احياء من جديد

حكايه ليس لها نهايه 🖤🕊️

20/6/2022
زاى ما قولنا الحياه مش بتسيب حد مبسوط النهارده انا اكتشفت انى عندى مرض فى الكبد ،عرفت وتعبت نفسيتي وبقيت بعيط وزعل كتير
بدا شريف يلاحظ تعبى ويسأل وانا اجوب اى حاجه بس خوفت اقول
خوفت يخاف منى او يبعد زاى ما اهلى و صحابى عمله ،بس انا كنت عارفه ان شريف مش
كدا وبقيت افكر كتير اقوله لحد ما قررت احكى لى بس لقيته بيحكيلى ان هو مديق بسبب
حبيبته وان مؤخرا بدات تحصل ما بينهم مشاكل كتير وان هو مش عايز يخسرها قررت ان
انا مااحكيش وان انا اسمعه و اقف جنبه عشان ما يكونش متضايق بدات الايام تمر  والمشاكل ما بنهم تكتر

و يبعده عن بعض اكتر
حد غيرى كان هيفرح بس انا كنت بعيط ليل نهار كنت بعيط لانه زعلان و مخنوق كنت
عايزه فرحان حتى لو على حساب نفسى كنت مستعده ادفع عمرى كله و شوفه مبسوط و بيضحك
كنت بتمنا يرجع زاى الاول ،لانه منع كل حاجه كان بيعملها اكله قل ،ديما مخنوق و بيسمع مزيكا
بس بعد يومين لقيت رساله منه ادتنى 
امل من تانى
شريف:اوعدك انى هرجع احسن من الاول
مرت الايام وشريف يبقا وعد و وفا  فعلا رجع زاى الاول واحسن مبقاش فى حاجه بتاثر فى من ناحيتها وجودهم او عدم وجودها مبقاش بنفس التأثير

ولكن ولحد هنا كان لزم أمري يتعرف
و سرى اتكشف ل شريف
كنت ديما  بحكى لبابا  عن شريف
وبابا بدا يخد بالو ان شريف بيعرف ياثر عليا و يخلينى اعمل حاجات كويسه كتير ،وانى مش عنيده معه زاى ما انا عنيده مع اهلى ،يمكن انا بسمع كلام شريف عشان بحبه ومش بحبه مديق منى لكن بابا ديما بيكسرنى فا انا كمان ببقا عنيده معه
،صحيح نسيت اقولكم ان بابا اسمه حسنى ،
،،،
حسنى:ناويه تخدى العلاج امتى
ورده:مش هاخد حاجه
حسنى:هتفضلى كدا لحد ما تموتى
ورده : ماشى سبنى اموت
حسنى:حالتك بتبقا أسوأ من الاول والعلاج بعد كدا مش هيعمل نتيجه انتى حره


بابا سبنى وخرج وهو متعصب منى وانا كمان كنت مديقه منه اكتر



شريف

لقيت حد بعتلى طلب صداقه على الفيسبوك واستغربت لما شوفت الاسم
دا والد ورده قبلت الطلب وهو بدا يتكلم معيا
حسنى :اخبارك ايه
شريف:بخير الحمد لله
اخبار حضرتك اى
حسنى:نحمد الله ونشكر فضله
شريف:ديما يارب
حسنى:عايزك تعقل وردة يا شريف لو ماخدتش العلاج انا مش مسؤول ومش هخدها مستشفيات تانى
شريف:علاج اى طيب هى مالها
حسنى: عندها فيروس فى الكبد وبينها وبين الكيماوي خطوات ومش عايزه تخد العلاج لو الدكتور قال تخد كيماوي مش هديها حاجه
شريف:طب انا هتكلم معها وان شاء الله خير
شريف ورده

