لك محبه ماهي لغيرك من الناس لو هي غيم هزت الدنيا برعدها

الجزء ٢٣

دخلت هيام المطبخ تبين تحط اغراض الا ويطلع بوجهها فارس
فارس بدا يدقق في ملامحها :دقيقه انتي هيام صح؟؟
هيام:اي هيام وحطت الاغراض بدون نفس وطلعت
راحت جلست مع البنات وهديل ناظرت فيها:هيام اسمعي وش الجامعه الي بتدرسين
هيام:والله مدري اسمعو ي بنات الي كان ب المطبخ فارس صح؟
هديل:اوصفيه
ديمه؟ لبسه كله اسود صح
هيام:ايوه وكذا تحسينه غثيث
ملاذ:صراحه مزيون بس شخصيته زفت
لينا:بنات اسمعو وش وايكم نروح كوفي؟
هيام:اي حلو بس نخليها كذا بكره؟
ياسمين:اي ونسوي جلسه الصباح ب الحوش تعرفون السفره الحمراء المخططه ذيك صح؟
لينا:اي وش فيها
ياسمين:نفرشها ونحطها ونسوي جلسه الصباح ب الحوش ونفطر فيه وننبسط
امجاد:اي تمام اجل وش نسوي فطور بكره اكتبو في دفتر لاحد ينسى
شيماء:انا بطلع اجيب ورقه وقلم وانتو فكرو عشان م ننسى
ملاذ:لا لا اجلسي اكتبيها ب ملاحظه الجوال
ديمه:صح كيف م فكرتي فيه ههههههههههه المهم يله انتي اكتبي
هيام:احس نسوي وافل و وبسكوت و شكشوكة و ايش بعد
لينا:احس فراوله كمان اهم شي
شيماء:وكوكيز هيام تموت فيه بشكل مو طبيعي
هيام:اكيد يله تعالو نسولف مع خوالي احس زمان عنهم
جلست هيام وتربعت وكان ب المجلس خوالها كلهم وعيال خوالها و كلهم جالسين
الجده:هيام وش اخبارك عساك طيبه يارب
هيام:زينه الحمدالله
الخاله ريما:لايكون نسيتنا خاصه زمان م شفتينا
هيام:لا وين م نسيتكم عاد دايم ادق على البنات ويكلموني
الخاله ريما:ايه تدقين على البنات واحنا ساحبه علينا
هيام:لا وين مستحيه طيب ادق واخاف ازعجكم
الخاله بشرى وهي تضحك:عندي لك فديو وانتي تصفقين عبدالرحمن
هيام وهي تضحك:ياخاله تكفين امسحيه
الخاله بشرى:لا معليه خليه ذكرى و خطب عبدالرحمن بعد
هيام:وناسه متى الزواج؟
الخاله بشرى:بيملكون وبعد كم سنه عبال م تخلص البنت دراستها الزواج
هيام:حلو يعني يمكن اسافر وارجع احظر الزواج
الخاله مريم:وآن شاءالله بخطب ل فارس
هيام:متى؟؟
الخاله مريم ام فارس:بخطب له حبيبته له سنه حاول يقنعني و ان شاءالله بنخطبها له قريب
روزه:يونس بيصير عندنا زواجات ثم بيجي ردححح
هيام بضحكه:ان شاءالله اهم شي صحن
لينا:احسن شي لمن بعد الزواج ناخذ صحن مفطح معنا البيت ونجلس ناكل وبعدها يجي حش
طلال:اقول وش وضعكم انتم؟
الخال عوض:اقول هيام كيف الديره معك هو حر زي م يقولون عندكم؟
هيام:لا وين الجو عادي مره يجي هواء ومرات يروح
الخال عبدالله:يقولون حر والله
هيام :مو اي شي صدق صح وش صار على زوجتك ي خال وينها؟
الخال عبدالله:آن شاءالله بكره بتجيكم وتشوفينها
لينا وهي تناظر ياسر ومبتسمه هيام لاحظت بس سكتت وشكت انه لينا معجبه
وقفت هيام وراحت برا تجلس على جوالها لحقتها ديمه:هيام احس مو مصدقه الحين معنا
هيام وهي تضحك:لا شدعوه صدقي
ديمه ضحكت:م شفتي نظرات لينا لياسر
هيام:الا ركزت وتبتسم بعد
ديمه:وش رايك نسألها؟؟
