جنون نوح ♡بالدارجة مكتملة♡

الجزء 11

◇جنون نوح◇
بارت 51

غير سمع اش قالت وهو يقول ليها
الشخص : معاك ولد الحاج العاقيل ( نعم ياسادة إنه رضى كنت دويت عليه في الفصل الاول من القصة )
الحاجة : داك شوفات لي دار في الماس وحتى كلامو كع ما تسرط ليها غير شافت فيه بنص عين وقالت
بغيت الحاج العاقيل
غير كلمات كلامها وهيا تشوف الحاج جاي وكايشوف شكون لي كان كايدق هكدا
الحاج : رضى شكون كا يدق
رضى : ااا الواليد غير...
قبل ما يكمل كلامو حتى كانت سبقاتو الحاجة....
الحاجة : سمح لينا الحاج العاقيل صدعناك فهد اليل جينا طالبين ضياف الله وتعاوني
الحاج : بقى شحال كا يشوف في الحاجة
الحاج : مرحبا بضيف الله ولكن شكون انتي
الحاجة : قربات عند الحاج وهيا جرا معها الماس لي مخشية فيها وعاينيها حمرين وكل مرة كا تشهق شهقة طويلة حتى كا تقطع النفس فيها
الحاجة : دازت 10سنين الحاج اخير مرة شفتك فيها كنت جيت من ورا بنتي الماس
الحاج : شاف فيها مزين.... عقلت عليك الحاجة الزوهرة ياك ( شاف في الماس لي مخشية فجداتها وباينة فيها مخلوعة ومبكية ) البنت كبرات صلات على نبي
الحاجة : طلقات من الماس ومشات عاند الحاج تحنات ليه على رجليه كا تبكي وتشهق وترغب فيه وتبوس ليه فيديه
الحاجة : انا جيت طالبك الحاج وراغبك انا داااقت بيا الدنيا وما بقى عندي حد راسي شاب وصحتي مشات ما بقات ليا صحة لا لصداع ولا للمشاكل ما بقات عندي صحة لشي صدمة عاندي عوينة واحدة لي بقات ليا وعوينة لخرة هادي 16سنة ملي دفنتها تحت الارض وما بغيتش ندفن العوينة لي بقات لي انا كا نطلبك الحاج عاااوني
الحاج : بقى مصدوم في الحاجة ما عرف مالها وعلاش كا تبكي وصدماتو ملي تحنات على رجليه كا تبكي وتشهق وترغب الحاج هز الحاجة من على رجليه وخطف يديه من يديها....
استغفر الله الحاجة حضري عقلك وهضر وفاهمني بعدا فاش غا نعاونك ( شاف في الماس ) ومال هد البنت المسكينة فهد الحالة
الحاجة : شدات الماس بين يديها لي مسكينة ملي شافت جداتها كا ترغب وتبكي وحطات كرامتها في الارض على قبلها واخا ما فهماتش لدابا علاش دارت هكدا
الحاجة: شافت في رضى وقالت.... بغيت نهضر غير معاك وكلمنا ما يسمعو حد ومايسيق ليه الخبار حد
الحاج : شاف في رضى لي عاينيه غير في الماس كا يشوف في عاينيها لي مع ضلام كا يبانو كا يبريو و مع تيك جلابة لي جاتها لاسقة على طايتها
.... رضى سير كمل نعاسك ابني
رضى : ولكن
الحاج : واقيلة هضرت معاك
شاف فيه رضى ودخل فحالو وهو غادي وعاينيه خارجن في الماس
الحاج : زيدي الحاجة لداخل ونهضرو
الحاجة : يكثر خيرك
دخلات الحاجة والماس مع الحاج لداخل دار لي كلها رخام وصالونات بلدية باينة عليه وعلى دارو بلي فيديه الحبة وعاندو الفلوس
جلسو فواحد من صالونات
الحاج : انا غنفيق الحاجة توجد لينا شي كويس القهوة
الحاجة : بسرعة... لا لا الحاج ما يحتاجش انا بغيتك نتا بغيتك تعاوني وتعطيني ودنيك
الحاج : جلس وقال.... لي بغيتي الحاجة انا كنسمع
الحاجة : انا الحاج ********************** **٭********************★**********٭......
عودات الحاجة كع لي وقع لالماس هد لليلة وعودات ليه حتى على عدنان وحلوفو لي حلف في الماس وعودات ليه على عبد رزاق ورحمة بعالقتهم مع الماس وماخبات عليه والو
الحاج : تصدم ومقدارش يهضر من غير قال.... لا حولا ولا قوة الا بالله العالي يالعضيم استغفر الله واش هدا حمق ولا مالو
الحاجة : كاتبكي... هئ خفت على بنتي الحاج ومالقيت حد غيرك
الحاج: ونعم بالله شنو مطلوب مني الحاجة
الحاجة : بغيت بنتي نتهنة عليها ونخاليها امانة
الحاج : انا ما عندي مشكل تبقى مع مراتي فدار شحال ما بغيتي معززة مكرمة
الحاجة : لا الحاج ماشي عندك
الحاج : شاف فيها بإستغراب.... كيفاش
الحاجة : شافت فيه وشافت في بنتها الماس لي غير جالسة بحال الامنة غير من وجهها كا تبان محكورة ويتيمة....انا بنتي ما يتهنى خاطري وبالي عليها حتى تكون تحت جناح ولد النصراني