بسبب إبي!

الفصل الثامن (صفقه عمل)

#الفصل_الثامن
#بسبب_ابي!
في غرفه اياس و فيروزه
فيروزه بتوتر ' في اي انت بتبصلي كدا ليه
اياس بصلها اوي ' متتحركيش من هنا
اياس خرج و قفل الباب وراه و مرات عمو ماشيه ورا مش فهمه حاجه و عامله تكلم وهو مش بيرد عليها
نيرمين بتعب ' ايه يا ابني كل دا
اياس ' مرات عمي مافيش حاجه من الي انتي عايزها دي هتحصل
نيرمين بغل ' يعمي ايه بقولك دي عاداتنا وتقاليدنا
اياس بعصبيه خفيفه ' وانا بقولك انا حر ومحدش لي دعوه بحياتي اين كان مين
نيرمين بصوت عالي ' لا مش حر بقي يا حج يا حسينن تعالي شوف ابنك يا ابرهيم تعال شوف الي بيحصل
اهل البيت كلهم خرجو من غرفهم علي الصوت بستغراب
الجد ' في اي يا نيرمين عامله قلق ليه
نيرمين بخبث ' يا حج ابن ابنك مش عايزاني اخد حاجه العروسه عشان نتاكد
انتصار بمضايقه' وانتي مالك يا نيرمين دي خصوصيه ابني
حسين ' مش من حق حد اصلا يا نيرمين
الجد بغضب ' لا من حق دي عائله و نسب عائله مش لعب عيال هو نيرمين صعب
نيرمين بانتصار ' مش قصدي ادخل يا حج بس كان لازم اعمل اللي امو ماعملتوش
اباس بنفاذ صبر ' انا مش المفروض ابرر لحد علي حاجه بيني انا و مراتي حتي لو اتجوزنا غصب محدش ليه دعوه احنا احرار مع بعض وهي من ساعه اسمها ما بقي علي اسمي مش هسمح لحد يضايقها بحاجات ملهاش لازمه
الجد ' يعني اي يا ابن ابني
اياس ' يعني تصبح على خير يا جدي انا قولت الي عندي
اياس سبهم و مشي طلع علي السلم لاقها وقفه مسكها من ايدها و دخلو اوضتهم
فيروزه بوجع ' اااه ايدي يا بني ادم انتت
اياس بعصبيه ' هو انا مش قولتلك متخرجيش من هنا
فيروزه ' بصراحه انت قولت
اياس ' وبعدين
فيروزه ' ما هو انت تقول الي عايزه وانا بردو اعمل الي عايزه وبعدين انا مش فكره انتو بتتخانقو علي ايه وايه حاجه العروسه دي
اياس تجاهل اخر جمله ورد' لا لا مافيش الكلام دا انا اقول و انتي تعملي
فيروزه بضحك ' انت غلبان اوي يا اياس انت فاكر انك اتجوزت امينه وانت سي السيد ولا اي
اياس قرب منها ومسك ايدها ' اياس دا انا اسمي حلو علي كدا
فيروزه بعدت عنو بسرعه ' انا داخله اغير مافيش راحه في البيت دا خالص كدا
اياس ' خالص يا بنتي اسالني انا
بعد ما غيرت و خرجت لاقتو نايم علي السرير براحه
فيروزه بصوت واطي ' اوف خد السرير انا مش فهمه بجد فين الاخلاق يعني اقتلو يارب ولا اعمل اي
اياس بنفس الصوت ' تخيلي الصبح خبر قتل امراه زوجها عشان نام علي السرير
فيروزه صرخت ' يخربيتك انت كنت حالا رايح في النوم
اياس ' ما انتي عملتي ازعاج
فيروزه ' طب مصلحه يلا قوم نام علي الارض
اياس ' انتي عارفه ان دمك خفيف
فيروزه ' ايوه ماما دائما تقولي اشمعنا بتقولي كدا دلوقتي
