انا بنت لرجل وامرأة تزوجا تقليديا كأي اسرة كويتية تزوج البنت من ابن عمها بناءا على رغبة ابيها ، انجبتني والدتي في العام 1994، والدي ابن عم امي وحيد والديه ورجل الاسرةً بعد جدي لامي فقد كان تاجر معروف رغم صغر سنه من اسرة معروفة بثرائها وامتلاكها عقارات كثيرة اضافة لشركة عقارية ، توفى والدي بعد زواجه من امي بسنتين في حادث سيارة حيث صدمت شاحنة سيارته وهو يعبر التقاطع اثناء عودته من احد المشاريع وكان جدي لابي قد سبقه بالوفاة قبله بعشرة سنوات تاركين امرأة شابة ارملة غنية جميلة مطمع لكل من يراها وذات يوم جلست امي بالقرب مني ومثلت انها تكلمني رغم ان عمري وقتها ثلاث سنوات
قالت : نوف حبيبتي جدتك تبي تروح نشتري بريد تروحين ويانا
كنت كل اللي فهمته من كلام امي كلمة ( بريد يعني ايسكريم ) فاشرت برأسي نعم لاني فهمت انها ستأتي لي بالايسكريم
امي قالت لي ؛ امشي نبدل ملابسنا حتي نروح ، توجهت وانا امشي خلف امي اتبعها كما يتبع فرخ البط امه وبعد كملنا تبديل الملابس ذهبنا نحو السيارة ، توجهت نحو الباب الخارجي للبيت ، ها قد فتحت امي باب السيارة الخلفي وصعدت ونادتني
مزنة ( امي) : نوف بسرعة ماما صعدي السيارة قبل لا تجي جدتك
صعدت الى المقعد الخلفي واستقريت بجانب امي وسط المقعد الخلفي وجلست امي بجانبي ونادت السائق
امي مزنه : كومار انت روح شوف ماري تجي معانا واذا ماتجي شنو نجيب لها معانا .
السائق : نعم ماما
ينزل كومار ويدخل وتاتي جدتي وتركب السيارة بجانبي الاخر فاصبحت جالسة بين جدتي وامي
جدتي : نوف وين السايق
نوف : دزيته يشوف ماري تجي ويانا ام لا ، المسكينة من الصبح على ريولها
كومار يصل ويجلس مكان السائق
امي مزنه : ها كومار شنو قالت ننتظرها
كومار : ل ماما بس قالت جيبوا معاكم ايس كريم مشكل برتقال وموز وبطيخ وشوكلاته وحليب ومعاه بسكت كثير
الجدة : روح قول لها لاتسوي عشاء احنا نجيب ويانا من اي مطعم
امي : كومار تندل محل الايسكريم اللي رحنا له قبل اسبوع روح له ، وين المطعم الهندي اللي فيه اكل رهيب عرفته
حرك كومار السيار وتوجه نحو محل الايسكريم ، فقد فرح لان العشاء اكل هندي وصلنا هناك ونزلنا انا وامي وجدتي لندخل المحل ولحقنا كومار وجلس في طاولة قربنا ، كان الحوار بين امي وجدتي يدور عن كونها اصبحت ارملة في عمر صغير وانها يجب ان تحافظ على نفسها وان ابن خالتها يريد موافقتها على الزواج وامي ترفض ذلك نهائيا
الجدة : يمه انتي تعرفين الناس ونظرتهم لك ، يمه خففي طلعاتك ، خصوصا وبيت خالتك مخلينك تحت نظرهم ويبون الزلة لان رفضت ابنهم
مزنه ( امي ) : يمه انا مو طفلة انا خريجة كلية وعندي حلال لازم اراعيه فانا اعرف مصلحتي ، انا هالحين ابي اجمع كل اوراق ابوي وعمي وزوجي حتى اعرف شنو عليه وشنو ليه، وأبدأ ارتب حلال هاليتيمة واحفظه لها حتى تكبر واحافظ على اسم العايلة بالسوق والرجال يبي تفرغ ، وهذا من حق بنتي
الجدة : الله يعينك يا بنتي بس ابيك تفكرين بالموضوع
مزنه: انا يمه ما راح اخالف الشرع والقانون ، يمه ابي اتفرغ اشوف اللي لنا واللي علينا من اوراق ابوي وزوجي عبدالله فانا سحبت كل اوراق ابوي من مكتبه وخزنته الخاصة وكذلك اوراق زوجي من مكتبه وخزنته وخليتهم بالبيت وخليت ابن خالتي جاسم يدير الشركة ومعاه محسن صديق زوجي عبدالله الله يرحمه واذا على البيت كومار مكفين و موفين واذا مقصرين قولي نسفرهم ونجيب غيرهم
الجدة : لا يمه خدمنا ما مقصرين ولهم عمر ويانا ماري صار لها 20 سنة وكومار اكثر ، بس سوي اللي تبين زين ما تسوين .
غادرنا محل الايسكريم واتجهنا للبيت ، دخلت امي غرفة المكتب بالبيت ومعها كل الاوراق من مكتبي جدي ووالدي وجلست لوحدها تدقق بالاوراق ثم خرجت قبل الغداء وجلست على طاولة الطعام و جاءت جدتي مع الخادمة ووضعوا الطعام وبدأنا نأكل ، ودار الحديث بين جدتي وامي
الجدة : ها يمه لقيتي اي شيء في اوراق ابوك وزوجك تخص املاك العائلة؟!
مزنه : اي لقيت سندات لعقارات في البصرة والامارات وقطر والبحرين بين عمارات وبيوت وقطع ارض لجدي ومحولة لابوي وعمي وهذه ينراد لها واحد يتابعها بالبصرة اما املاك الخليج فنروح نسافر نشوفها
الجدة : اي اذكر جدك حولها لابوك وعمك قبل لا يموت بس شلون راح تعرفين انها موجودة والا صادرتها الدولة هناك في العراق
مزنه : قبل شوي اتصلت بابو عبدالعزيز تعرفيه صديق ابوي وقال هو راح يسأل ًويعطيني خبر عنها
الجدة : انت كبيرة وتعرفين تتصرفين ؟!
مزنه : انا احب فيك هذه الثقة فيني يمه ، لكني ما اثق بابن خالتي جاسم علشان هالشكل خليت المحامي وياه بادارة الشركة
الجدة : يمه جاسم يبي خاطرك ليش ما تفكرين تتزوجينه فانتي بعدك صغيرة ، وهو كلمني كم مرة ومهما كان حلاة الثوب رقعته من وفيه
مزنه : انت تذكرين من كان يخبث علينا انا وعبدالله وكم مرة خلق لنا مشكلة ! من هالشكل كرهته ، يمه افضل يبقي ابن خالتي وبس ، ترا ما يبيني لذاتي هو طمعان بفلوس هاليتيمة مو شيء ثاني
الجدة : هو ابن خير ما اعتقد يبي فلوسك
مزنه : تذكرين ابوه شقد اذي ابوي بالسوق وكم صفقة خربها عليه ؟!
الجدة : اي بس هذاك قبل
مزنه : اي هذاك قبل ، والحين السيطرة على حلال اهلي سهل بسبب ان اللي تملكهم امراة ومن يتزوج المراة يجمع حلالها وي حلاله
الجدة : انتي فاهمة سوي اللي يريحك !
امي تقوم وتقبل رأس جدتي وتقول : مشكورة يمه
اكملنا اكل الايس كريم وشرب العصائر وصعدنا لغرفنا
ثاني يوم ابتدأت امي باجراءات الجوازات حتى تطلع لي جواز ونسافر للخليج
