مُحاضرة اليَوم "لتنظرون لصغر المَعصية"
مُلاحظَة / أنزل مُحاضرة كل ثلاثاء بِإذنِ الله
أكو بَعض الناس ـ نستجير بالله ـ تگله هذا حرام
يگلك أي أدري بي حرام اي اي عود بعدين من نكبر نتوب ونروح لبيت الله ونستغفر والله يغفر النه اكو ناس تسوي أكثر منّه
تشوف وحدة مُتبـرِجة تكلها تره انت مُتبرجة مُتبرجة يعني تقاتلين رَسول الله متدرين بروحج
تكلك ها اي چا الناس كُلشي تسوي
شعليج انتِ بالناس اني جاي أكلج هذا حرام شعليج بالناس
لو تشوف واحد يغني تِگلة تره الغِنـاء حرام باچر من يَجرونك من لِسانك هذا ويذبونك بجهنم مو تكول مَحد گالي يكلك ها لا آني أغني أغاني حزينـة ،
شعليه اني حزينة سعيدة طرب مو طرب اني جاي أكلك الاغاني حرام خلص
لو تشوف واحد يسوي معصية تكلة ترة حرام الله ما يرضاها يكلك ها بس اني گلبي نَظـيف
بابا شنو گلبك نظيف الي گلبه نظيف يعني يحب الله والي يحب الله ما يعصي
لو تشوف واحد يِراسل بِـنية تِكلة تره هاي المُحادثة الي عبالكم خاصة بينكم تره الله جاي يباوعلكم من فوگ ماكو شي خاص عند الله يگلك ها چا الناس تكتل ،
شعليه اني بالناس چا انت اذا تريد تكتل روح إكتل شمتاني
ـ معليكم بالآخرين إنتم إنظروا لنفسكُم دائِمـًا لا تِنظرون لِصُغر المَعصـية إنتم أنظروا لِعظمةِ الي جاي تِعصونه تمام ؟
الله يحبكم ميريدكم تِعصونه انتوا صَلحوا نَفسكم وإذكروا الله هو يذكركم
﴿ فَاذْكُرُونِي أَذْكُرْكُمْ ﴾
خَلـوا دائمًا ببالكُم إنُ صاحب الزمان يراقبكم ، لا تعصون ، خلوا دائمًا رضا الله وصاحب الزمان كِدامكم من اليوم تسوون عمل زين كولوا الله وصاحب الزمان رَاضين عني لو لا ؟
ـ وآخِـرُ دَعوانا أن الحمدُللهِ ربِّ العالمين
وصلى الله على مُحمدٍ وآله الطيبين الطَاهرين 🏴🤍.