اياس ' انا بتتريق مش هقوم
فيروزه ' والله يعني اي انا مش هنام علي الارض
بصلها هي بسرعه ' و مش هنام جنبك
اياس ' ليكي حريه الاختيار انا عايزه انام عشان عندي شغل بدري فاعملي الي تعملي
فيروزه ' طب بص ساعدني نجيب ملايا و نحطها بطول في النص يبقي عدل ربنا
اياس ' وانتي من اهل الخير يا فيفي
فيروزه بعصبيه راحت شدت ايدو و قومتو ' لا انت هتقوم
اياس ' انا عارفه والله اني مش هخلص معاكي اتفضلي
فيروزه بانتصار ' علي فكره جواك انسان
اياس ' شكرا يارب نخلص و ننام
______________________________
في صباح عائله الشرقاوي
نجوي بعياط ' انا بنتي وحشتني اوي
عاصم ' يا نجوى اهدي دا انتي سايبها امبارح
نجوى ' انا عايزه اروحلها يترا عملو فيها اي
مراد بهزار ' يا امي دي بنتك تكفر بلد
نجلاء ' اخرس انت دلوقتي
مراد ' اه حاضر
الجد ' بص الكل شويه و خد مراتك و مرات اخوك و روحو شوفوها
عاصم ' حاضر يا حج
فريده ' عمو احنا ممكن نتحرك دلوقتي في نهار أحسن
مامتها ' اه وشكرا بجد علي الضيافه الحلو دي
عاصم ' ازاي حضرتك تقولي كدا انتي صحبه بيت
الجد ' مراد عند شغل اليومين دول في القاهره صح
مراد ' اه يا جدي هاجي علي اخر الاسبوع
الجد ' يبقي تاخد فريده و ولدتها معاك توصلهم يا ابني
مراد ' عيني
مامت فريده ' ملوش لازوم يا حج
الجد ' ازاي يبنتي
فريده بتكلم سيف في اوضتها و بتخلص شنطتها عشان تمشي
سيف ' اه مش فاهم بردو
فريده ' مش فاهم ايه يا حبيبي
سيف ' يوصلكوا ليه
فريده ' عادي هو نازل كدا كدا
سيف ' قوليو اني هوصلك انا
فريده ' لا طبعا مينفعش سيف انا ابتديت ازهق من الحوار دا
سيف بعصبيه ' تزهقي من غيرتي !
فريده ' كدا مش غيره كدا انت بتخنقني دا قريب صحبتي و هيوصلني وماما معايا فين الحوار
سيف ' انا مشكلتي مع مراد نفسو
فريده بهدوء ' مالو بس والله دا حتي لذيذ
سيف ' فريده اقفلي
فريده ' انت الذ صدقني
سيف ' بقولك اقفلي عشان منتخانقش و مبقاش السيئ في روايتك زي كل مره
فريده بتفكير' استنى بس كدا انا منكدتش عليك امبارح في حوار بنت طنط كامليا عجبتك بقي ولا تكون عجبتك
سيف ' اه لذيذه جدا يلا سلام
فريده بصت في الموبايل الي في أيدها و قالت لذيذه جدا هو قال لذيذه جدا ولا هو بيردهالي ولا انا وقعت علي وداني
________________________________
علي سفره عائله السمري
حسين ' قومي يا سما خبطي علي اخوكي و مراتو عشان يفطرو معانا
انتصار ' متسبهم عرسان جداد براحتهم
سما ' لا هصحيهم
بسمله ' انسى هو نقى ارخم حد
سما طلعت و فضلت تخبط لحد ما فيروزه فتحت
فيروزه بنوم' في اي حد اتهجم علي البيت
سما بدراما ' اه صحي أبيه اياس بسرعه مش عارفين نعمل ايه
فيروزه بنوم ' مش قادره خالص شويه ابقي تعالي صحي انتي يكون الناس مشيت شويه
