لك محبه ماهي لغيرك من الناس لو هي غيم هزت الدنيا برعدها

الجزء٢٤

شغل حكاية ناي و يغني والدموع في عيونه والفرحه الي هو فيها م تنوصف
ابو علي:وش فيك تبكي اخذتها وش تبي
علي:يبه دموع الفرح م تدري قد ايش حبيتها و م توقعت بيجي يوم من الايام وتوافق
ابو علي:الحمدالله وافقت وعقبال العيال ان شاءالله
علي:ان شاءالله
وصلو بيت الجد وجلسو والكل كان متجمع علي وهو رافع يده عشان يسلم:السلام عليكم
الكل رد و ردو السلام طبعاً محد عارف انه خطب روان جلس علي وهو مبتسم
العمه دانه:ليه الابتسامه شاقه وجهك وليه كاشخ
تركي:صدق ليه
علي:عندي لكم خبر حلو ورح يعجبكم حتى امي م تعرفه
الام وهي مخروشه تحسب فيه شي:بسم الله وش فيك وش صاير
علي ب ابتسامه:خطبت روان خطبتها
الجده نطت من مكانها:روان احلف
ابو علي:فعلاً رحنا خطبنا البنت وافقت و الملكه إن شاءالله بعد سنتين وبعدها الملكه ب اسبوع الزواج
الكل فرح ويباركون له والام بكت مو مصدقه ولدها الي كان امس صغير كبر و بيتزوج حظنته وكلها دموع فرح
البتول وهي تنط بفرح:طيب بدق على روان تجي الحين مقدر
ابتهال:تسنيم انتي دقي عليها تكفين حماس بيصير عندنا صديقة متزوجه
روضه:وقفو انا بدق عليها بنات تكفون ارجف ومدري شعور ملخبط
تسنيم اسمعو انتو كلمو روان تجي وكذا وانا رح ادق على هيام
::::::::::::::::::::::::
في بيت الجده في الدمام
دق جوال هيام وقامت من عند بنات خالاتها والي كان يدق تسنيم
هيام:اهلين تسنيم كيفك
تسنيم:بخير الحمدالله وانتي
هيام:مدامك بخير تأكدي اني بخير
تسنيم:عندي لك خبر مره بيسعدك بس حسافه والله مرح تكوني معنا
هيام:وشو قولي تحمست
تسنيم:اليوم رسمي كلشي كلشي علي خطب روان و ملكتهم بعد سنتين و الزواج بعد اسبوع من الملكه
هيام بفرح:احلفييييييي
تسنيم:قسم بالله عقد قرانهم والشوفه بكره عشان يتعرفون اكثر
هيام:تكفين مرح فرحانه لها بوسيها ب اقوى م عندك وقولي ذي من هيام
تسنيم:ابشري من عيوني
هيام راحت عند بنات خالاتها ومره فرحانه ب الخبر:بنات توقعو وشو
ديمه:احس انقبلتي ب الجامعه
هيام:انا مقبوله ي غبيه بسرعه خمنو
لينا:احس احد من صحباتك انخطب او شي مو متأكده بس يله
هيام:صح عليك بنت عمي روان انخطبت مره فرحانه لها
طبعاً البنات فرحو مع هيام مع ان روان مو صحبتهم بس فرحو مره
هيام:بنات خلونا نروح نجلس نسولف معهم شوي لان برجع افاتح جدتي ب الموضوع حق اني يسافر بعد سنتين
هديل:دقيقه انتي قلتي بتقعدين٣ سنوات وش صار
هيام:يوه منك بكره خلاص بندخل سنه جديده و بعدين في اليوم الي بتكون في ملكة روان بوصل فيه عندهم وبسوي مفاجاة لاني قلت لهم بقعد سبع سنوات
روزه:تم بنحاول نسافر عندهم المهم اسمعو الحين لازم نجهز للمخيم يله؟
هيام:يله ي بنات قومو نجهز
دخل فارس عليهم المجلس وناظر:اطلعو بسرعه بلعب سوني ماحد فاضي لكم
لينا:اصلا بنطلع يع
شيماء:يله قومو بنات خلو المجلس له يع
طلعو فوق البنات وهيام طلعت توب وردي مع بنطلون جينز ابيض:بنات يناسب ؟
هديل:لا وين مره برد احسن لك البسي شي يدفي اذا رحنا بتموتين من البرد
ياسين:منجد ترا اذا جاء برد بتنجلطين حرفياً
هيام:الحمدالله حساب حساب البرد وجبت لي ملابس برد يعني حقت برد بلبس ذا الجاكيت الطويل و بلبس بنطلون بيج وبتشوفون بعدين المهم بنجلس يوم صح؟؟