شريف :باباكي كلمنى
ورده :بقلق :قالك اى
شريف: كلمنى عادى
ورده :عادى ازاى
شريف:بتخدى علاج لى ايه يا ورده
ورده بخوف :هو قالك بخد علاج ايه
شريف :هو ما قالش انا عايز اسمع منك
(بدات اخاف قلبى بيدق جامد وخايفه يبعد عنى وانا مليش غيره بس فى الاخر قررت اقوله انا خلاص اتكشف امرى)
ورده : عندى فيروس فى الكبد
شريف:وليه مقولتليش
ورده بعياط :عشان كنت خايفه
شريف :روحى خدى العلاج
و عرفيني موعيد العلاج و الاكل الى ينفع تاكلى والاكل الممنوع
ورده: حاضر
بدات اقوله كل حاجه وردت فعله كنت غير اى حد مكنتش متخيله ان دى ردت الفعل الى هشوفها ،  شريف بقا مهتم با الاكل. بتاعى ،بقا يسال كل يوم عن العلاج دا كمان عملى يومين فى الأسبوع فرى عشان اكل فيهم حاجات من الى الدكتور منعها ولكن بكميه صغيره

عده شهر وكل حاجه زاى ما هى


انا لسه بحب شريف من غير ما يعرف وهو لسه قلبه متعلق بحد تانى
انا لسه بخد علاجى وهو لسه الداعم الأساسى ليا بس تعرفه اى احلى حاجه فى الموضوع ،احلى حاجه مكلمتنا انا وهو بنتكلم بساعات وهو مش بيمل منى ،بنسمع مزيكا سوا
بنشارك بعض اقل التفاصيل ،عشقت المزيكا الى بنسمعها سوا ،بقيت احس ان المزيكا من غيره وحشه اوى 
بقيت احب عبد الحليم وام كلثوم بسببه  دا انا معرفتش محمود درويش غير لما عرفته ،بقيت اسمع راب عشان بيحبه
بقيت اسمع كلامه عن الكوره وجرى على جوجل عشان اعرف كل التفاصيل الى بيحبها، دا انا حته بقيت عارفه مانشستر سيتي وكل حاجه عنها عشان هو بيحبها دا انا كمان عارفه ان بدايه النادى من 1880 وكل دا عشان هو بيشجع النادى ،تخيله انى بقيت اتفرج على ماتشات الزمالك مع انى كنت اهلاويه بقيت احفظ اسمى العيبه الى بيحبها مع ان اسمائهم صعبه اوي تعرفه انى كمان بقيت اعشق المشى معه انا وهو بقينا نروح كل الامكان ماشي من غير مواصلات انا لحد دلوقتي فاكرا كل تفصيله حصلت معنا في اول مره اتمشينا فيها يمكن ساعتها مشينا كتير بس انا ماحستش بالمده ولا حسيت ان الطريق طويل بالعكس صوته وحكاياته ناسوني كل حاجه خلانى احس انى وصلت بسرعه اوى  ،يمكن انا مش فكرا الطرق بس فكرا كلامه ،انا علمت كل شارع باحكايه لطيفه بصوته الى يخطف القلب
الايام  بتجرى بينا بسرعه مش متخيله انى اعرف شريف من 7شهور لدرجه دى الايام بتطير
ورده :شريف انا عايزه انزل الجمعيه
شريف:يلا ننزل بكرا
ورده:اه ياريت
شريف: نتمشا
ورده:يااااه بقا على الجمال يلا بينا

تانى يوم


نزلنا الجمعيه الخيريه و حاولنا على قد ما نقدر نبسط الاسر ونفرح الاطفال بس واحنا هناك لقيت شريف بيدينى شنطه فتحت الشنطه لقيت فيها حاجات حلوه ،انا طفله اوى وبحب الكيكه و المصاصات وهو كمان شكله حفظ الحاجات الى بحبها هو ديما مفرحنى وديما بيكون سبب السعاده فى يوم بس اكتر حاجه استغربتها لما لقيت شريف بيقولى هاتى إزاره المايه بتاعتك




