كل هذا كان يجري علي مزنه وعلي في الجانب الاخر من الحدود يكمل معاملات السفر ويتفق مع احد السواق لتوصيلهم من البصرة الى الاردن
مرت ايام ثقيلة على مزنه ولكنها اجتازتها بدعم من محامي الشركةً . وابتدأت بتجديد جواز سفرها وسفر والدتها وبنتها ، قدمت المعاملة لدائرة الجوازات
مزنه : يمه انا باجر راح اروح للجوازات اجدد جوازاتنا ، راح نسافر الاردن
هكذا قالت امي لجدتي وهي جالسه على طاولة الطعام تتناول وجبة الغداء .
جدتي : اخاف ما اقدر اروح وياكم لان شويه تعبانه
مزنه : يمه مو انا وعدت علي نجي انا والعائلة لان راح يجيب عايلتهم والولد راح يدفع فلوس وايد علشان يجون ، وما ابي يتكلف على ماكو شيء لان عايلتهم تبي تتعرف على اهلي
جدتي : اذا هالشكل ما يخالف بس ما نسكن فندق نسكن شقة حتى نأخذ راحتنا بالطبه والطلعه والاكل منو راح تاخذين من الخدم
مزنه : بس ميري كومار يبقي هني يشوف البيت
جدتي : ان شاء الله متى نروح
مزنه : على الشهر السادس
كان الشهر السادس من السنة اقترب وكانت عائلة علي قد اتمت اجراءاتها وبدأت بحزم امتعتها ، كان من سافروا معه حسن وزوجته شذى اخت علي وابنهم علي الصغير وبنتهم نور و ام علي الجاسم وعلي اما مزنه فقد اكملت اجراءات بنتها وامها للسفر وخادمتها ، انطلق علي الجاسم ومن معه ومع كل منهم ابقي مبلغ من المال يغطي احتياجاتهم الشخصية لكن مصاريف السفر الاساسية كان يدفعها علي ، وصلوا الى عمان بالاردن فاستاجرت بيت ليسكنوا فيه مدة سفرهم ، وصلت مزنه وامها وبنتها وخادمتها الى الاردن وسكنت في نفس الفندق ، اتفقت مزنه على الموعد مسبقا حيث حددوا مكان لقائهم في الفندق ، وصل علي الى الفندق وسأل عن مزنه فاخبره الموظف بانهم استاجروا شقة فندقية قريبة منهم ، فانطلق علي ليزورها ، وصل الي الشقة المقصودة ، ودق الجرس ، ذهبت والدة مزنه لتفتح الباب
ام مزنه ( تفتح الباب )
علي : السلام عليكم حجية
ام مزنه : وعليكم السلام تفضل وليدي
علي : لو سمحتي مزنه موجودة
ام مزنه : انت علي ، مزنه موجودة تفضل ابني
علي : شكرا حجبه ، ويدخل علي الى الشقة ويجلس بالصالة
ام مزنه : شنو تشرب خالة
علي : ماكو داعي خالة
ام مزنه : ماري جيبي شاي ، ادري فيكم العراقيين تحبون الشاي
علي : ممكن خالة بس تنادين مزنه
ام مزنه : هي قاعدة تكمل لبس ، شويه وتجي
في هذه اللحظة كنت وصلت ، وشفت علي وكانت امي بعدها تقوم بتبديل ملابسها ،التقيت بعلي لاول مرة وكان علي قد اعطاني هدية بعض انواع الحلوى التي كان جلبها معه من العراق والمصنوعة من دبس التمر ( العسل الاسود ) فتذوقت لاول مرة طعم الحلويات العراقية وكان علي يقول
علي ؛ حبيبتي نوف هذي حلويات عراقية مصنوعة من بدائل موجودة بالعراق لموادها الاصلية .شوفي طعمها حلو
جدتي : ابني علي اهي بعدها صغيرة ما تفهم الفرق ، خليها تكبر شويه
علي : جربيها انتي عمةً
جدتي : شنو اجرب ؟ ، انا الحلويات ممنوعة منها بسبب السكر
مزنه كانت قد دخلت الصالة وسلمت على الموجودين
مزنه : السلام عليكم ، شلونك علي ، شنواخبارك
علي : الحمدلله بخير
مزنه : وين وصلت بالشغل مالتي
علي : الحمدلله قدرت ارتب اوضاع كل الاملاك واللي قدرت ارممه رممته من فلوس الايجار وما احتاج شيء الايجارات سدت مصاريف الترميم والتوسعة وبقى مبلغ ودعته بحساب فتحته باسمك .
