لكل عراقي قصته

الـاول |

لـ : بُـن الريـامي
                   ¯¯¯¯¯¯¯¯¯¯¯¯¯¯¯¯
في صباح مُشمس 
فزيت على صوت الموبايل بيبي دتتصل حتى تكعدني من النوم
حَسـنة : شو بيبي شو كومي فاتج الوكت بعد ماتلحكين
هديل :بيبي دخليني بس شوية
حسنة :ولج وعلي راح يجيج ابو الخط
هديل :دخيله لعلي يابيبي بعدهي ب 6
حسنة:اذا ماكمتي اصحيلج اخوج يسحلج
كمت اتأفأف وكارهة عيشتي من الدوام يومية اگول راح ابطل بس من اشوف جو الكلية وجو صديقاتي اتراجع بكلامي
رحت غسلت وجهي واتوضيت وصليت ورحت بدلت سمعت صوت بيبي تصيح من المطبخ
حسنة:ولج الفاهية يلا
هديل :ييييي بيبي يييييي
حسيت جبار البداخلي طلع بهاي الصيحة
كملت مكياجي ركض ورحت ركضت لبيبي شفتها كاعدة وتسويلي لفة
هديل :صباح الخير ياوجه الخير
حسنة :صباح النور حبيبة اكعدي اكلي يلا
حجيت واني داجر الكرسي حتى اكعد
هديل :بيبي لعد كُميل وين
حسنة :صحت علي منا هسه ينزل
كُميل :صباح الخير حبايب
باس راس بيبي واجه باس راسي
حسنة :فدوة غديتلك يمة صباح الخيرات بعد روحي تعال اكعد اكل قبل لايبرد الچاي
هديل :شدعوة بيبي شو اني صباح النور طلعت منج بالگوة
حسنة :يا ولچ بالگوة شنو.. چا غير ضوة عيوني انتو.. انتِ هاي العين و اخوج العين الثانية
ضحكت خطية فقيرة بيبي بسرعة تصدك حتى من اتشاقة وياها ادري بيها تموت علينا اني وكُميل
كُميل باس ايدها :يحفظچ النـا تاج راسي.
هديل/
كملت واجه ابو الخط صعدت ويا ورحت على دوامي وكمولة راح على دوامه
وصلت للكلية واشوف لِقاء تروح منا وتجي منا لازمة الملزمة وتراجع
هديل :صباح السچ.. صباح الشطارة
لِقاء :خايبة يا سچ مالحكت اكمل
هديل :اهو الطمي الطمي
لِقاء :دنجبي خلي نراجع.. كملتي انتِ
هديل :اسُكتي غير بقيت ل 3 اعارك اني ويه الملزمة.. ادري شهالخريط الكاتبة
لِقاء :خايبة ماتنجبين فدوة.. هذا الخريط كله موجود بسنونج
صحت بصوت شوية عالي
هديل :الهي شوكت اتخرج الهي
ماحسيت غير اجت ضربة على راسي
وقار:وجع حتى وجع صوتج شعلوه
هديل :اهو دعلكيفج.. صباح الخير
وقار :صباح النور شلونكم
لِقاء :شلوننا يعني شلوننا
هديل :بس قللي سلبيتج فدوة ماكُلج بطليها بس قلليها
درت وجهي وشفته من بعيد اخ فدوة لوجهه قطعت نظرتي ركضة نور
نور :لكم هلااااااو