سما قربت منها و هزتها ' فيروزه فوقيي
فيروزه ' اهو فوفت اتفضلي
سما ' يلا هاتي ابيه و انزلو عشان الفطار
فيروزه قفلت الباب و دخلت تصحي اياس
فيروزه ' قوم يا عم قوم
اياس ' سيف اطلع بره
فيروزه بتفكير' هو متعود حد يصحي ولا ايه امم اعمل في اي بصت جنب السرير لقت كوبايه مياه نزلتها كلها علي وشو اياس شت كلها علي السرير و بصلها ' انتي عارفه انا ممكن اعمل فيكي ايه دلوقتي
فيروزه ببراءه ' صدقني حولت اصحيك كتير بس انت نومك تقيل
اياس سبها علي السرير و قام دخل الحمام ثم خرج لاقها مستنيه
فيروزه ' عايزه اكلم معاك
اياس بصلها بطرف عينو ' طالما بهدوء يبقي عايزه مصلحه
فيروزه ' عايزه اسافر قاهره
اياس بصلها بسرعه ' انتي عرفتي منين اني مسافر
فيروزه باستغراب ' انا معرفش انا بقولك عندي شغل هناك
اياس ' شغل ايه انا معنديش حد بيشتغل
فيروزه بعصبية ' اييه يعني اي انت جايبني جاريه ولا اي اوعى تفكر انك هتلغي كارير الي انا عامله انا مسكه شغل بابا و كمان جرحه لسه مخلصه سنه الامتياز فهو انا هشتغل غصب عنك
اياس بصلها قبل ما يخرج ' غصب عني الي انتي شايفه بس مافيش سفر و مافيش شغل
فيروزه بتقول لنفسها ' اهدي اهدي بيحاول يستفزك
تحت علي الفطار و الكل متجمع و نظارات الجميع لبعض
الجد ' مينفعش يا اياس تسافر و عائله مراتك الي جايين
اياس ' ماهي مراتي موجوده صح يا حبيتي
فيروزه بصلتو ' لا مش صح
اياس مسك ايديها ' فيروزه
فيروزه خبطتو في رجله من تحت التربيزه ' سيب ايدي
اياس بوجع خفيف ' اهه وانا مش هتاخر يا جدي بس انت عارف دا ضروري يدوب الحق انا و سليم
سليم ' اه والله يلا يدوب
الجد ' ماشي انا قايم رايح المكتب
فيروزه بتفكير ' مش يمكن دا الي يحلها هو شكلو مش طايقني بس اعمل الي عايزه مش مهم اي حاجه تاني
فيروزه راحت ورا الجد بعد ما سليم و اياس مشيو
الجد ' ادخل
فيروزه ' مساء الخير يا جدو
الجد بجاف ' اهلا اتفضلي
فيروزه ' ممكن اطلب منك طلب بص انا عارفه ان حضرتك مش طايقني منغير اسباب بس حضرتك الي لازم تحللي مشكلتي
الجد بهدوء ' لو أقدر اكيد
فيروزه ' انا عندي شغل ضروري في قاهره و لازم اسافر حالا و اياس رفض بس حضرتك لو وافقت كل حاجه هتتحل عشان بصراحه انا كدا كدا هروح بس حبيت يبقي حد عارف احسن متهور و يحصل مشاكل
الجد ' انا حترمت صراحتك و علي فكره انا مش مش طايقك ولا حاجه انتي ملكيش دعوه بمشاكل العائله و حقك عليا لو حسني مني كدا و انا هوافق المرادي و اقف قدامو عشانك بس نصيحه مني حلي مشكلتلك مع جوزك و اقنعي و هو يقنعك
فيروزه بفرحه قامت حضنتو ' والله عمري ما هنسي الي عملتو
الجد بضحك ' ابعدي بقي عشان حياه بتغير عليا
