♡..........♡
_أيوب : مين تبغي تبكي ،، ابكي على كتفي ماشي على كتف راجل وحدوخر .
عيط عليها جابد يدو من بين يديها_غفران : أيوب بركا ماتدير هكذا _بكات كثر _ ولله ماراني قادرة ماتعذبنيش هك .
راح يمشي وهي تابعاتو تجري موراه
_أيوب : وش حسبالك ؟؟ نجوزهالك هاذي ثان ؟
هبطت عينيها بتعب ،، كثر من التأنيب اللي راه يديرلها فيه ..
_غفران : خليني نفهمك .
قعدت فلرض فشلانة ..______________________
_عبدو : راني رايح لوهران .
بعقدة حاجبين قالت
_هناء : وهران !!تنهد بتعب مرجع راسو للور
_عبدو : وهران إيه ._______________________
_ربيعة : شكون نتا ؟؟ ولله ماعرفتك !!
تبسم بجيه هاز راسو ب" انعم "_........: واه باينة ماتعرفينيش ا ميمتي ، صحا ماجيتك نشبه لحتى واحد ؟؟
حركت راسها ب " لالا " ..وقالت
_ربيعة : شكون ؟؟ ولله ماعلابالي ماشبهتكش .هبط عينيه متنفس بعمق ،، جبد بجيه راجع للور
_.........: ماشكيتش نقد نفهمك ولا نتي تقدي تفهميني .
نطق أيمن
_أيمن : وش مالا ؟؟ وش كاين ؟؟دار رايح محرك راسو بالإيجاب بمعنى " اتهلاو فرواحكم"
_..........: اتهلي فروحك غاية ميمتي ،، انا نروح ذروك مانقدش نزيد نقعد كثر الحمدلله كي عرفتكم .
______________________
_إياد : قبل خوك .
بفرحة قالت
_عائشة : قووول ولله ؟؟
تبسم كثر هاز راسو بإيه
_إياد : ولله قبل وراح يحكي معا باباك مالا الجمعة بلاك نجو نخطبو ان شاء الله.سوطات بفرحة تعيط
_عائشة : كيييي حااااالة .ضحك على هبالها وقال
_إياد : الحمدلله ،، ان شاء الله تسهل .
_عائشة : ان شاااء الله ." عائييييشة عائييييشة اجري يا عائشة باباك باباك ،، خالي صالح .. خالي صالح "
صراخ وضجيج زاد فالدار ،، أصوات عالية وهلع..
طلقت التلفون رايحة تجري ..
_إياد : ألو عائشة وش صرا ؟؟ ريبوندي وش كاين ؟؟هبطت تجري فالدرج
_عائشة : بااابااا !!_______________________
هبطت عينيها بتعب وحزن كثر
_غفران : وأنا علاش ماعلاباليش ؟؟ علاش خباااو عليا وماقالوليش ؟؟ علاش كذبووو علياااا .عيطت حتى صوتها بح وتضرب فيه لصدرو .. جبدها لعندو معنقها
_أيوب : اشش يا قلبي ذرك نفهمك .شهقة هربت من فمها وقالت مبعدة عليه
_غفران : ماتفهمنيش مانقدر نديرلهم حتى عذر ،، مانقدرش نديرلك حتى نتا عذر .. خبيتو عليااا كذبتوو عليااا ..جبدها لعندو مخبيها فصدرو
_أيوب : راح تسمعيني وتفهمي ماقلنالكش علاجالك .بكات بتعب طلقت يديها مرخيين ، تنهدت الغصة حابسة فقرجومتها ..
_غفران : مانقدرش نتخيلها فمخي ولله ، الحاجة اللي توجعني كي يخبي عليا كاش واحد حاجة ويكذب عليا حسيت روحي ضايعة ولله ،، عييت نخمم نلقالها حل مي التخمام راه يعذب فيا ..شهقت كثر مالبكا ..
_غفران : ماراكش حاس بيا وماتقدرش تفهمني مايقدر حتى واحد يفهمني ثان ،، كل مانزيد نخمم نلقاني نخمم فالهدرات والحكايات اللي ماتخلينيش نأمن هاذي الحاجة ..باسها من راسها قبلة طويلة ..
_أيوب : ديفوا تكون الحاجة هاذي تخص العبد وبرك علاذيك مايقولكش ، يابنتي وشبيك ديري شويا أسباب للعبد بلاك هاذي الحاجة وجعاتو هوا ثان وتخصو مايحبش يحكيها ...هزت راسها ب " لالا " ...
_غفران : منيش قادرة نأمن ،، ولله ماراني قادرة مكاش منها مكاش ..
بكات بالشهقة تمسح فدموعها
_غفران : مابغاتش تدخل لراسي ولله ، راني فضياع هذا الإحساس واعر .. جاني إحساس صعيب ماقدرتش نهضمو .._____________________
شكرا لكل أحد يشجعني ويحفزني على الإستمرار في الرواية .. أحبكم بشدة ♡
سأنشر الفصل القادم قريبا ،، أرائكم وتوقعاتكم تهمنيي واعتنو بنفسكم جيدا ..♡وثانيا أرجوكم تابعو رواية هذه الجميلة ♡
hxyrsr وتابعوها ♡
أنت تقرأ
قلبٌ فيه غفران "{باللهجة الجزائرية }"
Ficción General_لكَ أنا ، لي انتَ .. نحن لبعضنا لن ولم يفرقوا بيننا .. أعدك أن أسامح ، أن لا أكون ضدّ إسمي أبدا ،، انا ملكك لست لغيرك ..إنّك عزيز علي . _قلبي أَحَبكِ أنتِ لا غيرك أيا غفران ، لدي قلبٌ فيه انتِ ..سيقولون لديه قلبٌ فيه غفران لا غيرها ،، فكوني معي لا...