ظنيت اني احب غيرك و خاب ظني ..

بارات ١

*يوم الجمعه في بوظبي ف بيت ( بو زايد )

عند روضة  : نشت روضة الساعه ٧ مروقه و شبعانه رقاد جافت اختها ريم نايمه ف قالت ليش ما استغل الفرصه و اجهز ع راحتي قبل لاتنس ريم و تبدا تصارخ و تعكر مزاجي

نزلت روضه بعد ما تغسلت تجوف ميري ( العامله ) عشان تسويلها ريوق تنادي : ميري ميري دشت المطبخ تجوفها مالقتها راحت سوت لها ريوق و قعدت ع طاوله الطعام تتريق و تلعب ف فونها فجأة

( رن الفون و ردت )
هند : هلا ب روضه غريبه ماتوقعتج تكونين واعيه ه الوقت و تردين علي بس بعد قلت اجرب حظي ليش لا

روضة :  اهلينن والله نشيت صدفه و حسيت روحي مروقه ف قلت خلني اجهز قبل لا تنش ريموه و تعفس الحجره تعرفينها كيف عاد ماله داعي اشرح لج ماتخلي الواحد يجهز ع راحته بس تقعد و تصارخ .

هند : هي احسن لج الصراحه كله ولا صدعه ريموه يوم تجهز 😂.

روضة : زين ماقلتيلي انتي بعد مب من عوايدج تنشين الحين ولا حسيتي اني واعيه و قلتي ادق اسمع صوتها 😉😂 .

هند : لا ويين ماعندي شغله انش ها الوقت عشان اسمع صوتج و انا اصلا كل يوم مجابله ويهج يا ف بيت يدي يا ف بيتنا يا اني يايه بيتكم و العكس لاتصدقين روحج

ها نهيان مايخلي حد ينام خرب رقادي مواصل من امس حضرته و الحين موعني عشان اسوي له ريوق .

روضة من سمعت طاري نهيان توترت :هي زين يسوي فيج طول الوقت راقده ماعندج لا شغل ولا مشغله و بعدين احسن عشان تجهزين من وقت و ماتاخرينهم ك العاده.

هند : زين بخليج الحين نهيان يدق ع الخط الثاني لعوزني خليني اسير اسويله ريوق ع السريع و يوم بخلص برمسج .

روضة : تمام يلا فمان الله
هند : مع السلامه

عند هند ( دش عليها نهيان فجأة الحجره )
نهيان : منو وياج ع الخط ها الوقت و ادق لج و ماتردين علي

هند : ارمس روضه عندك مانع بعد بروحك مخرب رقادي حتى رقاد ماتخلوني اتهنى فيه !

نهيان : غريبه روضه ناشه ه الوقت دايما تقوليلي تنش على اخر شي و تجهز ع السريع 

(حافظ متى تنش و متى تنام كله من اخته هند😂)

هند : نهيان مب وقتك خل البنت ف حالها خلني اروح اسوي لك ريوق و ارد اريح لي شوي.

نهيان : زين مو تحرقين الاكل سوي شي مثل الناس

عند روضه : ( امها نازله من الدري تنادي ميري ) اوه روضه غريبه ناشه الحين و تتريقين ! مب من عوايدج شو عندج