هديل  :يُمة هلا وميـة هلا.. هلا بالطاقة الايجابية مو مثل غير ناس
حسيت لِقاء انطتني راشدي بهالنظرة
نور :شفت الحب من بعيد بعد گلبي سلمتي لو بعدج
هديل :بعده يم اصدقائه واگف
وقار :لو بس تثگلن چان ارتاحيت
لِقاء :اهو شيخنا وقار بالله ارجوج اسكتي
وقار :مو قبل شوية ردتي تراجعين وتسكتينا.. شو عفتي المادة
لِقاء :غير بعد روح هُدهُد موجود
هديل :اووي فدوة رحت لطوله
نور:ديدور عليچ روحيله لج روحي
وقار :انجبي واكعدي
لِقاء :شافج لج هُدهُد شافج
اجه اتقدم
حسين:السلام عليكم
البنات :وعليكم السلام
حسين :شلونكم شلونها المعنويات
نور :والله نعمة عال العال
لِقاء :خايفين
حسين :لا ان شاء الله تجاوبون.. نمونة هو امتحان
وقار :اللـه كريـم
حسين :هـا هديل شو بس انتِ صوتج ماكو
هديل :هـا لا
حسين بگلبه:اخ الله باع الفهاوة التنكرط
حسين :اححم شنو لا
هديل :شيسمونه متوترة من الامتحان 
حسين:يا امتحان يمعودة لتخافين كدها.. محتاجة اشرحلج اقصد اشرحلكم شي مادام بعد وقت؟
وقار  بهمس:دشرح لروحك بالاول صايرلي فهيم
حسين :ويايه؟
وقار :لا عيني
لِقاء :يي هديل گالت اخر اربع سلايدات ملحكت تقراهم
كرصت لِقاء حيل من ايدها بقت تفرك الكرصة متوجعة وتحرك بحواجبها بفرح
هديل:لالا معندي شي كُله فاهمته
حسين :شنو شعندج احجي
نور:والله العظيم البارحة دزت بالگروب اخر اربع سلايدات مقاريتهم
حسين :وك ماعندي مُشكلة تعالي نكعد هنا ع المسطبة منروح بعيد.. بنات منو الي تريد اشرحلها شي بعد!
البنات: تسلم
راح حسين كعد ورحت وراه واني اتوعد للبنات
وقار :مچلوبات انتن شكو تخلوهم يروحون وحدهم
نور:ترى سمعتج من حجيتي قبل شوية على حسين.. ها وقار حوزة صايرة تحجين غيبة
وقار:استغفرالله من ذنبه انجبي انتِ
لِقاء :هسه واذا خليناهم وحدهم قابل شراح يسويلها؟ ها ها لو تغارين!
وقار :والقران ماعندي شي بالعكس اتمنالها بس الخير.. بس اذا كعدو وحدهم راح يصير حجي زايد وسمعة البنية تتأذى.. واني مااشجع على علاقات الحب وهالخريط بالكلية خلي تكمل ويروح يخطبها اذا صدك يحبها
نور :بعد مانوديها
عفت البنات ورحت كعدت ع المسطبة كدام حسين.. متعمد جابنا يم مكان بي ولد وبنات يقرون حتى متصير علينا شبهة وخطية كعد كدامي وحتى عينه مرفعها منزل عيونه ويشرح.. همزين فهمت شوية
حسين :ها بوية فهمتي!
