Nabuntis Ko's Akong Crush [On-going]

(4)

Maiah

Isa nalang gyud ka adlaw birthday nasa duha. Haaay... mag seven years old na gyud intawon silang duha.

"Yang ok naba ang management sa Manggas resort?" pangutana nako sa akong manghud nga naa sa sala.

"Oo ate, ning sugot sila nga bahalag 50K lang overnight na."

"50K??? Abi nakog nahangyo nimo'g 30K?"

"Dili sila mosugot uy, pero ok ra man pud ug 50K tungod kay libre naman tanan. Ngano kulang imong budget?" Pangutana sa pakno.

Jesus Christ! 50k ra baya ang akong budget sa duha.

"Dala na sa catering?"

"Tsk! Oo lagi." tubag niya unya mitindog... "Ngano ate, kulang imong kwarta?" pangutana niya nga seryoso.

Ning pahiyom rako sa iyaha aron dili ra kaayu halata nga kulang gyud ang akong kwarta.

"Pila daw ka serving-ngan ang pagkaon?"

"Kapag ka 50K, of course isa ra gyud ka serving-ngan ang pagkaon. Ngano man gyud diay, kulang imong kwarta?"

"Dili man, sakto ra gyud kaayu." Sulti nako's iyaha.

"Sure gyud ka ate? Naa ko'y kwarta sa bangko, pagsulti lang kay tabangan tika anang birthday sa duha. Tug-an sa tinoud."

"Wala yang uy, sakto ra kaayu ang akong kwarta." Sulti nako sa iyaha.

Iya kong gitutukan pag-ayo unya mi-ingon... "Ay ang duha baya gidala ni Ken sa gym kay mag-basketball kuno daw sila."

Sa iyang gi-sulti ning ulbo ang akong kaspa. Bantog ra nahilom diri kay gipa-uban diay sa pakno kang Ken. Naboshet nani ron.

"Yang!" Singgit nako's iyaha ug gi dakol sa ulo.

Kalagot ba ani niya uy. Ning diritso ko'g dagan sa gawas ug gi dagan nako ang gym. Medyo layo-layo gyud siya pero dili gyud nako gusto nga maka-uban ni Ken ang akong mga anak tungod kay basin ganahan na sila kang Ken ug dili na sa akoa.

Pagka-abot nako sa entrance sa gym kay ning siga ang mata ni Reil ug Ken.

Ning ginhawa kog taas unya kalma kaayu nga gi baktas ang kalay-on sa duha nako ka mga anak nga nagdula ug basketball kauban ang barkada ni Ken.

"Mommy!" Singgit ni Aries unya ning dagan padulong sa akoa.

Marites (1) "Hala karon pako, kanang bata nga ni dagan kang Inday Mai kay ka-nawong ni Ken no? Ug kadto pong isa, ka nawong ni Inday Mai pero naa po'y part sa iyang nawong nga kapareha pud sila ni ken. Kinsa kahay amahan anang duha no?

Marites (2)"Naunsa pud ka Ling, of kors si Ken kinsa pa man diay. Hilomon ug bright daw pero dali ra kaayu ni bikangkang sa laki. Mao na'y bright?

Marites (1) "Abi nako'g amigo ug amega silang duha pero friend with benefits man diay. HAHAHA."

Mariter (3) "Hilomon pero lawon diay dout. HAHA. May patong anak ni Tesy kay nakahuman bisag dili bright."

Ning tulo ang luha nako sa akong mata samtang nadungog ang mga istorya sa tulo ka MARITES.

Pero gipahid dayon nakog dali kay basig makit-an ni Aries nga doul nalang kaayu sa akoa nagdagan.

"Mom, me and Tito Ken is playing basketball. Wanna join us?"

"Dili man kabalo modula si Mommy, kiddo. Kamo nalang sa ha. Diri ra si Mommy ninyo. Sige na balik na didto aron inig mahuman mo manguli nata." Sulti nako sa bata.