بعد ما خرجت من المكتب جريت تلبس بسرعه كلمت مراد و قلها انو متحركشش و هتمشي معاه
نيرمين بعد ما شفتها خارجه من الاوضه ' لحقت تضحك علي كبير العائله كمان
شهد ' هنعمل معاها اي يا ما
نيرمين ' معرفش بس اكيد مش كش هتعمل الي هي عايزه و نسبها كدا
شهد ' نقتلها
نيرمين ' طول عمرك غبيه
________________________________
سيف ' قولت لا مش كل مره
بسمله ' انت هتهزر هو اي الي كل مره
سما ' ايوه دي هي تلات اربع عشره مرات بس
سيف ' كل مره اتهزء بسببكوا
سما ' بس المرادي هنقف في ضهرك
بسمله ' في اي بقي هنيجي يعني هنيجي
سيف ' بصوا هو قالي هات الورقه الي في المكتب و تيجي مقاليش هات بسمله و سما
سما بتاثر ' يا حبيبي اكيد نسي
بسمله بتاكيد ' معلش هو الجواز بينسي
سيف ' انا مش هخلص منكوا صح
سما و بسمله ' صح
سيف بزهق ' طب يلا نسافر هو كدا كدا العمر واحد و الرب واحد
سما ' برافو يا سيف
بسمله ' مكان من الاول يبن الحلال
سيف ' استرها عليا يارب من اياس
_____________________________
في عربيه مراد
فريده ' بس انتي مش سهله بردو
فيروزه ' عيب عليك هو انا كنت ممكن اهرب و اروح بردو بس محبتش اعمل مشاكل من اول يوم
فريده ' عملتي اي امبارح
فيروزه ' نمت هعمل اي يعني
فريده بصلتلها ' بس
فيروزه ' اه بس لي
فريده بملل ' مافيش يا حبيتي انتي كويسه
فيروزه بصوت واطي ' عامله اي مع البتاع بتاعك دا
فريده ' فيروزه هو انا متخانقه معاه اه ومش طايقه بس حبيبي مش بتاع ليه اسم
فيروزه ' مقولتيش بردو عامل ايه
فريده ' مافيش فايده فيكي هتحبي امتي والله هو طيب اوي و غلبان و دمه خفيف حتي
فيروزه ' حاضر يا فريده اصل القبول مش بالعافيه صدقني
فريده ' انتي عارفه قابل ماما حبتو اوي هو و مراد كمان
فيروزه بضحك ' اوه يعني امك هتختار واحد فيهم
فريده ' انا كنت مكلمه ماما علي سيف بس اكيد متعرفش ان دا هو وبعدين هتجوز مراد لبنت طنط سالي و سيف بنت طنط كامليا
فيروزه ' حبيبت قلبي و انتي موافقه جدعه والله يا فريده سيبي لبنت كامليا اللاتنين معندهمش قبول
فريده خبطتها في ايدها ' بتهزري ولا اي منا منكده عليه عشان قال لذيذه بنت كامليا لذيذه يا فيروزه و جداا طب ازاي
مامتها بصت ورا ' جايبه سيره بنت طنط كامليا ليه فوفا
فيروزه بهزار ' مش متخيله يا طنط بتحبها قد اي بتقول انها هتبقي لايقه علي سيف قريب اياس اوي
مراد ' اي التهريج دا اشمعنا انا مشوفوتش بنت طنط اشجان
مامت فريده بغضب ' اشجان مين يا ولد انت خدت بنت طنط سالي
مراد ' مش هتفرق يا طنط اهو اي حاجه
فريده ' هو انا صوتي كان عالي اوي
فيروزه ' لا يا حبيتي خالص دا سيف سمع عصبيتك من هناك
فريده ' اوف بقي اسكتي
فيروزه ' حصل حاجه غريبه امبارح
فريده ' حصل اي