مزنه : زين تسوي ، وبخصوص فلوسك الباقيات ، لحد الان صار لك بالحساب مبلغ قوي وهو مليونين دولار ، انا من رأيي تبقيهم بالكويت شنو قلت وحتى نخليهم وديعة ثابته سنوية تجدد كل سنة فيزودون كل سنة بفائدة 10%
علي : هذا افضل حتى لا نصرف المبلغ كله ، ويبقى لنا احتياطي مادام بعيد عن ايدينا . بس راح اقول لامي واخواني لان لهم حصة بيه
جدتي : ها الظاهر الشغل اخذكم شنو ما تبون تطلعونا وين نروح اليوم
علي : لا خالة الشغل ما يخلص ، راح نطلعكم على البتراء بس خل اتصل على امي واختي واللي معاهم يجهزون انفسهم واخلي حسن زوج اختي يأجر لنا باص صغير
مزنه : ما يخالف اتصل على ما اكمل اكلي
علي يتصل بالهاتف وتقوم امه برفع السماعة من الجانب الاخر
علي : الو
ام علي : الو منو وياي
علي : هذا انا يمه
ام علي : ها حبيبي محتاج شيء
علي : لا ماكو شيء بس اريد منكم تجهزون نفسكم راح نطلع الى البتراء نشوف الاثار هناك ، راح يروحون ويانا اهل مزنه .
ام علي : ايه خلينا نشوف مزنه اللي شغلتنا بها ونتعرف عليها
علي : ان شاء الله جايين لكم بالطريق انتظرونا خلي حسن يجيب كوستر
تقوم مزنه وامها وبنتها بتجهيز انفسهم للخروج ، بينما خرج حسن لجلب الباص ، اوقف علي احدى السيارات و ذهب لينادي ام مزنه ومزنه وبنتها ليصعدوا السيارة وطلب من السائق التوجه نحو البيت الذي كان مستأجره لاهله حيث صعدت اخته واولادها وامه اما زوج اخته فقال لهم بانه سيذهب الى السوق ليرى ما فيه من شغلات ، انطلق الكوستر بهم الى البتراء حيث جلسوا لفترة هناك واخذوا بعض الصور
ام مزنه : اختي يا ام علي ما تشوفين علي يمشي مع مزنه ، والله كأنهم متوافقين مع بعض واحد يكمل الثاني
ام علي : تدرين بالبصرة اهو خابصنا بمزنه وشقد يحجي بيها ، بس المشكلة هو وين يسكنون اذا تزوجوا
ام مزنه : والله تبين الصحيح ما اعتقد بنتي تلقي احسن من علي
ونرى علي ومزنه قد انفردوا عن البقية وكانت مزنه تسير وامامها عربة بنتها نوف .
علي : تدرين مزنه انك ما فارقني خيالي ابد من رجعت للبصرة حتى اجيت للموعد مالنا .
مزنه : وانا هم كنت افكر فيك بس فيه مشكلة انو ماكو اتصال سهل يخليني اتصل فيك والا يوميه اتصل فيك .
علي : مزنه اذا اخطبك توافقين .
مزنه : وبنتي علي وين اوديها ؟!
علي : نوف بنتي واكثر ، انا احبها هاي الغالية عندي .
مزنه : خلني افكر شويه .