ملاذ:يسسسسس يوم واحد بس باخذ بجامتين بس
دخلت ضي اخت ياسر:لينا تعالي شويه بس آسفه بنات ع المقاطعه
ملاء تأشر ل لينا ب عيونها:روحي بسرعه يمكن في شي
لينا قامت وراحت مع ضي اخت ياسر الكبيره برا:تعالي اسمعي لينا لو جاتك الفرصه تاخذين احد من تاخذين
لينا:مافهمت وش تقصدين؟
ضي وهي تبتسم:لو جاتك الفرصه تاخذين احد اقصد تتزوجين احد من تاخذين من اخواني يعني
لينا:بقولها لك بس لاتقولين وش ذي البجيحه بقول الصراحه ياسر
ضي:تحبينه؟
لينا:لا لا
ضي:احس اختاري غيره يعني لانه يحب وحده
لينا كان احد كب في وجها موية بارده و انصدمت:كيف يحب يعني
ضي ضحكت:ياخي شوفي في ريان يعني حلو وكذا خذيه وبقلك شي ترا يحبك ريان
لينا ب صدمه:بنات تكفون
ملاذ:وش فيك كذا كن احد معطيك كف؟
لينا:بنات يحب يحبببب
ياسمين:وشو وش الي يحب يحب قولي
لينا والدموع في اطراف عينها:تخيلو اكتشفت انه يحب وحده ثانيه
هيام ب استغراب:متأكده؟
لينا:ايي واذا مو مصدقتني اسألي ضي
هيام:يمكن ضي تكذب عليك انت بروح ل علي شخصياً واسأله
روزه:هيام لا قلنا انك جرئيه بس مو كذا!
لينا:الا يحب و جايه ضي تقولين بكل برود انه يحب وحده وثاني شي ريان اخوهم يحبني
هيام:انا بروح وأتأكد ولا جوالي برسل لها مدامي حفظت اسم حسابه
طلعت هيام برا وجلست وقررت م ترسل له تسجل صوته وهو يتكلم راحت شافته في المطبخ فتحت تسجيل الصوت و قفلت الجوال
هيام تناظره بكره وناظر فيها:بغيتي شي؟
هيام:اسمع عندي لك سوال صح ماله داعي بس بسأل عمرك حبيت احد؟
ياسر وهو يناظر ومصدوم من البجاحه:لا
طلعت عند البنات عشان تثبت انه م يحب سمعتهم التسجيل
ملاذ:بنات عندي فكره اسمعو ب المخيم بقولكم شي تمام؟ مو الحين
هيام: لينا خلاص لاتنزل دمعتك بنهايه عادي الله يعوضك احسن منه اذا م كان م من نصيبك
لينا وقفت ومسحت الدموع الي بطرف عيونها:اصلا يخسي ومع الوقت بنساه لو اني احبه مليون سنه بتخطى
هيام:كفوو والله
لينا:معلينا منه يله نخطط لفطورنا بكره
ياسمين وهي مبتسمه:بنات اسمعو بما انو هيام بتروح بعد سنه بيكون حفل تخرجي فا قبل تروح نسويه تمام؟
هيام:والله م اروح الا وانتي مسويه حفل تخرجك
______________
في بيت جدة هيام
البتول:بنات اسمعو لازم بكره بنصحى بدري عشان نجهز وكذا احس بيكون شوي برد نقنع جدي نجلس بس الصباح
ميرال:مدوي روضه هي نقالة العلوم بتنقل لنا كل علم يمكن يسولفون وكذا بس تسأله متى نرجع بما ان ن عندنا سالفه تجيب سالفه
روضه:تم م طلبتو شي بس عطوني كم دقيقه وراجعه وراحت
روان:بنات تدرون بتنقب؟
تسنيم وهي مستغربه:ليه
روان:خلاص يعني لازم انتقب عشان انخطبت وحنا ب قبيلتنا عاد معروف اول م تنخطب تتنقب
ابتسام:صح نسيت بس حلو يعني
البتول نطت من مكانها:بنات الحقوووووو جاتني فكره
____________
عند العيال
تركي وهو متردد بس نطق وقال:يعيال ودي اتزوج حب حياتي عاد بس مختفيه وذي اعرف عنها شي
علي:ياليت زواجنا يكون بنفس اليوم بس يله الا صح من الي في بالك
تركي سرح شوي وابتسم:وحده وحده مرح تتوقع من هي
رائد تفل الشاهي عليهم:بتول؟
تركي:مالقيت الا هي؟؟
فيصل:انتم في عالم غريب اسمعو م علينا من الزواج الحين بكره من يسوق ويؤدبهم المخيم