فيروزه ' هو انا مفهمتش اوي بس هو دافع عني و اقعد يقول محدش لي دعوه بينا و حاجه العروسه و كلام كدا
فريده ' والله شكلو طيب و كويس
فيروزه ' ربنا يخلي لمامتو مليش دعوه انا عايزه اقدي سنه بطول بعرض و اطلق
فريده ' و تعيشي مطلقه
فيروزه ' بلاش عقد الشعب المصري دي يا فريده بالله مالهم المطلقات ناس طبيعيه المجتمع السبب كلام عليهم
فريده' خلاص متتضايق اعملي الي يريحك
فيروزه ' تعالي معايا الميتينج طالما كدا كدا اليوم ضايع
فريده ' و ماما
مراد ' خدمتك هتوصلها
فيروزه ' انت رامي ودنك معانا من امتي علي كدا يخويا
مراد بتقليد ' من اول بلاش عقد الشعب المصري يا فريده
فيروزه ' محدش قالك عيب قبل كدا
مراد ' لا محدش قالي و اخرسي بدل ما ارميكي في اي حته هنا
احنا قربنا نوصل اصلا هرميكي انتي و فريده عند الشركه و اوصل طنط و اخلص الشغل الي ورايا و اجي اخدتكوا ناكل بقي
فيروزه ' مواففه جدا الي يجي منك احسن منك يا مراد برضو
_____________________________
في شركه ş&M
سيف ' اخواتي حبايبي
سما ' انجزز
سيف ' مليش هنخش اقولو انتو ركبتو غلط
بسمله ' طبعا
داخلو الشركه و وصلو عند الدور الثالث الذي يقع فيه مكتب اياس السمري
مروه ' استاذ اياس عارف ان حضرتك جاي عشان قدامو ميتنج كمان 10 دقايق
سيف ' اه عارف جايبلو ورق تبعها اصلا
مروه ' دقيقه هبلغو
بسمله ' احنا المفروض اخواته نخش علي طول
سما ' اخوكي في الشغل ميعرفش ابوه
سيف ' بظبطط كدا
مروه ' اتفضل يا فندم
اياس ' والله يا سيف مش عارفه اقولك اي الورقه دي مهمه ازاي
سيف ' تخليني احضر معاك بقي
اياس ' انت عايز فعلا تشتغل
سيف ' اه والله هتغيرر
سما فتحت الباب و دخلت ' انت نستنا يا بيه ولا اي
اياس وقف بعصبيه ' انتو جيتو هنا ازاي
بسمله ' سيف
اياس بص لسيف بغضب' ليه انا قولت لوحدك
سيف ' صدقني هما الي شب
قبل ما يكمل جملتو سما أدخلت ' اقعد يقولنا تعالو معايا سلوني مش عايزه ابقي طول الطريق لوحدي
بسمله ' و اقعد يقولي عادي فيها اي يعني لما تيجوا هو عيب
سما ' لا تقريبا شوح بيدوا وقال انا معاكوا محدش يقدر يكلم
بسمله بتمثيل ' قولنا بلاش يا سيف عشان اياس ميزعقش
سما بدراما ' قال يعني اي يزعق انا صغير ولا اي
سيف وقف بخوف ' والله دا مسلسل هما لسه عاملينو حالا
اياس ' الحقيقي اي في الاخر
سما بصراحه ' اكيد احنا الي اتذلينا للاشكال دي عشان نعرف نخرج
بسمله ' انت متخيل ان هيخدنا كدا ولا ايه
سيف نزل بأس الارض ' الحمدلله يارب ظهر الحق
اياس ' بطل اوفر و انتو اول و اخر مره غير لما ابقي عارف كدا كدا مش بقولكوا لا بس المرادي انا مش هتاخر كان شغل صد رد شوفو هتعملو اي لحد ما اخلص الميتيج
بسمله ' ابن ناس يا اخويا والله
