لـ : بُـن الريـامي
____________________وإذا رأيت حسنها وهي تبتسم
قلت ربِّ إغفر لعيناي إن ثملت._______________________________________
وقار /
كاعدين بحفلة ميلاد عليشة ، ومحتفلين واشوف ذوالفقار و جِهاد ومُعتز شعلوها شعل للحفلة ، ثلاثتهم نفس الطبع ، بس شوية جِهاد اثگل منهم
واحنه نلعب ونصفك ، وچان يكمز جِهاد اخذ موبايله والضحكة مرسومة على وجهه وطلع بره ، ورة ربع ساعة رجع ومبينه الضوجة عليّ ، حتى يبتسم مُجاملة وباقي يتصفن
عفت الكُل ورحت كعدت يمه ، الكُل ملتهي يسولف ويلعب ويضحك بس اني وياه انعزلنا وحدنا
وقار:اكو شي ؟
باوعلي ورفع عينه عليّ ، كأنما ممتوقع جيتي يمه ، ابتسم وهمس :سلامتج
وقار:لا مبين ضايج ، احجيلي
جِهاد : مو هسه ، شلونج
وقار :الحمدُلله ، حلوة جمعتنا متونسين بيهابقى يباوع لوجهي لفترة ، اني استحيت ودنكت وبقيت العب باظافيري
جر حسرة وهمس بصوت تعبان :وقار ، خلي نتزوج
وقار:هـا
حرفياً خلصت الاعذار ، مبقيت عذر مطلعته ، صح اتعودت على جِهاد بس ممتقبلته كزوج لحد الان ، فكرة الزواج كُلها ممقتنعة بيها
جِهاد :تعبت وانه الحن عليج
وقار:نتفق بعدين
هز راسه ودار وجهه مني ، عفته وكمت كعدت يم هديل
هديل :شكو شبيكم
وقار:ماكو شي
هديل :وقار ، ديربالج عليّ ، كافي انطاج مجال
وقار :بعدني صغيرة مامستعجلة ع الزواج
هديل :بس هو مو صغير ، وقار الرجال عمره 36 ، حقه يريد يشوف ابن يفرح بي ، البكده ابنه بطوله
وقار:صوجه ، ليش ما اتزوج من وقت
هديل :لا والله مو صوجه ، صوج گلبه الفطير الي حب وحده مثلج ، المثله البنات يكتلن نفسهن عليّ ، بس هو هم مدري شلونه
وقار:يي شسوي
هديل :بعد شوية خلي يرجعج لبيتكم وحدج ، وانهي النقاش ، اتفقو على كُلشي
هزيت راسي وانتبهت على الي كاعدين ، لفت انتباهي الثنائيات الي اتخبل فعلاً ، الي يتصدرون القائمة لتين ومُعتز وشقاهم وغزلهم كدام الكُل وضحكهم ، علاقتهم تجنن مخلصيها عرك بحُب ، الخبال و المرح واللعب يغلب على علاقتهم ، كأنُ اصدقاء اكثر مما هم حبايب ومتزوجيناما لقاء وكُميل ، الناس الثگال الكبار والواعين ، كُميل بطّل يسمي لقاء بأسمها الا بالمواقف الي تستحق ذلك ، لقبها الجديد صار ام علي ، صح يحاول ميبين حبه الها كدام الناس لان حسب قول لقاء هو يحب الخصوصية حيل ، لكن نظراته تفضحه ، ابتسامته من تضحك ، لو خوفه من تتوجع ، عين على هديل وعلي وعين عليها
وبالنسبة لـ ذوالفقار و هديل فهذولي حالتهم حـالـة ، يحبون بعض من بعيد ، من تلتقي نظراهم گبل تتوجه لكُميل ، رغُم علاقة هديل بأخوها بعدها نفسها وحلوة ، لكن ذوالفقار وكُميل حالهم حال الغُرب حتى كلام مابينهم ، ذوالفقار يبادر وكُميل يصده ويتجنبه
اما الثنائي رسيل وامير الثُنائي الفريش ، علاقتهم فوق الطبيعية ، من ناحية رسيل ماكو شي بس من ناحية امير لا الموضوع يختلف ، يحبها من بعيد ، يخاف يدخل باي حرام لذلك علاقتهم على كد جمعاتنا وبس
YOU ARE READING
لكل عراقي قصته
Romanceروايـة لأكثـر من بَطل يحكي عن قضيـة اجتماعية عاشها فماذا يفعل ياتُرى؟ وهل يكون الانتقام مُرضي؟ ماذا ستكون نهايـة الروايـة! ومانوع الحُب الذي سيُزينها! مُقتبسَة من أحداثٍ حقيقيـة