حسين /
جاي اشرح لهديل وهي مدنكة وخجلانة بس مبينة مركزة لان تتفاعل ويه كلشي اكوله وكل شوية ينزل شعرها على عيونها ضوجها انوب اني حالف مااباوعلها نظرة بالحرام اني مقرر اخطبها هاي السنة بحيل الله من نتخرج يوم ورة يوم اصبر بنفسي بعد ايام معدودة ونتخرج ويخلص شي اسمه كلية وامتحانات ايام وانجمع بمحبوبتي
سألتها اذا فهمت لو لا جاوبت بكُل فهاوة.. هاي الفهاوة الطيحتني 
هديل :هـا يي بس اوكف
حسين :واكف عمي شعدنا
هديل :هاي مو اجتي العام بالاسئلة بيها خطأ
حسين :يي صح
هديل :زين شلون اذا اجتي اليوم
حسين :تجاوبيها
هديل :لعد مو خطأ
حسين :چا بوية يبقوها ع الخطأ غير يصححوه
هديل :هـا يي شُكراً تعبتك
حسين :لا عيوني واجبي اي شي تحتاجي تلگيني كدامج
هديل :من رخصتك اروح اشوف البنات
حسين :اخذي راحتج
صح هي مامحجبة بس لبسها محتشم ونازكة بشكل مو طبيعي مؤدبة ورزنة جداً صفنت عليها وهي راحت تحجي ويه البنات بعدين اتعوذت من الشيطان واتذكرت الحلفان وكمت لجماعتي
هديل/
ركضت للبنات لكيتهم يسولفون عود يقرون يعني.. رحت مُباشرة معصبة ضربت نور ولِقاء
هديل :حيوانات چلبات شلون تودونا وحدنا.. متستحون انتو
نور:هسه المهم افتهمتي لو لا
هديل :ها يي والله فهمته خوش يشرح ماشاء اللـه
لِقاء :هلاو عيني يعني مُستقبل جهالج ضمنتي خوش يشرح الابو
ضربتها ع ايدها بتفاجئ
هديل :عزا بعينچ ان شاء الله ليروح يسمعج واحد شيكول
لِقاء :اخخ هسه هو منو يسمع.. عايفين امة محمد كُلها وجايين يسمعون كلامي وكلامج.. ع حلاة حجينا يعني
وقار: بلا زحمة اذا خلصتو لغوة مُمكن ندخل نمتحن؟
البنات:يا اللـه
هديـل/
مشت الايام نفس الروتين بيـن الدوام والقرايـة والنوم والاكل لحدما خلصت الامتحانات لحد اخر يوم
نور:لكم عزااا متتت خلصناااا
هديل :بيباي بيباي عفتج يطبية خلصاي هاي هي
لِقاء: احتمال نطلع دور ثاني.. بعدنا ممكملين
وقار:يُمة گليبي يُمة.. حتجلطني وحق هو ربي.. خاب شهالسلبية فدوة
لِقاء :ييييييييي بطلت مااحجي
حسين /
كملت طلعت من الامتحان واشوف البنات فرحانات ومريتي طالعة تخبل وعلي تلوكلها الفرحة وخدودها موردات دخيلك ربي
حسين:وعلي مااتحمل اروح هسه احاجيها
محمد:دكول ياالله خايب اثگل
حمزة:حَبيبي خير البر عاجلٌ روح اتوكل
حسين :  رايدكم سند
حمزة :بدون ماتحجيها كُلنا بظهرك
اتقدمت للبنات وويايه الشباب وعمر الهتلي شافنا اتقدمنا ع البنات اجه ويانه
الشباب:السلام عليكم
البنات:وعليكم السلام
عمر:شلونكم كايز
البنات:الحمدلله
نور سوت حركة لـ لِقاء بمعنى اتقربي
نور:عفية هالعمر ولا ارتاحله احسه مسربت
لِقاء:دنجبي اني وقار سوت بيه خوفه حسرة عليه احجي وصاحت غيبة
حسين:خوية بلا زحمة عليكم اخذ منكم هديل
نور جاوبت بفرحة وبسرعة :واحنه انطيناها الك
عمر :يي عمي دباع نور انطتك ياها
وقار كرصت نور بسرعة
ونور نست الكرصة وانطت لعمر نظرة مال واحد معاجبه
هديل اجت ويايه بس قريبين ع الشباب
حسين :باوعي هديل قبل كُل حجاية مدام بعدني بحماسي
.. الخميس احنه جاييكم يعني بعد ثلاث ايام
هديل بفهاوة :منو انتو؟ ووين ولويش تجونا؟
__________________________________
ويلكااااام هاااا بُنياتي ، شنو رأيكُم بالبارت وشتتوقعون بالبارتات الجاية من خلال هالبارت ، يا تُرى شنو مَوقف هديل ؟
انتظروني ببارت بـإحداث اقوى ، لتنسون تتابعوني ع الانستا حتى نتناقـش سوـه  ، احبكُم