علي : ما عندنا فرصة الا هاي ، امي وامك قاعدين وننهي الشغلة بهالاسبوع ، خو ما نبي زفة وثوب عرس ، نسويه بالموجود شنو تقولين
مزنه : علي انت تحرجيني بهالحجي. بس عطني مدة اقرر فيها ،
علي : انا لازم ارجع للعراق بعد اسبوعين لان عندي قضايا وشغلات تخصنا بالبصرة
مزنه : شلون اقول لامي اخاف ما تقبل وخصوصا انا رفضت ابن اختها ولو اعرف انها تبي راحتي وراحة نوف
علي : ما اعتقد ترفض اذا تريد راحتكم انتي والبنية ونجي نظل بالاردن بس فترة الصيف اذا تزوجنا احد ما ترجع العلاقات بين البلدين او نسكن دولة ثالثة
مزنه : زين خلي نتمشي لهم وانت اطرح الموضوع ونشوف رد الفعل
علي : اوكي
يتجه الثلاثة نوف بالعربة ومزنه وعلي باتجاه امهاتهم
ام مزنه : علي تشرب شاي اصب لكم يمه
علي وهو يجلس بجانبها ومزنه بجانبه : نعم يمه فد كوبين ليه ولمزنه
ام مزنه تصب الشاي ويتناول علي الاكواب ويقدم واحد لمزنه ويبدأ يشرب من الثاني
علي : خالة عندي طلب بسيط اقدر اقوله لك
ام مزنه : قول يا وليدي
علي : كلمة وليدي هذا تسهل عليه اني احجي طلبي
ام مزنه : ايه اذا الطلب اقدر اسويه لك ان شاء الله ما اقصر
علي : خالة انا فكرت بشيء واتمنى توافقين لان انت الخير والبركة وهو يتعلق بحياتي كلها
ام مزنه : قول يمه ترا شغلتنا انا وامك ، شوف امك مستغربه منك ، شوف شلون تطالع فيك .
علي : خالة انا اريد مزنه زوجة ليه انت شنو رايك فانت الخير والبركة
ام مزنه : الرأي ما انا الي اعطي الموافقة ، هي اللي تقول موافقة والا لا ، ها مزنه شنو تقولين
مزنه : الرأي الاول والاخير لك يمه
ام مزنه : انا موافقة ها شقلتي
مزنه : مادام انت موافقة انا ما عندي مانع
قامت ام علي تهلهل فجاءت اخت علي شذى وزوجها وسألوا عن الخبر فقالت لهم ام علي بان علي خطب مزنه ، اتفق علي ومزنه بان يذهبوا صباح الغد الى المحكمة لاكمال اجراءات عقد الزواج وان يبقوا بالاردن لمدة شهر بعد العقد كشهر عسل ، وفي اليوم التالي ذهبت مزنه وعلي الي المحكمة الشرعية حيث كلفوا محامي باكمال الاجراءات لعقد الزواج فاعطاهم موعد بعد يومين ، حيث اكملوا عقد الزواج وتم اقامة حفل بسيط ضم العائلتين وانتقلت مزنه الى البيت الذي استاجره علي كي تتم ليلة الدخلة ، وبقيت انا نوف مع جدتي، وهكذا تم زواج علي من مزنه سنة 2000 و قد اكملوا اجراءات العقد وقد اخذت مزنه نسخة من العقد لتبقى معها ، بقى العروسان لمدة اسبوع بعدما غادر بقية افراد الاسر كلا الى بلده ، فانا نوف ذهبت مع جدتي الى الكويت وام علي عادت مع زوج ابنتها وابنتها ومن رافقهم الى العراق مع الاغراض التي اشتروها ، وهكذا اصبح لي اب جديد انه ( علي) الرجل الذي سيكون تأثيره كبير على حياتي ، الرجل الذي سيخرجني انا نوف الى الدنيا الواسعة ويجعلني من انجح نساء الاعمال في الشرق الاوسط .