ورده:أنت بجد عايز إزاره المايه
شريف :اه يابنتى فى اى
ورده : متاكد
شريف: يابنتى اخلصى عايز اشرب

اديت له ازازه المايه وهو شرب منها فعلا بقيت مصدومه هو مش خايف منى دا شرب من الازازه بتاعتى مش خايف يكون مرضى مواعدي
عده كتير وانا مش بخف زهقت من العلاج وبدات اياس وبدات نفسيتي تتعب بس هو كان جنبي ومعيا كان دائما بيقولى  ان هو موجود كان دائما بيعرفني انى اكيد هكون كويسه ،على طول كان بيجيبلي حاجات حلوه عشان اكون كويسه و عشان يفرحني ويرسم الابتسامه على وشي وبس كان بعد كل خروجه لينا يسالني انا مبسوطه ولا لا وانا كنت بابقى طايره من الفرحه مش مبسوطه بس
اكتر حاجه بتاثر فيا لما يعرف ان علاجى خلص وان ما جبتش غيره بلاقيه فجاه بيقولى  اجيبهولك انا ،دا انا كمان بلاقي جنبي في كل مره باتعب فيها وباحس بوجع كان بيسهر معيا لحد الفجر عشان بس قلتله اني تعبانه كنت ممكن الاقي رساله منه في عز تعبي بيقولى  يلا نكشف و يلا اخدك عند الدكتور ،هو اكتر حد وقف جنبى وسندنى

ويمكن بسبب كل دا خالنى عايزه ابنى معه ذكريات كتير بقيت اتصور معه كتير اوى عشان يبقا كل يوم لينا مع بعض ليه ذكره ،قررت انى اعمل كتاب فى كل الصور بتاعتنا ،بس قررت اعملو بنفس عشان يبقا صنع بكل حب
وفعلا عملت الكتاب فعلا واديته لشريف بجد عجبه اوي ماكنتش متخيله ان هو ممكن يعجبه كنت خائفه ان هو يشوفه وحش وهاكون فشلت في ان انا اعمل حاجه فيها ذكرياتنا  دا انا كمان فرحت اوى لما عرفت ان هو وري والدته الكتاب دا وعجبها
وبما انى اتكلمت عن ولدته يبقا لزم احكى عنها
ست الكل وست الناس امى التانيه الى حضنها ليا جنه و زعلها منى نار جهنم مقدرش عليه ضحكتها بتخلينى اضحك تلقي رضاها عليا اهم من اى حاجه تانيه

