ووووه علي انته شجاي تحجي هاي هه مستحيل
نور. هسه ليش كل هاذه الفضول ليش تلعبين بشي ما يخصج واني باقيه الوم نفسي ندك الباب منو
علي. انه
نور. تفضل
علي. سويتي غده
نور. هااا المن اسوي ماكو احد موجود
علي. اي صحيح بس اني ما متغدي اريد غده
نور. ماشي ضل ساكد واكف مكانه واني هم بقيت بمكاني
علي. يلا ما تروحين
نور. تفضل اشرتله بمعنه اطلع ب الاول
علي. هااا
نور. طلع واني طلعت وره
علي. اسمعي ما اريد شي ثكيل وجيبي لغرفتي
نور. تمام تركني وراح اني سويت اشياء خفيفه وطلعت لغرفته جريت نفس عميق ودكيت الباب
علي. منو
نور. اني اكو احد ثاني هنا
علي. ادخلي
نور. تفضل
علي. هاج اخذي هذن غسليهم بسرعه اريدهن بعد شوي
نور. شمرهن علا وجهي تمام محتاج شي ثاني
علي. من اخلص اريد جاي
نور. تمام وطلعت كمت اشتغل واحجي ويه نفسي بصوت مسموع. علساس طالعين سفره ليش رجع هاذه سلب راحتي جنت فرحانه لوحدي غده جاي غسلي هذن كله اوامر خلوني شوي ارتاح ولو يوم واحد من اجيت لحد الان هاذه اول يوم ارتاح بي شوي خليني فرحانه لا ما يصير شلون نور ترتاح
علي. ليش شنو مسويلج
نور. لتفتت بسرعه. هااا لا ما مااكو شي
علي. ماشي ماشي سوي جاي وجيبي للصالون
نور. تمام ماشي
علي. اي بسرعه 😒
نور. هسه بسرعه. طلع نور نوووور شبيج خليت الملابس بلغساله وسويت الجاي تفضل
علي. كعدي شوي
نور. ليش
علي. شبيج 😒 عندي حجايه وياج
نور. احجي اسمع
علي. كتلج كعدي
نور. انجبرت اكعد تفضل اسمع
علي. شنو صاير بينج وبين رقيه والبقيه
نور. ماكو شي
علي. هاااا
نور. محتاج شي ثاني
علي. لا ما اريد شي تكدرين تروحين
نور. رجعت لغرفتي وما طلعت وبعد 4 ساعات رجعو الكل مرت الايام وتعامل علي وياي يتغير شوي شوي يعني قبل ما يحجي وياي ولا كانو عنده زوجه بس هسه يحجي وياي وهمين يحجي شوي بلطف حسيت بدت حياتي تتغير شوي بس اذا اجت مريم وابرار يصير غير كلام ما اعرف ليش يكرهني كل هاذه الكره وعلا شنو يعني اخوي الي دعم ابوكم اني شنو دخلني المهم شمس رجعت تحجي وياي ورقيه همين وخضر الله يحفظه افضل انسان قابلته بحياتي اذا احد يحجي عليه من ابرار او مريم ما يقبل يعني وكفته وياي صدك وكفه اخو لخته جان يعاملني مثل ما يعامل رقيه وشمس وغيرهن
امه ام حامد ابد ما تاركتني كل شوي وتجي تحجي عليه شي عرفي اولادي ولا تلعبين براسهم وشي تردين تفتنينهم وتحجي كلام غير لائق ابد
وامل همين من تجي ما تقصر
بس كل الي جاي يسونه وياي بكلمه حلوه من البنات انسه كلشي سمعته يعاملني وكانو اختهن مو اني الفصليه الي تاهميني بقتل ابوهن
مرت 4 اشهر
صار علا وجودي عدهم 11اشهر
وخلال هاذه الاشهر صح تعذبت هواي بس وقعت بحب علي بس ما ابينله ابد ما اعرف شلون حبيته ههه 😊 شلون حبيت واحد جان يكدر يساعدني من جنت انضرب من خوانه بس ما يسوي شي جان يكدر يوكف بوجه اهله علمودي بس ما سوه اي شي جان ضدي مو وياي بس هسه حبيته مع انو ما يبقه بلبيت نادراً جنت اشوفه ما يتواجد هواي المهم
يوم الخميس العصر اجت شمس عليه وصحيح نسيت اكللكم اني نتقلت بغرفه حامد القديمه اول بدايه ما قبل وبقه بس يصيح بس تالي قنعو خضر وعلي نرجع
شمس. نور يا نور وينج
نور. احجي اسمعج
شمس. امشي بدلي نريد نروح
نور. شنو وين لا ما اطلع
شمس. شنو ما اطلعين من اجيتي لهاذه البيت لحد الان ما طلعتي راح تموتين هنا
نور. احسن
شمس. يلا يلا عوفي الي بيدج ويلا امشي علي يريد ياخذنه احنه البنات
نور. علي جا مو عنده شغل
شمس. شغل هيج وكت ماكو
نور. هااا بس ما عندي شي اطلع بي
شمس. تعاي وراي انطيج من عندي راح اكول لرقيه واجي
نور. يعني اروح لغرفتج وانتظرج
شمس. هه يلا روحي انتظريني
نور. جنت كلش فرحانه راح اطلع بعد وكت كلش طويل ويامن ويه علي احسن اليوم اسعد يوم بحياتي
شمس. يلا نشوف شنو نختارلج
نور. يمته نروح
شمس. اهاااا اشوفج تحمستي
نور. لا مو هيج بس.....
شمس. اششش اعرف فرحانه لئن بعد وكت راح اطلعين صح
نور. اي اي صح
شمس. اي هاذه اكيد راح يطلع عليج يخبل روحي جربي وتعالي
نور.ماشي 😀 ردت اطلع من الغرفه
شمس.وين بدلي هناك وره الستاره هاذي
نور. هه نسيت غيرت ملابسي ولبست
أنت تقرأ
فصليه تحت العقاب
Misterio / Suspensoالقصه تتكلم عن فتاه يتيمه الام بسبب اخيها من ابيها الذي يتسبب بمقتل شخص لكتون هي الفصليه رغم وجود العديد من الاخوات وعائله الشخص معروفون منتنفذون جدا لتعيش حياة اقرب للجحيم حياه بائسه جدا ربما تنال المقدار الكافي من الفرح في نهايه المشوار لا احد ي...