هيام:تمام بس اذا طلعت تمشين معي في الحوش الجو مغيم ترا
طلعو الحوش هيام وهي تناظر الجو:يالبيهههه الجو يجننن وياليت شخصي المفضل موجود
ديمه:وليه من شخصك المفضل؟
هيام:تسنيم تسنيم بنت عمي
ديمه مسكت هيام من كتفها:اقول لا تلعبين علي مين بسرعه
هيام:اقولك تسنيم بنت عمي
ديمه:تدرين دقي على تسنيم نشوف
هيام:اوكي
راحو بعيد ودقو على تسنيم ويكلمونها عادي فجاه ديمه:هاتي الجوال اكلمها
تسنيم:هلا
ديمه:كيفك شخبارك
تسنيم:زينه الحمدالله وانتي؟
ديمه:بخير الحمدالله تسنيم تخيلي
هيام:م عرفنا لك تمونين معها ولا درينا
ديمه:اقول اسكتي اسمعي تسنيم جالسين نناظر الجو و هيام تقول ليت شخصي المفضل معي ولمن سألته قالت انتي طلعتو قراب من بعض لذي الدرجه
تسنيم سكتت و قالت:هياممممممم احم كلميني بعدين ضحكت وقفلت الخط
ديمه:احسكم كذابين فيه شخص ب الموضوع
هيام:تتخيلين تتخيلين
طلع فارس الحوش  وكان يبي يطلع وناظر فيهم و
____________________
في بيت الجد
تسنيم قفلت الخط وحطت الجوال
روان:شفيك من الي كان يكلمك
تسنيم:هيام وبنت خالتها ديمه
روضه:احس بتسحب علينا وتجلس مع بنات خالاتها
روان:اقول اسكتي بس هيام مو كذا المهم ي بنات بروح البر وفيه مخيم
ابتسام:طيب وش نلبس ولازم نجهز كلشي بدري قبل ننام
فجاه الجده تنادي روان بصوت عالي راحت روان تركض وتقول:لبيه ي جده
الجده:اسمعي تروحون معنا الغنم؟
روان: م احب اروح الغنم بس نجرب م ورانا شي بقول للبنات
الجده:وروحي دقي الباب على البتول و البنات و شوفي عماتك بيروحون
روان:حشى كان احنا الي غنم بدون م نروح
الجده جت بتفسخ نعولها عشان تصفق فيها روان:ي جده لا لا امزح بروح الحين
راحت روان تركض وتفتح الباب بقول على البنات و تسنيم انخرشت:اعوذ بالله افتحي الباب زي الناس انتي
روان:قومو البسو ترا بنروح المزرعه حقت الغنم مع جدتي
تسنيم نطت من مكانها:احلفي
روان:والله بعدين كيف لك مبسوطه
تسنيم.تدرين ان صارت تجنن وراني قبل كم يوم عمي وتجنن
روضه:صح شفتها وربي تجنن يله نلبس
روان راحت غرفة البتول و صديقاتها:اسمعو بنروح المزرعه حقت الغنم تروحون
ميرا:اي بنروح
ميلا:اي بروح بنلبس عباياتنا ونجي
______
عند العيال
فيصل:من بيوديهم المزرعه
لؤي:انا اخر مره وديتهم اليوم يعني اليوم في ابراهيم
ابراهيم:خلاص انا بوديهم بدون مضاربه
جات الجده تدق الباب عليهم:بسرعه يله احد يودينا ي عيال
ابراهيم:يله انا جاي بوديكم بس وين مفتاح السياره ضاع
الجده:ودنا في الجمس بيجون البنات وكلهم بنجلس في المزرعه لليل
ابراهيم:يله طيب البسو
___________
في الدمام في بيت جدة هيام
طلع فارس يبي يطلع وناظر فيهم:قومو بسرعه بطلع السياره
قامت هيام:مكرهني لك يع امشي ي ديمه
طلع السياره و طلع ياسر يلحق فارس وراحو هيام ناظرت ديمه:اسمعي تعالي نجيب لينا ونسألها
راحو يجيبون لينا وجلسوها قدامهم:وش فيكم بسم الله وش في نظراتكم كذا
ديمه:فضول بس انتي ليه تناظرين ياسر وتبتسمين
