هااي رجعت ليكم برواية ظريفة ان شاء الله حتعجبكم🌚♥️
____________________________________
اهليين انا دعاء عمري 24 ، لٱ معقودة ولامخطوبة نضمان ساي ما ناضمين فوقي 🌝💔 خريجة محاسبة وهسي عاطلة قاعدة فالبيت🐸💔 عندى 4 اخوان، حسين وحسن وديل توئم عمرهم 23 بيقرو هندسة معمارية ودى ٱڅڑ ليهم سنة ، واسامة ودا البكر متزوج ومغترب فالسعودية، وعنقود البيت محمد ودا ممتحن تامنة ،
اهاا فى يوم م̷ـــِْن ايام الجمعة كنت نااايمة وكالعادة حلمانة بانى عروس ولابسة توب جرتق🌚💔 الا شوية كدة حسيت بضيق نفس وانا حالفة م افتح عيونى عشان الحلم ما ينتهى 🐸💔 لمن خلااص فاض بي فتحت عيونى ولقيت الجماعة الطيبين خاتين كيس العيش فوق وشي وهم جنبي بياكلو وبيتونسو سااي 🌝💔 حولت كيس العيش م̷ـــِْن وشي وبقيت بعاين ليهم بزعل ، حسين حسّ بحركتي التفت عليا شافني بقعار عينو ورجع عاين قدامو 🌚💔 يعنى يدوك احساس انو انا دى وجودى وعدمي واحد 🐸💔 (اليصبرو لي الكلاب لمن اعرس تانى بيتهم دا بجيهو فالسنة مرة واحدة 🌝💔) قمت عن سكات مشيت للغرفة التانية وكملت نومى ، اهاا فى نص نومي سمعت صوت زغاريت، نطيت م̷ـــِْن السرير زى الطاقانى كهربا🌚، وبقيت راخية اضانى عشان احدد صوت الزغاريت دي جاية م̷ـــِْن وين. هيي لعلو الزغاريت دى جاية م̷ـــِْن بيتنا احنا؟😳طلعت م̷ـــِْن الغرفة وبقيت جارررية جرري قربت اطير🐸💔 اهاا وصلت للبرندا ولقيت عمتى وراجلها واولادها معانا ، وانا طبعا منظري م بيوحى على انى آدمية كلو كلو 🌚💔 (كنت حانزل ليكم صورة للتوضيح، لَـگِنْ عشان سلامتكم وسلامت عيونكم لغيت الفكرة🌝👋)
اهاا وقفت على عتبت الباب وبقيت بعاين ليهم كدا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهم بقو يعاينو لي كدة👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وامى كانت قاعدة تسوي لي كدة(🤌)
(يا نبعو والله دا م وقت تهديدك كلو كلو 🐸💔)
اهاا بعد فترة ابوي حب انو ينقذ الموقف🐸 وقال لي: تعالي يا بتى اقعدي جنبي ، قلت ليه وانا م مستوعبة : اى بجي بقعد جنبك الاول ورونى الزغاريت دي حقات شنو ، الجماعة كللللهم سكتو كان جات قشة واقعة صوتها بتسمع🐸💔 بنات عمتى اتنين،، بقن يعاينن لي ويتهامسن ويضحكن🌚💔 وهذه صورة للتوضيح:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اهاا امى جات كرّتنى م̷ـــِْن يدي( كلمة كرتنى دى قاصداها بالمعنى الحرفي، 🐸💔) وقالت لي: احمد ود عمتك اتقدم ليكى و.. قاطعتها وقلت ليها: هاااااااااا؟ (نفسي انقطع وانا بقولها🐸💔) احمد منو اليتقدم لي اناااااع؟؟ ياهو الشعرو نصو بقا ابيض دا ولا واحد تانى؟!! التفت عليه وقلت:هيييي اننننت،، ميلت راسي ورفعت سبابتى🐸💔 و قلت ليه: فتتتتح اضاضينك ديل و اسمعنى كووويس كان بقيت اخر راااجل فى الدنيا دي مااا بعررسك عامل راسك المربع داا، عمتي بقت تحاول تقوم م̷ـــِْن السرير وم قدرت🌚💔 جات بتها ساعدتها وقامت (باقي عاملة زي البرميل 🐸💔)
اهااا جاتنى قرررريب وحات اللہ م̷ـــِْن الخوف قربت اعملها فى نفسي💔 رفعت سبابتها دى وجابتها قريب م̷ـــِْن عيني وبدت تردددح لييك ردححح اتقول ليها سنوات منتظرة اليوم دا 🐸💔 دي صورة للتوضيح:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
امى دفرتنى وقعتنى هنااااك فى الركن وبقت تردح فى عمتي 🐸💔 والاتنين شغالات كلام زييي السم اهاا ابوى وراجل عمتى حجزوهم بعداك طلعو مننا ، م̷ـــِْن ما طلعو امى وقعت فينى دق زي الدق🌚💔 عملت فيها روحى انى خلاص اغمي عليا ع اساس انها حترحمنى بس وين والله ولااا 🐸💔 بعد ما يدها تعبت حتي خلتنى 🌞 💔 اهاا انا دى كملتها بككا وباعلي حسس🌝💔 عاينت علي الحيطة لقيت سعاد مطلعة راسها وبتعاين فيني 🐸💔(سعاد دى شمشارة الحلة، خبر بفوتها ماف🌚💔) حمرت فيها وبقيت ماشة على البرندا وانا ببكى وبجعر🐸💔 اها شفت نفسي فى الشباك ، عملت (😄✌️) وكملت بكى تانى 😂🌝💔 صورة للتوضيح :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اهاا بعد كم دقيقة باب البيت دقا ،لفحت توبي ومشيت فتحت الباب وانا وشي لساهو منفخ م̷ـــِْن كترة البكى🐸💔 ، لقيت دى جارتنا سعاد والعياذ بالله🐸💔 جرّيت الباب عشان اقفلو لقيتها خاتة كراعها على العتبة 🌝💔 خليت الباب مفتوح ومشيت دخلت جوا 🐸💔
