عسلسمعت بالتهريب والتجارة بالاعضاء
وتخبلت !
معقولة نوح يشتغل بهالسوالف
گلبي حسني والله شغله بي خلل
وديجيب كومة فلوس دأشوف
رغم ما موعد الراتب
أني بطبعي ما اتدخل
بس لهنا مستحيل بعد !وگفت بالمطبخ
چنت احضر گهوة وايدي ترجفدخل للمطبخ
التفتتله وكلي علامات أستفهامعسل : هسه تفهمني كلشي
نوح : شبيج ؟
عسل : نوح انت شتشتغل ؟ شنو سالفة تجارة الاعضاء وعمليات التهريب ؟
أنقلب وجهه
وصار يأشرلي أنصي صوتينوح : عن شنو دتحجين ؟
عسل : لا تحاول تنكر سمعت بأذاني
نفخ بضوجة
نوح : ليش دتصنتين لكلامنا ؟؟؟
عسل : نوح لا تغير الموضوع مو مهم ليش تصنتت المهم التفسير للكلام اللي سمعته
نوح : ما ألج حق تدخلين بهالموضوع
عسل : ما توقعتك أنسان دنيء لهالدرجة وما عندك مخافة من الله ولو المفروض بعد ما أنصدم بشي
نوح : عسل لا تتجاوزين وانتِ ما فاهمة كلشي
عسل : شنو اللي ما فاهمته واني بأذني سمعتك !
وحتى ما تقبل تفسر يعني شنوو ؟نوح : بعدين أفهمج ما وكتها يلا صبي الگهوة
عسل : صبها انت
تركته ودخلت للغرفة
وگعدت أبجي
ما مستوعبة الوضع
أني مع مجموعة مجرمين ببيت واحد !خايفة ومصدومة من نوح
وعندي أمل بسيط اكون فاهمة غلطبقيت أروح وأجي بالغرفة وأعصابي نار
سمعت صوتهم يودعون نوح
وطبگة البابطلعت بسرعة
ووگفت مقابيلهعسل : شنو تفسيرك يلا ؟
چان يدحگ ببرود
أنتبهت چان أكو سلاح على القنفة
سحبه وخلاه على الميزخليت أيدي على حلگي
نوح : وليش دتبجين ؟
عسل : نوح أنت مجرم !
نوح : أگعدي نتفاهم
گعدت وأني أرجف
وبترقب حتى أسمع تبريرهنوح : أني وجماعتي متعاونين مع الحكومة
عسل : يعني شلون ؟
نوح : يعني نشتغل لصالح الحكومة لكن نكون بين العصابات والمهربيين ، مثل الجواسيس يعني
ومهمتنا نساعد بتخريب هاي الأعمال الاجرامية مو نسويهاعسل : وشنو اللي يثبت صحة كلامك ؟
نوح : گلت اللي عندي
عسل : نوح لا تخبلني
أنت تقرأ
إعوجاج الفنن
Romance" ما خفي كان اعظم " جملةٌ تستحقُ الوقوف والتفكير . كم من الاشياء ، الاحداث ، الاشخاص كان ظاهرهم بريء وما اخفوه كان مخالف ... تدور احداث الرواية حول فتاة عراقية يتيمة الاب تعيش مع عائلتها المتكونة من ام واخ وثلاثة اخوات لتواجه هذه العائلة البسيطة...