لينا:وش ذا السوال مجرد ابتسامه وصدت
هيام ضغطت عليها لمن اعترفت قالت:قولي تكفين عشاني انا ولا بنزعل منك ترا
لينا:عشانك بقول
ديمه:ويوم انا اقولك تقولين لا قولي بسرعه
لينا:ذا السر بيني وبينكم بس قولو للبنات انا احب ياسر من الطفوله وافكر اعترف له بس مدري كيف
هيام:طلع شكنا في محله ترا منجد يعني واضح انك تحبينه من قلب
طلعت هديل:وش في نظراتكم كذا بعدين ليه طلعتو لنا سنه ندوركم وكل وحده راحت تدور فوق
لينا :ناديهم وتعالو فيه سالفه
هديل دخلت تنادي البنات:بنات تعالو لقيتهم في الحوش
ملاذ حطت يدها ع خصرها:وجع سنه ندوركم وين مختفين؟
ديمه سحبت ملاذ عشان تجلس:اجلسو بسرعه
روزه:وش السالفه بديت اتوتر نظراتكم تقول فيه مشكله في الموضوع
هيام:اقول سكتي وش مشاكله لينا يله
لينا وهي تبتسم:بنات مدوي كيف شعور ملخبط
امجاد:ي بنت الحلال تكلمي قولي
لينا:اسمعو انا احب ياسر و ودي اعترف له بس مو عارفه كيف ساعدوني تكفون
شيماء ضربت يدها على صدرها:ابشري مدام خوياتك معك ابشري م طلبتي شي لا مو خوياتك وخواتك
لينا:والله يلوموني فيكم وش اسوي تكفون
امجاد:احس اسمعو نختبره او شي لا يطلع بلاير بس من وين نجيب حسابه
ديمه:نروح نجيب حسابه انستا من اخته ضي
امجاد:لا لا بتعرف اسمعو انا بقوله م عندي رصيد انا و البنات ونبي نطلب من المطعم
شيماء:انتم صاحين؟؟ ترا مره واضح انكم كذابين بيقول انا بروح اجيب احس مستحيل اسمعو نختبره جوال خالتي مافيه رمز تمام وانا بروح واجيب جوالها ونكتب حسابه ونرجع جوالها
لينا:تكفون بديت اتوتر من الحين وش اسوي
هيام:لا تتوترين معليك
لينا:لو طلع يكلم بنات وش تسوي انا بنفسي
روزه:لا تسوين شي ابوه شديد ومستحيل يكلم بنات لانه مره عاقل
امجاد:بروح اجيب جوال خالتي ونسوي
امجاد جت بتدخل تجيب الجوال بس خالتها طلعت الحوش والبنات يناظرون امجاد ويأشرون لها تروح تجيبه بدون م تنتبه
الخاله ناظرت وراها:وش فيكم انتو تناظرون مين؟
__________________
في بيت الجد وتحديداً عند العيال
علي:عيال انا وش ناقصني
ابراهيم:كيف وش الي ناقصك
تركي:م فهمت وش الي ناقصك وكيف يعني لمح اكثر
علي:اقصد يعني وظيفه وكذا متوظف الحمدلله وراتبي حلو وكلشي
تركي:لا م ناقصك شي بس ناقصك بنت الحلال
علي:وصلت ل الي كنت ابيه وذي اخطب الحين
لؤي:ليش وانت من الي في بالك هاه؟
علي:ابي روان بنت عمي احمد
تركي:مالك الا تروح وتخطبها من ابوها وان شاءالله يوافقون معليك
علي:بس مدري كيف اوصف الشعور غريب هي جميله و كلشي فيها كويس بس يمكن م تقبل
تركي:لا تقول كذا يمكن تقبل
ابراهيم:اقول لا تفتحون السالفه الا لين اجي ولا تعالو بليل المزرعه ونشوف
_____________
عند البنات
روضه شافت ميلا صديقت البتول وسحبتها:يله ترا بيروحون علينا
ميلا ضحكت:اما حن اخر ثنتين
روضه:اي وربي يله
وبطريق وهم يمشون رايحين الجمس يسولفون واندمجو مره بسوالف
ميلا:احنا اعداء كيف نسولف مع بعض