تركي:اقول كلنا نوديهم على حسب سيارتين ولا ثلاثه و عاد كل واحد وحظه انا بسوق بسيارتي و م علي والقبيله كلها بتروح يعني ونحتاج سيارتين ولا ثلاثه
علي:اكيد انت باخد الي اقدر عليه معي
فيصل:اكيد خلاص يعني احنا الثلاثه نوديهم
لؤي كان يناظر في الجوال ورجع ناظر في ابراهيم:تركي كم باقي لك وتتخرج؟
تركي:باقي شهر والله يسهله لي
كلهم بصوت واحد:امين
____________
عند العايله
العمه رولا:يبه اسمعني متى ناوي نقعد في المخيم
الجد:مانطول من العصر لين اليل كذا
العمه دانه:احسن شي وين ننام هناك بعدين يطلع لنا شي لا سمح الله
الجده:اي والله والافاعي
روضه:ي جده طيب وش يفرق عن افاعي البيت وافاعي البر هاذول عماتي موجودين
ام روضه طيرت عيونها وعصبت مره من روضه رمت الفاين في روضه وروضه طارت من مكانها وهجت
العمه ليلى:يله تصبحون على خير رايحه انام تعبانه وبحصى بدري
ام تركي تناديه بصوت عالي عشان يخي و م جاء:يالله من ذا الولد حسيت انه م يسمع
صرخ ابو تركي ب اعلى م عنده:تركييييي
تركي جاء مخروش يحسب فيه شي:سم يبه وش فيه عسى ماشر
ابو تركي:حسبي الله عليك من ولد امك لها سنه تناديك و م تسمع الله يصبرني بس
تركي:هلا يبه سمي
ام تركي:بسرعه ودني بروح اخذ لي اغراض واكل لبكره امش بسرعه
تركي:سمي يمه رايح اشغل السياره انتظرك
تركي ركب السياره وحط راسه على الدركسون وهو تعبان وده يشكي ل احد بس م يقدر لان كان متضايق مره
جات ام تركي ركبت السياره ومعها ام روان وبدو يسولفون وبنص السالفه جابو طاري هيام
ام روان:احس البيت بدونها ولا شي رغم التنمر الي يجيبها مع ذالك مدخله السعاده ب قلوبنا
ام تركي:اي والله
ولاحظو تركي مندمج معهم ام تركي:نعم؟
تركي:تكلميني انت يمه؟
ام تركي:اكلم مين يعني؟
تركي:يمه تبين اي محل بسرعه برجع البيت تعبان شوي
ام روان:ودنا اقرب محل ورق عنب نبي ناخذ
تركي:موديني مشوار اخر شي عشان ورق عنب كن قلتو لي انا اروح اجيبه ولا اطلبوه
ام تركي:والله لو م تسكت والله م اخليك سوق وانت ساكت
اشترو الي يبون ورجعو البيت على الساعه ١٢ الكل نام
____________
في بيت جدة هي في الدمام (الصباح)
روزه صحت الساعه٧ الصباح وراحت عند هيام تصحيها:هيام قومي بوسعه
قامت هيام روزه:اسمعي انا بروح اغسل وجهي وافرش اسناني وانتي صحي البنات عبال م اجي
هيام وهي تتفاوب:اوكي مرح لا تنامين ب الحمام بسرعه
هيام حاولت تصحي البنات وقدرت تصحيهم:بنات قومو وجع انتي ي ياسمين لو م تقولين بكب فوقك مويه الكل صحى الا انتي
هديل بنات قومو الفطور بسرعه اول و سمعت اسم الفطور صحت:قمت وشو يله نسوي الفطور؟ بس شويه مو الحين
هيام:يله الحين قامت ترا روزه قبلنا كلنا واحت وبترجع انا بدخل الحمام بعدها
نزلت لينا الحمام الي تحت وهي تركض صدمت بشخص رفعت راسها وتناظر فيه وهي منفسه وتوها قايمه من النوم وتهاوشه وتستوعب انها تهاوش ياسر ياسر ناظرها:وش فيك انتي الي جايه تركضين وتهاوشين بعد
لينا وهي منحرجه:من زينك ي وجه البومه بعد بس
____________
عند العيال شلة فارس
فراس:عيال اليوم نبي نفلها تعرفون العربه حقت السوق ذيك؟
صلاح:اي نعرفها
فراس:وش رايكم نجيب منها ونفحط فيها
