من وكعت حسيت كلشي مغوش وشي حار ينزل من ايدي بس محسيت باي وجع فجئه حسيت نفسي
سمعت صوت رفعت راسي واشوف بابا بعيد
عني ركضت علية ومامصدكه ردت احضنه رجع ورا وصد عني جان مبين زعلان بچيت ليش،بابا
رد ليش تريدين تخسرين دنيتج واخرتج حرام شون نطاج كلبج تئذين روحج هاي روح أمانة يمج،،
رديت بغصة نجبرت ليش مخذتوني وياكم تعبت
رد لا تضعفين هذه حلم فجئه صار صوته بعيد
فزيت كبل واني اعيط لا تروح باباا اخذني وياك
ردت اكوم كمت كوه لحضه عرفت اني جنت احلم
وبعدني عايشة دحكت علئ ايدي مخيطه ومضمدة
كعدت بلكاع وكمت ابچي ليش اني مامكتوبلي ارتاح
بعدني عايشة ضليت ابچي جت عيني علئ ادوية
كمت واخذت شريطين حب جان اكو بزاوية الغرفة
مغسله ومرآة وكفت كدام المرآة ومسحت دموعي لهنا وبس ماكدر اعيش اكثر فرغت شريطين ...
الحب بدية فتحت المي وادية ترجف غمضت عيوني ،،،
وجسمي كله يرجف رفعت ايدي علئ حلكي وفجئه
ذكرت كلام بابا هاي روح أمانه يمج صدئ كلامه يرن
باذني فتحت عيوني وذبيت الحب من ايدي كبل
استحقرت نفسي شلون هيج فكرت باوعت علئ
نفسي بلمراة وجهي صاير جلد وعضم عيوني مزينتها هالات،،
جسمي صاير هيكل عضمي وجهي كلة دم فتحت
المي وغسلت وجهي توضيت لكيت علئ رف
سجادة حضنتها كبل جانت بيها ريحه طيبة مديتها وصليت وصرت ادعي ،،،
اللهم إني أسألك بأسمك القوي أن تقويني،
اللهم إني اسألك بأسمك الرحيم أن ترحمني"
اللهم أني أسالك بأسمك الحفيظ أن تحفضني،
اللهم أني أسألك بأسمك الغفور أن تغفر لي"
اللهم أني أسالك بأسمك الجبار أن تجبرني ،
اللهم أني أسألك بأسمك السميع أن تسمعني "
ياربي مسني الضر وأنت ارحم الراحمين
ياربي كلني خراب فأجبرني ياجبار أجبرني برحمتك الواسعة حضنت سجادة ونمت حسيت براحه
صارلي فتره من اخذوني داعش واني مامصلية
حسيت نفتح الباب كبل فزيت وكلبي رجف اانننته منوو
هوا سد الباب وتقدم عليه كمت علئ،حيلي واني اصيح
اااانته منووو ماتحجي اني اصيح وهو يتقدم بتجاهي
أنت تقرأ
أحببتك بقلب حورية
Mystery / Thrillerفتاه من عائلة معروفه تذهب لحفله تخرج اخوها فتقتل عائلتها لتذهب اسيره لدئ داعش ماذا سيكون مصير هذه الفتاه ياترئ؟