روضه بضحكه:تكفين تسوي استوعب بس صراحه طلعتي جوي
ميلا:صح طلعتي جوي انتي لازم تصيرين صديقتي
روان نزلت من السياره عشان تسحب روضه بس انصدمت من الي شافته:دقيقه دقيقه روضه و ميلا يسولفون مع بعض؟
ميلا ضحكت وضربت روان خفيف ع كتفها:تكفين حتى هي مو مصدقه
روضه:حنا نفسنا مستغربين
روان:اظن لازم ننهي ذي العداوه ونصير كلنا واحد في المزرعه نتفاهم بسرعه امشو
ركبو ومشو
_______________
في بيت جدة هيام ب الدمام
الخاله ام ياسر ليلى:تناظرون في مين؟
ديمه:كان وراك حشره ونأشر لها عشان تخاف وتروح
روزه مدت يدها وقرصت ديمه:وش فيك انتي علي
الخاله ليلى:وش فيك عليها ليه قرصتيها ي زوره
روزه:ي خاله هي قبل م تجين ب شوي قرصتي ورجعتها لها
الخاله ليلى:الجو زين م ودكم نطلع مخيم
هديل بحماس:اي اي ي خاله تكفين خاطري اطلع مخيم
الخاله ليلى:مدري يمكن م يوافقون بشاورهم اشوف هم رح يوافقون
هيام:تكفين اقنعيهم بكل الطرق انتي يمكن يسمعون منك
الخاله ليلى:بنشوف كيف وضعنا قايل
دخلت الخاله و شيماء ناظرت في البنات:اسمعو بما انو لينا اعترفت انها تحب وانا كمان احب
هديل وهي تضحك:ياخي حقين الحب
لينا وهي تناظر من فوق لتحت بمزح:ليش وش فيه الحب؟
هديل: اقول انتبهي عيونك لا تطير بس
طلعت امجاد معها الجوال ورا البنات الحساب:هذا هو يبنات شوفو
شيماء:هاتي انا اعرف كيف اختبره زين
شيماء سوت حساب ثاني فيه كم متابع مرح يبنان انه وهمي وكتبت:السلام عليكم
رد الياسر بسرعه:وعليكم السلام ورحمة الله
هيام:اكتبي له نتعرف وكذا
شيماء كتبت:ممكن نتعرف انا معجبه فيك وارقبك دايم
لينا وهي تضحك:وجع الحين يمكن يشك انه احنا
شيماء معليك مرح يعرف كتبت شيماء و م رد
رد بعد كم دقيقه:معليش اول شي م اكلم بنات و ثاني شي مالي ب الحب الاكتروني والخرابيط وسوا بلوك
لينا:تكفون ي بنات اسمعي وحده تدخل وتشوف من يتابع والي متابعينه
دخلت شيماء وكله عيال مافي ولا بنت
لينا:خلاص ارتحت ي بنات كنت شايله هم بس الحين كيف اعترف
هيام:سهله اذا رحنا المخيم بس بطريقه مشفره ونشوف يفهم ولا
شيماء:صح عليك هيومي تفهميني
دخلو البنات داخل وشافو الكل يتكلم عن موضوع المخيم
____________
عند العايله في مزرعه الغنم
ميلا:روضه مالي خلق اروح هناك جهت الغنم وانكتم من الريحه خلينا هنا عشان نصور الورود والاشجار
جت البتول وجلست وكان روضه وميلا يسولفون
البتول اندمجت في السالفه وبدت تسولف معهم:صح بنروح مخيم وناسه
جت روان وتسنيم ويناظرون:لا الوضع تطور البتول بعد
البتول:وش فيه
ميلا:بنات ترا لازم نكسر الحاجز الي بينا و العداوه وش شذا
البتول:صح وانا اول من يعتذر اعتذرت للبنات وفجاه تبي رقم هيام
روان:وش تبين به؟
البتول:بعتذر حتى ل هيام احس هي اكثر وحده انا عدوه لها
تسنيم:طيب انا ليه بدمع الحين
البتول قامت مسكت يد تسنيم:لا تدمعين اسكتي
تسنيم لا شعوري حظنت
