً اسمعها تريد غرفه وحدها فأاحس وجودي يضوجها شفت حلقة مسلسل وجبت كتبي قريت ماده امتحان وقريت كم ماده يومي وارتاحيت حجيت ويه صديقاتي مر ع كل هذه اربع ساعات نزلت لكيت ماما تسوي غده وعمو يوسف كاعد ع تلفزيون (زوج والدتها)
يوسف: ها بيرو شنو هسة كعدتي من النوم
بيرين: لا عمو كاعده صار هواي جنت ادرس
يوسف: عفيه بنيتي اختج وين
بيرين: ماعرف بالغرفه يمكن هم دتدرس
يوسف: خلي ترتاح وراها ثالث سنه الجايه
بقينا نسولف ع امور الدراسه وجهز الغده وانتظرنا احمد يجي وتغدينا كلنا وجان يوم عادي مثل اي يوم صار الليل والكل ناموا واني بقيت اشاهد مسلسل صار الفجر جانت باقي الرياضيات عندي امتحان بس مقريتة كلش اكره الرياضيات والانكليزي فكرت ادرسه مجرد تفكير فكرت بيه رأساً ضجت ونعست ونمت😭😂
يوم السبت
كعدت ع صوت ماما باوعت الساعه ب١٠ الصبح
..ها ماما بعد وكت
زهراء: كوموا تعبت من الصبح انضف اليوم يجون ولد يوسف وبنته
بيرين: شنو ليش يجون
زهراء: دينتقلون من بغداد الاربيل (المحافظة الي ساكنين بيها) ويوسف كال اريد اعرفهم عليكم
بيرين: زين ومرتة هم تجي
زهراء بعصبية: ومرتة شعندها جاية بس ولده وبناته .
كمت غسلت وبديت انضف صارت الساعة ٣ واجه عمو يوسف كال وصلوا الاربيل يرتاحون ساعه ويجون كملنا تنضيف ورحت سبحت وبدلت لبست تراك اسود ومشطت شعري دائماً اعوف شعري مفتوح لان طويل احبه وسمعت صوت الباب ماما ورؤيا جانوا ديجهزون نفسهم ممكملين وعمو يوسف راح يجيب عصائر وحلويات وماكو احد نزلت دافتح الباب جانن انصددمم...

البارت الاول قصير عليكم بس البارتات الجاية اعوضكم