جنون نوح ♡بالدارجة مكتملة♡

الجزء 91

◇جنون نوح◇
بارت 461

🎀عند الماس🎀

الماس لي اليوم كلو وهي حاضية تليفونها وحاضية الباب كاتستنى نوح وجدتها تدخل حيت المشية لي مشات جداتها ما دخلاتش ليها لراسها كاتقول مخابين عليا شيحاجة وخصوصا قالبها ما مرتاحش وخاطرها ما مهانيهاش عليه ...
بقات كاتستنا ف صالون التحت حتى سمعات صوت جداتها مشات عندها كاتجري لي سولاتها على نوح وبسرعة بدلات ليها الموضوع ومرة تهضر مع امينة مرة مع اسية اما شي لاخور مشاو بحالهم بقات هنا غا غفران لي العطلة مزالة طويلة وكانت ف بيتها كاتبكي على فراق اميمة ...
كفما تسولها عليه كاتتهرب ولا دير راسها ما سمعتهاش
الماس (شافت ف جدتها لي كا تهضر مع امينة) : ... ع عزيزا جاوبني من قبايلة وانا كانساقسك على نوح ي ياك كنتي معااه
الحاجة (شاافت فيها وصطمات على قلبها لي كايضرها على بنتها لي ما خلاتش ليها شي حل واحد خور وقالت بنهطة) : ... شعندك ا المااس ابنتي كااا فيك البيضة خاالي رااجل يحضي خدمتوو شوية مااشي بااش يبقاا حااضيك غير تينا امشي لاعندك شي شغول امشي تقضيه برااكة من الفشوش قول غااانتي لي مزوجة
الماس (فتحات عااينيها بصدمة فجداتها عمرها هضرات معها هكا بقات غا كترمش عااينيها وشفيفتها ترخاو قريبة تبكي وقالت بصوت حنين وخفيف ب الكاد تسمعو) : ... اا ا انا غير سقسيتك
الحاجة (خنزرات فيها) : ... ما تسقسنيشي امشي بعد من قدامي ماعنديشي الخاطر ليلك هااد الساعة ا الماس
الماس ماعودتهاش معها ناضت من صالون العصري فين جالسين وحطات يديها على كريشتها وتوجهات طالعة بحالها لبيتها غير طلعات جلسات على سرير بحال الامانة وشفيفتها كايترعدو حسات بحالة جداتها حكراتها بهضرتها ماارضاتش بكلام جداتها وماعجبهاش عارفة جداتها قاصحة ولكن مع الغريب مااشي معها هيا عمرها قصحات معها الكلام كيف دارت اليوم ولا نهطات فيها كيف اليوم هيا اصلا غضبانة على فراق اميمة ورحيمو وعائشة خلاو الدار مقناطة من بعد ما كان فيها صدااع والهرج والضحك دابا ولا سكاات وزيد عليها من البارح وهيا بحالة شي غمة على قلبها لي ماعرفاش علاش وغياب نووح لي من البارح ماسول فيها ولا تاصل بيها ولي تسولو عليه فدراري يدير راسو ماسمعهاش ولا يقول ليها راه خداام ودابا جدتها حكرتها وقدام عكوزتها وعملتها خاايب مارضاتش وماعجبهاش الحال ... عضات على شفيفتها وخرجات ليها شهقة خفيفة لي من وراها خرجو شهقات هما جمعات رجليها على الفراش وخشات راسها مع رجليها كاتشهق وتبكي ب الحس كلام جداتها لي عمرها توقعاتو منها مارضاتش بيه ومااغيحس ب الماس غير هداك لي فايت ليه تحكر او تجرح بشي كلمة من عند شي شخص عزيز على القلب وجدتها عمرها قالت ليها حتى ا الماس حايدي من طريق ودابا قالت ليها حايدي من قدامي ...
الماس : هنننهئ هئ ح حش هئ ومة هئ عهئ عليك هنهائ
النهار كلو وهيا بااغة تبكي نهاار كلو وهيا صاابرة باش ما تبكيش وماتنينش ولكن هداا الله جاات الحاجة وفيضات الكاس لي من صبااح وهوا باغي يفيض جات الحاجة بزوج كلمات فيضات الكاس وجرحات حشيشة القلب ...
بكاات وبردات حر بكها فصبع يديها لي كل ماكتبكي كااتعض عليه بسنانها هاادي هيا الماس تجرحها تنوض تبكي وخصوصا الى كان الجرح من اقراب الناس ليها ....
امينة (غير ناضت الماس شافت ف الحاجة) : ... حشومة عليك الحاجة البنت اش دارت ليك ما كانش عليك تقولي ليها هكا
الحاجة شاافت فيها وهيا كاتفرك يديها مابغاتش تهضر معها هكاك ولكن كون ما قالت ليها هكاك كون بقات كاتسول فيها دابا وساعة على داكشي مالقات ماتقول من غير داك الكلام لي هيا بنفسها ماحملاتش راسها وهيا كا تقولو ليها
الحاجة : ... و وابنتي شباش نعمل رااه خاصها ترخف على راجلها شوية
امينة (بقات غاا كتشوف فيها دخلات ليها شك) : ... إوى الله يهدي ما خلاق .. نوض الحاجة راضيها راه غاتكون طلعات لبيتها كاتبكي وانا غا نمشي نشوف اسية