روان اعطت البتول رقم هيام وكتبت ل هيام//السلام عليكم هيام انا البتول...ثاني شي مدري وش اقولك بس اعتذر على كل الي طلع مني بس صراحه كنت غيرانه منك ودايم احاول اخذ كلشي منك واسفه لا نهائي
ابتسام ناظرت:الحين خلاص م صرنا اعداء وبنصير شله
::::::::::::::::::::::::::::
في بيت جدة هيام في الدمام
قامت وراحت تجلس بعيد شوي وفتحت جوالها وشافت رساله من رقم غريب وقرت وانصدمت بدون م تقول شي راحت تدق على تسنيم
هيام:تسنيم الحقي البتول اعتذرت لي
تسنيم:اي واعتذرت لنا وصرنا صحبات ترا بعد معاركه دامت سنين وسنين
هيام:تكفين مو مصدقه برسل ڤويس وخليها تسمعه
بدت تسجل هيام وتقول:اول شي معذوره ي يروحي وعادي خلاص اهم شي م صرنا اعداء و بس مدري وش اقولك بس من اليوم احنا صحباتك
راحت هيام تجلس:الحين بنروح المخيم ولا لا
الجده:انا اقول مافي اي اعتراض نروح و ننبسط والاجواء عاد م تتفوت
الخال عبدالله:انا اقول بكره على الساعه اربعه كذا بيكون الجو نفس كذا وحلو
ديمه:يلعن ابو الحماس اكثر شي متحمسه له ي بنات الدباب
هيام:كلنااااا وبنفس الوقت يمدي نسوي جلستنا حماس
شيماء:بنات بكره لازم نضبط لينا
هديل:اكيد يارب يبادلها نفس الشعور
:::::::::::::::::::::::::
في مزرعة الغنم
ابراهيم:ي جده انا بروح البيت و قفلو باب المزرعه شوي واجيكم
راح ابراهيم البيت و جلس عند العيال:علي انت منجدك تتكلم
فيصل:اي والله وصامل بعد
علي:انا ابي البنت ب الحلال وان شاءالله بكلم ابوها مقدر اصبر
تركي:ياخي خوينا بيصير عريسسس
علي:الله يكتب لنا نصير
ابراهيم:ودي اخطب وانا بس م قدمت على وظيفه و م جمعت المهر
علي:انا من زمان مجمع المهر بكلم ابوها اليوم بليل
:::::::::::::::::::::::::::
ب المزرعه البنات جالسين يصورون فلوقات ويتصورون
البتول:اسمعو وش رايكم ناخذ بجايم جديده ونطقم
روان فكره حلوه بس بشوف امي وش بتقول لي
فجاه دق  جوال تسنيم ردت:اهلين
ابراهيم:اهلين كيفك ؟
تسنيم:وش فيك توك شايفني قبل شوي
ابراهيم:انتي لحالك؟
تسنيم:دقيقه راحت لحالها وجلست تكلم
ابراهيم:اسمعي روان في قلبها احد يعني تحب احد او في بالها احد
تسنيم:لا ليه
ابراهيم:بقولك بس لا تقولين ل احد انتي حاولي تقنيعها علي يحب روان وعلي يبي يخطبها
تسنيم:انت منجدك؟
ابراهيم:اي واالله من جدي وحاولي تمهدين الموضوع لها
تسنيم:طيب طيب
راحت تسنيم تركض عند روان وجلست شوي اخذت نفس:روان تخيلي احب من اقاربنا يجي يخطبك
روان:اذا كان زين اخذته
تسنيم:مثلاً تخيلي يكون علي ؟
روان:شوفي حلو وكذا وكويس ومحترم بس م اظن انه رح يخطبني يعني
تسنيم:بنات ابراهيم كلمني ويقول انو علي يبي يخطب روان
روان فتحت عيونها:انتي من جدك؟
تسنيم اي والله بروح اكلم هيام احس واقول لها هيام من زمان تنتظر وحده فينا تنخطب
::::::::::::::::::::::::
عند بيت جدة هيام ب الدمام
روزه:الا صح هيام متى ترجعين الديره؟
هيام:بعد ٣ سنوات ليه؟
روزه:خير قليله انتي قلتي ٧ سنوات ليه كنسلتي
هيام:مدري بسوي مفاجاه للبنات
