Nabuntis Ko's Akong Crush [On-going]

(1)

(1)

Maiah

Naghilak ko nga naglantaw sa akong positive nga pregnancy test, mapatay na gyud kong papa ani.

"Hala, buntis ka dai?" Pangutana aning amega nako nga bright nga si Yanie.

"Dili dai, ikaw ang buntis natong duha." Tubag nako niya kay grabe kaayu sya makatutok nako.

"Patay ka's imong papa, dai. Masulod gyud ka's sako ani unya ipatuyok-tuyok ug ika-kinyentos nga tuyok, unya andam naka?"

"Bwesit ka! Ayaw kog hadloka bayhana ka. Nangurog na baya ko's kahadlok diri." Sulti nako niya human mi nang gawas sa kwarto.

Nalantaw nako ang akong mga ginikanan nga malipayon kaayu sila nga naka graduate ko'g Senior High. Gikumot gyud ang akong kasing kasing ga lantaw sa ilahang dagko kaayu nga ngisi. Human diay aning paglipay lipay namo ron naa gyu'y mapalayas anig balay. Jusko!

"Maiah, dali na naa baya diri imong gwapo nga bisita." Sungog ni mama sa akoa ug giguyod ko niya sa lamesa nila Ken kauban iyang mga barkada nga mga babae ug naa po'y mga lalaki.

"Lahi ra gyud ning maka honor ba kay handaan gyud inig ka human ug graduate." Sungog ni Tyl sa akoa. Ning pahiyom ra pud ko kay naa baya diri akong crush nga si Ken.

"Unya Mai, molakaw na una mi kay naa pud mi'y handaan didto's amoa. Congrats!" Pagpananghid ni Riel sa akoa human sila nang lupad ay nanglakaw diay.

Kami nalang ni Ken ug Yanie ang nahibilin diri sa lamesa unya mo aksyon na unta ko'g tindog aron mo lakaw pero gipugngan kong Ken gamit iyahang kamot.

Ning pahiyom nalang si Yanie una siya ning sibat ug gibiyaan ming duha diri's lamesa. Nag atik-atik ko'g lantaw nilang mama ug papa aron dili lang gyud ko maka tan-aw sa iyaha.

"Congrats, Maiah." Hunghong niya sa akoa na shock ko's iyang gibuhat tungod kay wala gyud ko nagdahom ato. Doul man gud kaayu ang iyahang nawong sa akoang nawong.

Ning ngisi ra ko'g ginagmay una ko mitingog.

"Ikaw pud, Congrats." With Highest Honor ang pak-an maong sana all gyud kaayu. Ning duko ko tungod sa ka doul sa iyang dagway nganhi nako. Piskot nani.

"Hoy naulaw lagi ka's akoa? Murag dili na man siguro ikaw tong Maiah nga ka team nakog tan-aw ug anime labi na ang pagbasa pud sa manga. Asa si Maiah? I-iuli siya!!" Nag drama ang pak-an sa akong atubangan maong nahapak nako siya sa akong kamot ug didto ning tugpa ang akong kamot sa iyang dughan.

Gigunitan dayon niya akoang kamot ug gi-taplik. Nasakitan ko kay sa among duha siya ang dili tinoud nga si Ken. Hain naman diay tong Ken nako nga kusog kaayu mo katawa unya ining hapakon kay dili niya itaplik ang akoang kamot? I really miss him. Charot! Bigaon kayko diri nga part.

"Ay hala, nakusog Mai? Sorry..." gigunitan dayun ni Ken ang akoang kamot ug gi hilot-hilot tungod sa kakusog niya sa pagtaplik.

"Ay okay ra uy, ikaw dili paka molakaw?" Pangutana nako niya human gikuha ang akoang kamot. Naa man go'y mangoryente.

Nahilom siya kadiyot ug kalit nga ning seryoso ang iyang nawong ug gitutukan ko niya pag-ayo. Nailang ko's iyang pagtutok nako maong ning duko nalang gyud ko.

"Naay nahitabo natong duha sa Manggas, Mai. Pasensya na kaayu, hubog ra gyud ko ato nga time. Pasayloa lang gyud ko wala gyud to nako tuyo-a."

Naputol ang akong pag-ginhawa sa iyang mga gipanulti. Wala daw niya toyu-a pero nangalit ug halok nako. Amaw!