النسر المقيد
.•
.•
.•
البارت الثالث والعشرون
الكاتبة ساره السعدي
لتنسون التصويت والتعليق
احبكم مكموعات كلبي
قراءة ممتعة
♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪
راح ارد خبر لرهيب اني ما اوافق الا بشروط
سميرة: الي هذا قرارج النهائي متأكدة
ومق: ايي فكرت وهذا قراري
سميرة: خوش بس لاتردين خبر هسة فد يومين لوو ثلاثة ورديلهم خبر
ومق: هزيت راسي وصعدت اصلي صلاة المغرب لمن فرغت من الصلاة كعدت اقرة قرأن واتذكر رونق بكل سطر وبكل كلمة واية احس الها ذكرئ امتلن عيوني بالدموع
لمن خلصت قرأن دموعي يجرن قهر واشتياق والم لانسانة ماشفت من الحياة شي لانسانة جانت هدف الي بهاي الدنيا اخخخ ياربي شكد مشتاقة الها
طلعت زيارة عاشوراء الي اخذت مأخذ من دموعي تذكرني بفاجعة اهل البيت وسيدتنا ومولاتنا زينب ( ؏) شلون كدرت تتحمل فراك اخوتها وتشوفهم ينقتلون كدامها
رفعت ادية بين دموعي وزيارة عاشوراء دعيت الله يصبرني بصبر السيدة زينب ( ؏)
لمن كملت لميت سجادتي ونزلت علئ صوت ماما
سميرة: تعاي تعشي حبيبتي
ومق: هزيت راسي وكعدت اكل بس احس الاكل مابي طعم ماادري انــي نفسي مجاي تستلذ بشي خلصت الاكل كوة غسلت
المواعين وهنة ماعونين بس انــي وماما كملتهن وصعدت لغرفتي ملجأي الوحيد
بعدني علئ الدرج وتذكرت جنطة رونق صعدت بسرعة للغرفة ادور عليها لكيتهة بالكنتور الفارغ ايدي رجفت من لزمتها
بيها عطر رونق والله فتحتها لزمت ملابسها قربتهن من خشمي جريت نفس كأنو صارلي 18 سنةةة مامتنفسة حضنت الملابس لصدري
ودموعي تجري كمت كوة احس حيلي راح عبالك عجوز بنهاية عمرها حركتي صارت ثكيلة كمت اطلع بالملابس واشهك
شرايين گلبي تكطعن عليها موو بس گلبي علكت ملابسها بين ملابسي لمن فرغت الجنطة لكيت صورة الها صغيرة وشيشة العطر مالتها حضنتها لگلبي مابدي اخلي غراضها بگلبي علمود وين مااروح احس بوجودها وياي
فرغت الجنطة وصعدتها فوك الكنتور حطيت من العطر ورجعتة علئ الميز باجر اروح لابو العطور يسويلي مثلة دك موبايلي مسحت دموعي وجريت نفس شلتة طلعت يقين فتحت الاتصال اجاني صوتها تغرد
أنت تقرأ
النسر المقيد
Mistério / Suspenseظَل مقيد اسود بسواد قلبه لااسم لا اعتراف لا حياة لا حب لا الم لا ندم لا نقاء ولا صفاء فقط نسر مقيد للكاتبة ساره السعدي (سمسم)