لينا:طيب متى بترجعين ارجعي ب اسرع وقت عندنا
هيام:لا انتو تعالو فجاه يدق جوال هيام بنات شوي واجيكم
طلعت تكلم برا
تسنيم:بنت تخيلي علي يبي يخطب روان
هيام:احلفي ي بنت
تسنيم: وربي
البتول:وربي تخيلي بس انتي موموجوده ارجعي
هيام:لا انا صالمه اجلس٧ سنين  المهم منجدكم ولا تمزحون علي ي بنات
تسنيم:مو وقت المزح وذا الشي م يمزح فيه اذا تمت الخطبه بصور لك كلشي
هيام:يارب تتم بدعي لها في صلاتي وقولي لها مبروك مقدماً
تسنيم:تم بقولها
هيام:يلا باي ي بنات مشغوله شويييييييي
لينا:وش فيك ي بنت وش السالفه وليه كذا فرحتي فرحينا معك
هيام:بعدين بعلمكم الشعور لا يوصف ي بنات حماس اذا تم كلشي بقولكم
:::::::::::::::::::::::::
في مزرعة الجده
الجد:وراكم م تجون ترعون معي الغنم
ميرال:ي جد عندي حساسيه منها م احبها
ميلا:ريحتي بتصير غنم
ام تسنيم:تنسيم روحي مع جدك
تسنيم:يمه م ابي ريحتي بتكون غنم
الجد:ياليت زمن اول يرجع م شفتو جدتكم مشاءالله عليها تبارك الله بعمركم ترعى الغنم وربت بيت
ميلا: ي جد الله يصلحك بنات اول غير عن الحين
الجد:يارب صبرني دقو دقو على ابراهيم يجي يشيلنا من المزرعه
دقت تسنيم على ابراهيم يجي يشيلهم
جاء ابراهيم وركبو السياره وعدل المرايه ويناظر في تسنيم وتسنيم مو منتبهه
ميلا دقت كتف تسنيم:شوفي يناظر فيك
تسنيم ناظرت ويسون نفسه مو منتبه
ام روان:وصلنا عند بيتنا ي ابراهيم وروح وبكره الصباح احد يجي يشيلنا
روان:ابي اجلس مع البنات يمه تكفين
ام روان:اقول اسكتي
_________
بليل الساعه8 ونص بعد صلاة العشاء في بيت ابو روان
دق الباب وفتح والي كان يدق علي و وابوه
ابو روان:حي الله من جاء اقلطو
طبعاً قبل م يجون اعطو ابو روان خبر وبخرو المجلس وكلشي
ابو علي جلس يسولف شوي وفتح معه موضوع الخطبه:والله ياخوي جايين نخطب بنتكم على سنه الله ورسوله ل ولدي علي
علي تكلم:يشرفني اتقدم لبنتكم روان
ابو روان وافق وراح يشوف بنته روان اذا موافقه او لا وعلي متوتر وخايف ترفضه
طلع ابو روان ورح يشوف هل هي موافقه او لا
ابو روان:تقدم لك ولد عمك علي هل انتي موافقه او لا خذي راحتك في القرار مرح اجبرك
روان:بصلي صلاة الاستخاره واشوف
ام روان:تعرفين كيف تصلينها
روان وهي متوتره: اي يمه اعرف
راح ابو روان:قالت بتستخير
علي:ماني طالع من المجلس الا لمن اسمع ردها
خلصت روان وراح ابوها يسألها
روان:اي موافقه
راح عندهم جلس:البنت موافقه
قام علي؛ و سجد سجدة شكر
ابو روان:الي يعجبني فيك انك م لعبت عليها واتخذت القرار الصح
ابو علي:متى تبون الشوفه
علي:م يحتاج انا شايفها
ابو روان:عشان يتعرفون على بعض اكثر

روان من الفرحه دقت مكالمه جماعيه على كل البنات حتى تسنيم وبشوتهم ونزلت ستوري عن انها انخطبت بعد م خلصت مكالمه دخلت داخل وفرحانه
طلع علي وابوه وهو مبسوط ركب السياره وشغل اغنية حكاية ناي و....

وبس والله اسفه على التأخير وش رايكم في بارت
بكره اخر بارت🥹