شريف ولدته

ولدته :على فكره وردة بتحبك
شريف:لا دى بتعتبرنى اخوها
ولدته :هتعتبرك اخوها وتعملك كتاب زاى دا
شريف :هشوف انا الموضوع دا
شريف :هخرج انا و واحد صحبى وبنت من شله كنت اعرفها زمان
ورده بغيره: ولى يعنى متروحش
شريف : انا عشان مضايقكش انتى نازل معيا
ورده:الله بجد
شريف : يبنتي عايز افهم حاجة
انتي ازاي اصلا بتغيري
يسطا سكة ودغري انتى بتحبني ولا لا ؟
طريقتك معايا وغيرتك بشكل ده وهديتك وتصويرك معايا
كل ده بيقول كدة بنسبالى
بدات اتوتر وايدى تترعش حسيت باجسمى كله بيترعش ومتلج فى اكتر ليله دفا بدات اعيط بصمت من خوفى انى اخسره
شريف : اه ولا لا ومش هيحصل حاجة متخفش
ورده بخوف: بس يا شريف الله يهديك وبعدين انا مش بغير
شريف : اقنعييني
بس ده غريب مفيش حد بالغيرة دي وبالهداية دي وبالحب ده ل اخ
ورده : انا مش بعمل اى حاجه
مفيش حاجه بتثبت حبى دى كلها حاجات بسيطه
شريف : الغيرة دي مش بتيجي من اخوات
ورده : صدقنى معنديش اجابه
طب قولى عايزنى
شريف : عايزك تقولي الحقيقة
بتحبيني فعلا ولا لا
ورده: مفيش اخت مش بتحب اخوها بس بقا
شريف: لا بس في حد ممكن يحب حد كا حاجة غير اخ
ورده: لا مش بحبك
شريف: طيب تمام صح كدة
مفيش غيرة بقي ولا كول لان مفيش اخوات بيكلمة بعض ٢٤ ساعة كدة
ورده : شريف حرام عليك
شريف : بس قسما عظما انا لو اتقالي كلمة انك بتحبيني بعد الف سنة وعايزة نكمل للاخر هقطع علاقتي بيكي الباقي منها
ورده بخوف وعياط: انت عايزه ارد على سوالك
شريف : لا رديتي خلاص
ورده: شريف عارف انت قولتلى اى
شريف: لا مش عارف
ورده: قولتلى ان الى بيحبنى ببعد عنه
بطريقتى  اقولك اليوم والساعه الى انت قولت فيهم الكلام دا
انا مش عايزه اخسر
انا مليش غيرك
شريف : ورده لاخر مرا هسال
بتحبيني ولا لا
ورده بعياط : ياعم اه بحبك
هتسبنى وهتتغير معيا  هتبعدد وحده وحده ومش هتكلمنى انا عارفه انت قولتلى كدا بنفسك
شريف : ورده انا مش بكرهك
بالعكس انا حبيتك وحبيت فيكي حاجات كتير فعلا
بس انا خايف تطلعي تعويض عن حد تانى، بس انا بحبك والله بحبك ومش هسيبك انا  حبيتك بجد حبيت طريقتك ولبسك وتفكيرك اللي شبهي من الاول قبل ما يتغير
كل ده بحبه فيكي فعلا
ورده : والله انا مقدرش ابعد خطوه وحده عنك انا مش عايزه غيرك من الدنيا دى انا بحبك اوى
شريف انا بخاف اعمل حاجه غلط او حرام عشان متعقبش بيك
بخاف اغلط فتكون انت الحاجه الى اخسرها
شريف : واني حاسس فعلا اني بحبك ومش بشوف فيكي عيوب ولو حد قالي حاجة عنك ببررها زي عصبيتك وزي صوتك العالى وطريقتك
للاسف حبيتك بجد ،
كل حاجة ناس بتكرها فيكي انا بحبها فعلا
نرتبط وامرنا لله
ربنا يجعل فيكي الخير
ورده :انا بحبك اوى بجد
شريف : وانا كمان اكتر
كنت ديما بصلى وبدعى وبتمنا مع انى كنت ديما بقول انه مش ليا وان شريف عمره ما هيحبنى بس حبنى ربنا عوضني بيه ربنا عمل المستحيل بالنسبة لى ،استودعته لله وربنا لا تضيع عنده الودائع ،ربنا رزقني بيه و رزقني بحبه ليا
عده اليوم عليا وانا طايره من الفرحه
شريف حنين عليا وسندنى بيشاركني كل تفصيله فى حياته بحس معه بالامان بقيت اخاف فى بعده بقيت اكره النوم لو مش هنام على صوته
بقيت افشل فى النوم لوحدى حتى لما بنزعل من بعض بيبقا حنين عليا ببقا زاى الطفله معه طفله بتغلط بس بتجرى تستخبه فى حضن ابوها ،بغلط بس بجرى عليه ،ومع كل احساس  بالامان والحنان والعطف يخلينى اقوله يا بابا بدون تفكير ،لانى اخيرا لقيت اب ،لقيت سند ،لقيت حد مش هيضربني لما اغلط ،حد مش  هينيمني معيطه ،لقيت حد هيحميني
احكيلكم احلى ايام حياتي
ورده: حبيبي
شريف :اى ياجميل
ورده :هعمل تحليل  انا حاسه انى خلاص خفيت
شريف:خير ان شاء الله بس لو فى حاجه مش هانتضايق  ولا نيأس
ورده : حاضر
رحت عملت التحليل وانا امالى فى ربنا كبير وانا متأكده ان ربنا هيجبر بخاطري عدا عليا  12ساعه كانهم سنه الوقت مش راضى يمشى ولكن اخير الساعه اهى 11:30 رحت المعمل

