ظنيت اني احب غيرك و خاب ظني ..

بارت ٢

(زايد قال لنهيان ع اللي صار )

اول ماوصلو المستشفى سالو عن روضه و دخلوهم الطواري جافو ابو زايد واقف يرمس ف الفون

بو زايد : لا الحمدالله مافيها شي لاتحاتون ( جاف زايد و نهيان ) يلا طمنوهم فمان الله
زايد : ها ابوي شو صار شو قالو لها
بو زايد : الحمدالله مافيها شي بس هبوط ف السكر و لازم تقلل من الكافيين
(نهيان ف خاطره الحمدالله)
زايد دق باب الحجره : هود هود
كلهم لبسو شيلهم
ام زايد : هدا هدا
دخلو زايد و ابو زايد و نهيان)
زايد راح حب راس اخته : ها الغاليه انشاءالله الحين بخير
روضه : الحمدالله بخير مافيني شي
زايد : بجوف مره ثانيه كيف تشربين قهوه
روضه : مايخصه مب من القهوه
زايد : قلت كلمتي و مابثنيها
روضه سكتت مالها خلق تتناقش ويا حد
نهيان : تستاهلين السلامه و ماتجوفين شر
روضه استحتتت : الله يسلمك الشر ما اييك
بعد نص ساعه يا تصريح الخروج حق روضه
نهيان : يلا انا استاذنكم
ام زايد : يلا ديرو بالكم و لاتسرع ف الدرب
زايد : كيف بترد شكلك ناسي انك راكب ويياي ركض من سمعت انه روضه ف المستشفى
نهيان تفشل و جاف روضه / روضه استحتت ماتوقعت جي السالفه 😂
نهيان : والله راح عن باللي
زايد : يلا الحين بنتحرك
ابو زايد : زايد انا و امك بنمر البيت ناخذ ريم و ميره و انت اخذ اختك روضه و ياك
زايد انشاءالله ابوي
زايد و نهيان ركبو يدام و روضه ركبت ورا زايد و هند ركبت ورا نهيان
نهيان و زايد قاعدين يسولفون و يضحكون و هند ورا قاعده تهزب روضه 😂

هند : قلتلج مليون مره بس ماتسمعين الكلام عنيده عنيده ماعرف ع منو طالعه
زايد : هاي مايفيد وياها الكلام ترمسين ع الفاضي
هند تكلم نهيان : نهيان انا بروح و يا روضه يعني بترد بتروحك 🥲
نهيان : تمام ديري بالج
زايد : ترا مب رايحه مكان 😂
روضه : هند ف الحفظ و الصون
نهيان ضحك و نزل عند موتره ( لان موتره كان ف البر وين متيمعين الشباب)
نهيان يلا ديروا بالكم
كلهم انشاءالله و انت بعد فمان الله
وصلو و على طوول صعدو رقدو لانه واعيين من وقت
(الصبح دشت الحجره ام زايد عشان تتطمن ع روضة )
ام زايد : روضة اميه شو تحسين روحج الحين ؟
نشت روضه تجوف امها : الحمدالله بخيرر امايه مافيني شي
ام زايد : الحمدالله يلا نشو تغسلو و نزلو حاطين الريوق
روضه : انشاءالله اميه
طلعت ام زايد : هند يلا نشي
هند : ليش بعده من وقت ارقدي
روضه : يلا بسج رقااد حاطين الريوق امي تقول يلا نشو
هند : يلا ناشه ( مسكت فونها جافت نهيان داق لها مرتين )(طبعا نهيان متصل عشان يتطمن ع روضه بدون محد يحس عليه 😂 )
هند : اوه نهيان دق لي مرتين شو يبا غريبه مب من عوايده
روضه : ردي دقي له يمكن يبي شي ضروري
هند : الو ها نهيان شحالك
نهيان : الناس يقولون السلام عليكم ماينعطون على طول الو
هند : السلام عليكم ارتحت الحين
نهيان : و عليكم السلام و الرحمه الحين ارتحت طمنيني عليج شحالج ؟
هند : الحمدالله بخير انت شحالك ليش واعي ها الوقت شو عندك
نهيان :بخيرر يسرح الحال غناتي بس جي عندج مانع
هند : زين شو بغيت داق لي ها الوقت
نهيان توهق : لا ولاشي بس اوعيج تاخر الوقت
هند : هي توه وعتني روضه عشان ننزل نتريق
نهيان : زين تريقو عدل خليها تاكل عشان ماترد تطيح و تخوف اهلها عليها
هند فهمته ): زين لا تحاتي الحين نازلين
نهيان : تبين شي دقيلي يلا الله يحفظكم فمان الله
هند : انشاءالله مع السلامه