جعلتني افضل♥️💮

البارت التاسع عشر

يضحك هاشم يبص ل الساعه... يدوب الحق اعمل الغدا واعدي اخد عائشة وانت روح لاروى بقى

يرجع كل واحد لبيته و يعدي اليوم كانت عائشه نايمه بعمق لان النهارده اجازتها يصحى يوسف ويبوس راسها ويسيبها نايمه علشان ترتاح ينظف البيت ويحاول يشتغل بهدوء يفتح ال لاب توب يقعد يشتغل يبص ل الساعه يلاقي معاد صحيانها قرب يقف ويعمل ليها الفطار يطلع صنية الفطار ليها يحطها جنبها و ينزل يكمل شغل يرن جرس البيت يقف ويفتح تدخل نيلي بشنطه هدومها

نيلي... صباح الخير

يبصلها يوسف ويقفل الباب ويدخلها.... صباح النور

يبص يوسف لشنطتها مستني تفسير

نيلي بهدوء... متخانقه مع ابوك قولت اجي اقعد عندك

يهز راسه..... اكيد تنوري وتشرفي

نيلي...لو متدايق امشي

ينفي يوسف بسرعه.... لا لا يشاور على اوضة الضيوف تقدري ترتاحي في الاوضه دي
يدخل شنطتها يرجع ويقعد تبص نيلي في البيت وكان مرتب ونظيف واكتشفت انها طريقه يوسف في التنظيف والتنظيم لانه كان بيعمل كدا في بيتهم علي طول

يوسف... حصل اي علشان تتخانقوا
‏
نيلي....يوسف هو انت اللي منظف

يوسف.. اه عائشة تعبانه فنظفت انا علشان مش اتعبها لما تصحى

ترفع نيلي حاجبها وتبصله.... لا حنين

يتنهد يوسف...وفيها اي اكيد مش هجبرها تنظف وهي عيانه

نيلي... يعني مراتك تعبانه من الشغل والنط هنا وهنا ومش فاضيه لبيتها

يوسف.. هي مش بني ادمه بتتعب ولا اي؟ ثم مش مهم البيت اللي يهمني انها تهتم بيا انا

نيلي.... بكرا يا حبيبي تنساك اللي بيكبر في مركزه
البيت بيقبي اخر اولوياته

يوسف... لا عائشة بتحبني وهتفضل مهتمه بيا

تقف نيلي وتروح قوضتها ترزع الباب جامد يتنهد يفتكر كلامه مع عائشة لما طلبت تشتغل

flash back

يوسف... لو اهملتي فيا معتش ليكي شغل

عائشة... هو الصح ان البيت يبقى اول اولاوياتي

يوسف... انا مش قلت البيت انا قلت اهملتيني انا

تهز راسها بهدوء

end flash back

يبص ل عائشة اللي نزلت و كانت بتفرك عنيها

عائشه.. هو في اي مين رزع الباب كده

يوسف بهدوء.... ماما

عائشه.. طنط؟ هي طنط اجت هي فين؟

يوسف.. اه في الاوضه و متخانقه مع بابا وشكلها جايه والنيه مش خير