عقد أنتقام آلـ مهيار

_العقد 1 _

_بسم آلَلَهّ الرحمن الرحيم
_بـ قلمي: مهرة آلـ زعيم
_insta: 1dmlh

___________________________

: اترررركينييي روحييي عنيي ررووحيييي

مالت راسها وابتسمت بتوسع طلعن اسنانها إلي لونهن اسود وكلهن دم
: اعذبج اعذبج اعذبج

صارت مثل كل مرا تبقى تتقدم نحوي وتردد اعذبج

أحس اختنكت ما اكدر اتنفس شي ملتف على ركبتي
صرت إفتح بعيوني واسدهن بصعوبه

صوت الباب وهو يندك بقوة النقرات إلي ع شباك ابتسامتها إلي كلها دم

سببتلي خوف توتر رعب قلق ما حسيت على نفسي إلا وأنا منغمي عليه غمضت عيوني بأمل ما راح اكعد مرا ثانيه

بس للأسف خابت كل امالي ورجعت كعدت

: فتحت عيوني بصعوبة نايمة على جربايتي ويمي اختي حاضنة ايدي بقوة واخوي بالكاع ابتسمت بتعب وحزن باوعت على الساعة جانت بـ5:38

تحركت بصعوبه وكمت اتوضى فرشت مصلايتي باوعت على مصلايتي تنفست بصعوبه يا الله ساعدني تقربت على المصلاية بديت اصلي وكل كلمة اكولها تخنكني أكثر من إلي قبلها صار صوت قوي بأذني غمضت عيوني بقوة سلمت بسرعة وكمت من المصلاية لميتها تنفس بخنكة

زين لشوكت راح أبقى هيج؟ تعبت تعبت محد يفهمني محد يعيش إلي اعيشه

استغفرالله ربي واتوب اليه الحمدالله على كل حال

فتحت باب البيت أطلع للحديقة أول ما فتحت الباب صارت نسمات الهوى الباردة على وجهي غمضت عيوني وتنفست بقوة

اول ما فتحت عيوني شفتها تباوعلي بنظرات غريبة

: استغفرالله وجعلنا من بين يديهم سداً ومن خلفهم سدن

(اعوذ باللة من شر الشيطان الرجيم بسم آلَلَهّ الرحمن الرحيم

الله لا إله إلاّ هو الحي القيوم لأ تأخذه سنة ولا نوم له ما في السماوات وما في الأرض من ذا الذي يشفع عنده الأ بأذنه يعلم ما بين ايديهم وما خلفهم ولا يحيطون بشىء  من علمه إلا بما شاء وسع كراسيه السماوات والأرض ولا يؤده حفظهما وهو العلي العظيم)

صدق الله العظيم

زفرت الهوى بصعوبة

وتحركت لمكاني المعتاد كعدت جوى شجرتي المفضلة ولميت رجلية لصدري وخليت رأسي على رجلية
صفنت ليش أنا هيج؟ ليش كل هاي الأحداث تصير ويايه؟ معقوله خطأت بـ شي ورب العالمين ديعاقبني؟ استغفرالله شهل حجي شبيه شجاي يصير بيه كل هذا اختبار ورب العالمين لو ميحبني مجان ابلاني بـ هاي الحياة

فزيت من صفنتي على صوت اخواني

أهيس بخوف: بيج شي بابا؟
دارلا: خوفتينه عليج ياروحي أنتي بخير؟