البارت الثالث
__________
ادم/ كاعدين واجة اتصال ع امي
..شكو امي شصاير
نور:بيبيتك تخربطت وبالمستشفى لازم اروح
يوسف: يلا امشي اوصلج
راح ابوية وصلها وبقت بالمستشفى وهو رجع يمنا كعدنا نباوع تلفزيون
يوسف:مريوم اشو منايمة ماعندج دوام باجر
مريم:لا ماداوم باجر بعدها اوراق النقل مالتي مكاملة
يوسف: خوش بنتي باجر اخذ اوراقج واسجلج نفس مدرسة رؤيا حتى أمن عليكم سوة
مريم:يي بابا لان ماعرف احد هنا اني
يوسف:شلونج وية البنات حبيتيهم
مريم:يي رؤيا حبابة وبيرين مبين عليها شكد هادئة وحلوة بس متعرفت عليها كلش لان مشفتها هواي ادم شافها اكثر مني😂
ادم:ادري شفتها اكثر منج قابل شجنت اسوي غير ادرسها وماشاءلله ذكية وتفتهم بسرعة
يوسف:عفية عليكم همة كلش حبابين ويحبوكم هم والبنات ربوا ع ايدي
ادم/ بقى ابوي يحجي ويمدج بيهم لحد منعست وترخصت من عدهم ورحت الغرفتي دانام وجتي بيرين ع بالي شكد حلوة وترفه وهادئه ياربي نمت محسيت بعد
صباح يوم الاحد
بيرين/ كعدت علَ صوت المنبه كمت بسرعة غسلت وبدلت وكعدت رؤيا وراجعت دروسي بين مأجة الخط ورحت للمدرسة اني ورؤيا نفس المدرسة نزلنا من الخط وبقيت متوترة من الامتحان واراجع مشفتها بعد
صار ثاني درس وبدينا نمتحن رياضيات والف الحمدلله شفت الاسئلة كلها قاريتها وميييي جانت فد فرحتتتت من جاوبت دك الجرس واخذت كتاب الاحياء حتى اراجع بالفرصة وراها تذكرت رؤيا حطت الفلوس بجنطتي خل انطيهنيا حتى تشتري وتاكل رحت سألت صديقتها ريام عليها
.. ريام وين رؤيا
ريام:غير نايمة بالبيت شبيج مطفية
بيرين: دحجي وين رؤيا نست الفلوس يمي دانطيهيا
ريام: شبيج بيرين حلمانة رؤيا ممداومة اليوم
بيرين بتوتر: شنو ممداومة غير نزلت وياية من الخط
ريام: والله مادري مشفناها بالصف وسجلناها غياب
بيرين/ نصدمت رؤيا وين راحتت خاف خطفوها الف تفكير اجة علَ بالي ونسيت عندي امتحان ونسيت كلشي فكرت اخابر ع امي كلت لا خل انتظر بالرجعة اذا ماكو اكوللها خاف يصير بيها شي خلصت الفرصة دخلت ونطوني اسئلة الاحياء توترت كلش وبالي مو يم الامتحان جاوبت شلون مجان وطلعت
كضيت باقي الدروس صافنة لحد مخلصت كل الدروس دنطلع
شهد (صديقة بيرين) : بيرين مو ذيجة اختج
بيرين/ باوعت لكيت رؤيا واكفة يم سيارة الخط مالتنا
كلتلها يي بيباي
رحت بسرعة
..انتي وين جنتي
رؤيا: بالحفلة يعني وين غير بالمدرسة
بيرين: لتكذبين مجنت بالمدرسة وسجلوج غياب احجي وين جنتي
رؤيا: ميخصكم وين جنت
بيرين:اوكي يارؤيا نرجع للبيت واكول الامي وكوليلها هيج عود
رؤيا: يي وشنو اخاف منكم كوليلها
بيرين: عفتها وبقيت افكر اذا اكول الامي راح تصير مشكلة
رجعنا وبقيت ساكتة جتي صاحتني ع غدة محجيت وياها ولاجان الي نفس اكل كعدت اباوع مسلسل وبالي مو يم المسلسل بقيت افكر هواي
ادم:كعدت الصبح رحت للجامعة دخلت محاضرتين مهمة والباقي عفتهم وطلعت وية جماعتي كعدنا بمطعم واكلنا طلعنا بسيارة افترينا للأربعة رجعت للبيت لكيت ابوي بعدة يمنا
يوسف: ها وليدي اليوم رحت نقلت اختك جابولي اوراقها من بغداد وكملت كلشي وباجر تكدر تداوم
ادم: ليش تعبت نفسك ابوي جان اني بيوم ماداوم اروح انقلها
رحت الغرفتي فتحت تليفوني بقيت اكلب بي مادري ليش اجاني فضول ادخل ع حساب ابوي واطلع حساب بيرين دخلت وطلعتة حسابها جان عام وناشرة كم صورة الها بوست وهايلايت سويتلها فولو ورة ساعة ونص ردت الفولو شفت ستورياتها مناشرة شي اليوم بينما الهايلايت مالتها مبين هية مهتمة بحسابها وتنشر يومية طلعت الهايلايت مال دراسة ورديتلها عليه
.. شلونج اليوم بالامتحان
بيرين/خلصت مسلسل وطلعت كتبي ودرست مجان عندنا هواي دراسة بس تحضيرات يومي ساعة ونص كملتها فتحت الفون لكيتة جايني فولو من ادم ترددت بالبداية اردلة فولو بس كلت عيب لازم ارد هو بالنهاية ابن عمو يوسف رديتلة الفولو ووصلني مسج من عندة يسألني ع امتحان
..تمام زينة جاوبت
ادم: متأكدة مجاوبة زين؟
بيرين: يي والله جاوبت زين نشاءلله اجيب درجة عالية
ادم: الحمدلله
بيرين/ امي صاحتني سويتلة لايك مسج ونزلت
زهراء: اختج وين من جيتوا ليهسة مشفتها واصيح عليها متجاوبني
بيرين: مادري ماما غير بغرفتها
زهراء: لعد انتي مو جنتي بالغرفة
بيرين: لا جنت بغرفة احمد
هنا فكرت اكول الاحمد ع بيرين لان السالفة خطرة شمدريني اني ويامن تروح ووين بعدين الذنب يصير علية ويكولولي انتي وياهابنفس المدرسة انتظرت لليل احمد يجي
ادم/ جاوبتني وحسيتها ضايجة كلت هية هادئة ومتعرفني زين وممتعودة شمرت الفون ونمت كعدوني ع عشا امي جانت بيت جدي بعدها مجاية علمود بيبيتي وابوية جايب عشا من برا وكاعدين كلنا دناكل والوقت متأخر تقريباً ب١ ونص بليل وابوي اجاه اتصال
يوسف: ياستار هاي بيرين دتتصل بهل وقت شصاير
..........
أنت تقرأ
قدري هكذا
Mystery / Thrillerلا نعلم متى نسقط وانما علينا ان نعلم وراء كل حادثة درس لاينسى وراء كل خذلان قوة
