အပိုင်းတစ်
"မင်းသမီးလေး မြင်းလှည်းအဆင်သင့်ဖြစ်ပါပြီ သွားကြတော့မလား"
"ဟုတ်ကဲ့ ကျွန်မလည်း အဆင်သင့်ပါပဲ"
ကြီးကျယ်ခမ်းနားလှတဲ့ စီးတော်ယာဉ်မြင်းလှည်းကြီးနဲ့အတူ အနောက်မှာလည်း အစောင့်အကြပ်စစ်သည်တော် ၆ ယောက်
ဘာကိုမှမစဉ်းစားနေတော့ဘဲ Aruna တစ်ယောက် လှေကားထစ်လေးကနေတစ်ဆင့် စီးတော်ယာဉ်ပေါ် တက်သွားလိုက်ပါတော့တယ်
အထိန်းတော်ကြီးကတော့ Aruna ထွက်လာတဲ့ အဆောက်အအုံရှေ့မှာ မတ်တပ်ရပ်နေကြတဲ့ အမျိုးသမီးတွေကို အလေးတစ်ချက်ပြုရင်း
"ကျွန်မတို့မင်းသမီးလေးကို ၁၆ နှစ်ကြာ ကျွေးမွေးပြုစု စောင့်ရှောက်ပေးထားကြတဲ့အတွက် တကယ့်ကိုကျေးဇူးတင်ရှိပါတယ်ရှင် အကုန်လုံးပင်ပန်းခဲ့ကြရပါတယ် ဘုရင်ကြီးကလည်း ဒီကျေးဇူးကို မေ့မှာမဟုတ်ပါဘူး"
ထိုအမျိုးသမီးတွေထဲမှ အကြီးအကဲဖြစ်ဟန်တူသည့်တစ်ယောက်က
"မဟုတ်တာရှင် မင်းသမီးလေး Aruna က လိမ္မာလွန်းလို့ ကျွန်မတို့အရမ်းချစ်ကြတာပါ အခုလည်း လွမ်းနေရတော့မှာပေါ့ရှင် ကျွန်မတို့ Aruna လေးကို စောင့်ရှောက်ပေးကြပါဦးနော်"
Aruna တစ်ယောက် ထိုအမျိုးသမီးများရဲ့ မျက်ရည်တုတွေကိုလှမ်းကြည့်ကာ လှည်းပေါ်ကနေ မဲ့ပြုံးပြုံးရင်း
"အရမ်းချစ်ကြတယ်တဲ့..."
***************************
"ဟိုလေ အဒေါ် နန်းတော်ရောက်ဖို့ဘယ်လောက်လိုသေးလဲဟင်"
မိဘမဲ့ဂေဟာမှထွက်လာခဲ့တာ ၂ နာရီရှိပြီဖြစ်သော်လည်း နန်းတော်ရောက်ဖို့နေနေသာသာ အခုထိ နန်းတော်အရိပ်တောင်မမြင်ရသေးသောကြောင့် မေးလိုက်ခြင်းပင်..
"ရောက်တော့မှာပါ မင်းသမီးလေး သိပ်မလိုတော့ပါဘူး"
"ဟုတ်ကဲ့"
ပြတင်းပေါက်အပြင်ဘက်ကနေ တောင်တန်းတွေဆီငေးကြည့်ရင်း..
နန်းတော်ထဲရောက်သွားတာက သူ့ဘဝပိုအဆင်ပြေသွားမလား ပိုဆိုးသွားစေမလားကတော့...
YOU ARE READING
Scarlet Mask : Guardian of the Moon
Romanceသာမန်မိန်းကလေးဘဝကနေ ညတွင်းချင်း ဘုရင့်နှမတော်အဖြစ် ဘဝပြောင်းလဲသွားတဲ့အခါ... ~ Own Creation ~ Written by Shina(ရှီနာ)