ورده:دكتور فى تحليل باسم ورده حسنى
الدكتور:اه ثانيه وحده
الدكتور جاب التحليل وانا بدا قلبى يدق بدا يفتحه وانا حاسه انه بيفتحه ببطء اوى
الدكتور:مبروك يا ورده مفيش اى فيروس ظاهر فى التحليل
قلبى كان بيطير من الفرحه كنت حاسه انى عايزه اتنطط زاى الاطفال
خدت التحليل و اول حد اكلمه كان شريف كان هو اول حد يعرف دا انا حتى مقولتش ل اهلى
ورده : حبيبي
شريف:نعم
ورده:انا جيالك عايزك تنزل الشارع قدم الباب
شريف: حاضر يا جميل
ورده :فى خبر حلو
شريف:قولى يلا
ورده:انا جبت التحليل والدكتور قالى ان مفيش فيروس ظاهر فى التحليل
شريف:خفيتى
ورده بفرحه:خفيت
شريف بفرحه: د احلى خبر جالى على الصبح
شوفت شريف و شوفت ضحكته و فرحته بيا وبعد ما مشيت لقيته منزل استورى ليا فى كل السوشيال ميديا فرحته بيا كنت عندى بالدنيا ،كان بيقولى دا اعظم انتصارتى
روحت بس من ساعه ما شريف دخل حياتى مفيش امتحان وحد نقصت فى ولو درجه ديما بقفل ،يمكن عشان فى حد قمر اوى بيذكر ليا ديما بيكون هو السبب فى انى اقفل فى الامتحانات
ديما هو الى بيذكر ليا ديما هو الى بيشجعنى ،انا بتقدم فى حياتى بسببه
شريف:عملتى اى فى الامتحان
ورده: كالعادة بنوتك شطوره
شريف:عاااش يا جميل
ورده:قلبى انت
شريف:احتمال اجيكلم انا وماما يوم الثلاثاء
ورده:بجد الله انا فرحانه اوى
فضلت اتنطط فى الشقه كلها
يا ماما يا بابا شريف جاى هو  و مامته يوم التلات
حسنى ببتسامه:ينوره هاجى بدرى من الشغل ان شاء الله
وجيه يوم التلات وكان احلى يوم في حياتي
شريف و ولدته جم عندنا
كنت فرحانه اوى  وفرحت اكتر لما لقيت بابا موفق و اول حاجه عملتها انى خدت صوره جمعيا لينا عشان تكون ذكرا لليوم
اليوم دا اثبتلى ان شريف قلبه حبنى بجد دخل بتنا وعرف اهلى، هو حبنى واعلن حبه قدم كل الناس محبنيش فى سر ولا خان ثقه اهلى فى
اليوم خلص بس حبنا لسا مكمل
الرويه ملهاش نهايه لان مفيش نهايه لحبنا حبنا مش هيقف عند الجوز ولا عند اول مولود عشان كدا مش هينفع انهى الرويه حبى ليه لسا بيذيد يوم بعد يوم ودى هتكون اول رويه ملهاش نهايه روايه نهايتها هتكون  عند موتى واخر نفس بيطلع منى واخر كلمه بتسمعها ودنى
ها انا قد انتهيت من بعض الأحداث
ولم انتهى من حبى فقد كان حبى أبدى لا يوصف ولا يعد حب لا نهائى بدا بنظره عين لمن يملك من العيون اجملهم