مرحبا
شلونكم شخباركم حبايب گلبي
يله نبلش
حسن: الدنيه ليل والكل نايم واني جان عندي شغل ولازم اكمله بديت اشتغل لمن كملته باوعت لساعه لگيتها ب1 ونص ردت انام اجاني اتصال من صديقي بالمركز اني وياه مشتركين بمهمه طلعت للحديقه احجي وياه جنت اتمشى لحد ماوصلت لباب الحديقه وگفت احجي خلصت المكالمه ماةحس الا شخص طفر على ظهري ويسال بيه بس مبين جسمه ناعم مو مال زلمه من سمعت الصوت اتأكدت انه بنت مو ولد بس هاي الحركات منين متعلمتها وبالاصل منو هاي البنت مااعتقد وحده من بناتنه لان ماعتدهن الجرئه يسون هيج لمن التفتت شفتها ريم
حجيت وياها وكالت اخوها معلمها بس والله ذيبه لو وحده غيرها جان خافت عافتني وراحت
واني رحت لغرفتي حتر ابدل وانام من نزعت التشيرت شفت على دم استغربت منين اجه الدم
جنت لابس تشيرت سمائي وبنطرون اسود بدلت وگعدت افكر منين اجه الدم
گلت معقوله من ريم بس شلون وهي مامجروحه من التفكير نمت من دون مااحس
گعدت الصبح سبحت وبدلت ملابس الشغل ونزلت صبحت عليهم وگعدت اتريگ بس تفكيري كله يم ريم اريد اعرف منين اجه الدم مشيت للشغل والتهيت بيه بس كل اشويه تجي ابالي ريم رجعت ب2 الظهر ميت تعب دخلت للبيت سلمت عليهم وادور بعيوني اريد اشوفها مالگيتها صعدت سبحت وبدلت تراك بيت ونزلت اكلت وبقيت گاعد انتظرها تنزل بس من حجه جدي وسأل عنها حسيت هم وانزاح عني
لان ماجنت اگدر اسال بس من ردو عليه هنا انقهرت يعني وي حظي اريد اتأكد طلعت تعبانه واليوم كله بغرفتها بقيت فكره توديني وفكره تجيبني لمن نزلت تمشي على كيفها كانو خايفه او متوجعه سلمت وراحت للمطبخ واني عيوني عليها ماشلتهن لمن اجت گعدت يمنه واني اراقب حركاتها شبيها ليش احسها متوجعه ووجهه اصفر گعدوكل شويه تصد عليه واني مركز بحركاتها
لمن حسيت بواحد گعد يمي شفته ليث همس يم اذني
ليث: شبيك خويه كصيت البنت كص بعيونك
حسن: مو قصدي شي بس انته مامنتبه عليها بيها شي متغير او غريب
ليث: لا شنو المتغير بيها
حسن: كانه جاي تتوجع بس تكابر مشيها اليوم غير الايام الباقيه ووجهه اصفر
ليث: ركزت بريم جان حجيه صدگ شلون ماانتبهت اكيد بيها شي بس مالازم ابين اي شي گدام حسن گتله
لا يخوي مابيها شي هي ريم هيج طبعها تحب الهدؤء ووجهه اصفر من التعب
حسن: مااعرف بس متأكد اكو شي
ليث: لا تهتم يخوي ماكو شي
سكت حسن واني بقيت افكر بيها معقوله صاير شي وياها واني مااعرف لازم اسألها
نجي لشخص ثاني موجود بوسط الگعده ويفكر
شهم: بهاي الفتره ابتعدت عن ريم مجرد سلام وفارس قوت علاقتي بيه صار يحبني واني هم احبه بس ريم ماعاجبني وضعها هاليومين وخاصه اليوم احس بيها شي بس المشكله مو هنا