اياس ' فيروزه كانت فين اخر مره بعد ما خرجت عشان مش مرتاح لدماغها
بسمله ' في اوضتها اكيد هتروح فين يعني
سما حضنتو ' ربنا يخليك لمصر والله
سليم دخل عشان يشوف اياس و لكن لاقهم و بص لسما
سليم ' انتو حضنين بعض كل ليه انا بغير
اياس و هو ماسك اختو و رفع حاجبو' بتغير علي مين ان شاء الله
سليم بهزار ' عليك اكيدد معلش صاحبي محدش غيري يحضنو
سيف ' انا خايفه اشك فيك يا سليم
سليم ' سيف اخرس
اياس ' طب يلا يا سيف انت و سليم و انتو بتتحركوش من هنا
سما ' احنا جايين نقعد هنا ولا اي
سيلم بصلها ' امال جايين ليه صحيح يا سما
لما وجه الكلام ليها افتكرت اخر كلام بينهم في الفرح
فلاش باك
سما كانت واقفه بتصور في جنب بعيد عن الدوشه
سيلم ' وققه لوحدك ليهه
سما ' خضتني يا ابيه
سيلم بغضب خفيف ' يبنت الحلال ارحميني
سما ' عملت اي
سليم ' ما انتي مش مقتنعه انك بتعملي
سما ' ما انا معملتش
سليم ' نكلم بكل هدوء
سما ' انت لازم اصلا تكلمي بهدوء
سليم ' لازم!
سما بعصبيه ' اصل انت هتتعصب عليا ليه يعني ما لازم تكلم بهدوء الله
سليم بضحك ' يا بنتي انا جيت جنبك اتعصبتي ليه
سما بحرج ' معرفش قول يلا بكل هدوء ايه عشان امشي
سيلم قرب منها شويه ' دلوقتي مافيش ابيه دي تاني
سما بعدت و بصتلو ' ليه يا ابيه
سليم ' هلغي جمله بكل هدوء دي اصل ما يا انتي مستفزه يا قصده تبقي مستفزه
سما ' علي فكره مافيش حد غيرك مستفز يا أبيه
جت تمشي شدها من ايدها و بصلها ' خلاص اقتنعت انك قصده تبقي مستفزه دلوقتي الفرق بينا مش كتير ف انا مش أبيه
سما ' ابعد عني لو حد شافني هتبقي مشكله
سليم ' والله انا موافق يجيو يشوفونا كدا و اكتب عليك و اداري علي غلطتي
سما ضربتو في صدرو ' تداري علي اي يا حيوان انت
سيلم ' حد يقول الابيه يا حيوان !
سما ' سليم متعصبينش
سليم اتفجئ ' قولتي اي
سما ' انا ماشيه
رجوع لشركه و بسمله بتنادي علي سما ' يا بنتي
سما ' ايه ايه
بسمله ' الراجل لما لاقاكي مردتيش عليه مشي
سما ' افتكرت حاجه
بسمله ' ايه
سما ' هقولك بعدين
______________________________
في الميتنج
اياس ' حضرتك المفروض معاد 6 الساعه 6 وتلت
اياد المستشار القانوي لشركه تركيا ' حضرتك والله هي الانسه مش بتتاخر خالص بس هي جايه من سفر
اياس ' انا مش بحب اسمع مبررات ملهاش لازمه
اياد ' اهدى حضرتك بس وهي والله جايه
اياس ' متقوليش أهدى انا هادي
اياد ' انا اسف يا فندم
الباب خبط و دخلت فيروزه باطلتها الواثقه و بتلقع النضاره
فيروزه ' انا اسفه جدا جدا علي التاخير
اياس ' انتي بتعملي ايه هنا
فيروزه ' انت الي بتعمل ايه هنا
اياد ' هو حضرتك تعرف انسه فيروزه
اياس و سيف و سليم بصولو بستغراب انسه فيروزه؟؟؟
يتبع
S/B👏
انتظروني الشغف رجع ومش هرحم حدد🧘