فارس:اقول اهجد وخل فلتك لنفسك
محمد وهو يضحك:احسن شي بسياره نفحط فيها
ماجد الي طبعاً دايم جدي و اعقل واحد:اقول اهجد انت وياه ترا مو وقتكم ثاني شي ترا اعماركم بتتعدى ١٩ سنه اعقلو خلاص
فراس وهو يضحك:طيب كيف اصارحك الحين عمري٢٢
ماجد:طيب اعقل م قلنا قل كم عمرك
فارس:ياخي دمك ثقيل
بسام:خلاص ي عيال طفو السوني بعدكم لا تنسون بروح انام عاد المخيم بعيد
____________
عند البنات ب المطبخ
ياسمين:بنات نسوي كويكز و وافل و شكشوكه وبان كيك و نوتيلا و وش بعد
هيام:وفراولة كذا خلاص ونجلس ونفطر والحمدالله
روزه اسمعو وحده تروح تفرش السفره ب الحوش ولا كلكم روحو وانا وهيام نبقى مرح نطول لان سريع بس الي بياخذ وقت شويه هو شكشوكه روحو
طلعو البنات وبقى هيام و روزه:بنت تدرين م بقى لي شي واسافر احس مسرع الايام تمر
روزه باقي سنه ونص تقريباً صح؟
هيام :صح عليك مره متحمسه لزواج صديقتي
روزه:عقبال زواجك ونفرح فيك انتي كمان
هيام:اقول اسكتي وجع يله حطي ذي في الصحن وبنتظر الوافل يجهز شويات وجايه
طلعت روزه و جلسو لمن جت هيام وحطو الفطور جو بياكلون صرخت ملاذ:وجع لا تاكلون رجعي الفراوله ي هيام بصور
هيام:صح كيف نسينا التصوير
جلسو يصورون وطلع فارس:ليه م تسوون لنا معكم ولا تعزموني
هيام:وش رايك تروح قبل م اتوطى فبطنك وامسح بوجهك الارض؟
يحسب هيام تمزح لمن قامت وناظرت فيه نظرات جديه وعادت كلمتها ثاني مره راح
شيماء:وربي كفو هيام ادبتيه ب العاده ينشب
هيام:بنات بليز لا تعطونه وجه وكونو جديين عشان م يتمادى يع مسوي يمون
وبدو ياكلون وبعد م خلصو رتبو كلشي وجلسو على الكنبه الي ب الحوش
هيام:بنات اسمعو وش رايكم نرجع نخمد احس باقي فيني نوم
لينا:اقول اهجدي انتي بعد متى زواج روان بس؟
هيام:باقي سنه ونص وبسوي كذا مفاجاه وهم مو عارفين يحسبون اني بروح لهم بعد ٧ سنوات بس كذا بسؤي مفاجاه و بروح بعد سنه وهم يجهزون طبعاً
شيماء:فكره حلوه والله احس كذا تخيلت ردت فعلهم ومو اذا رحتي تنسينا
هيام:وين انساكم نفس بنات عمي يقولون لا تنسينا معليكم مرح انسى بعدين تدرون اني محجوزه لولد عمي؟
روزه:احلفي
هيام:وربي محجوزه له و بعد م اروح بيتهم كلشي رسمي والملكه وكلشي بس بحاول اخلي جدي يأجل كلشي لمن بعد افضى
روزه:ليه م قلتي لنا من قبل
هيام:مو اكيد عشان كذا قلت لكم عرفتو لا تزعلون
هديل وهي تغمز:طيب انتي تحبينه ولا لا؟
هيام ب ابتسامه:بقولكم الصراحه صح هو مزيون وكذا بس شخصيته زفت ثاني شي مدري مرات احس في مشاعر مرات لا مدري كيف الوضع مو راضيه افهم نفسي
وجلسو يسولفون لمن الساعه ١٠ الصباح
__________
في بيت الجده
تسنيم:بنات ترا يمكن روان م تروح معنا بسياره؟
البتول مستغربه:احلفي ليه؟
تسنيم:والله بتروح مع حبيب القلب وحنا م نمون مع ذا
الجده جت تدق الباب تحسبهم باقي ناييمين
ربى:صحينا ي جده من زمان
الجده:اقول بسرعه انزلو جهزو معي الاغراض اتركو منكم الجولات ذي
تسنيم:يحسبون اذا اختفينا ع الجولات بعد
و قامو ساعدو جدتهم وجلسو معها وسولفو
و ع الساعه ٤ الظهر راحو كلهم المخيم
روان و بعض عماتها و بزرانهم في سيارة علي و تركي و امه و البعض من عماته معه بسياره وراكب معه قدام سيف ولد عمته
وفجاه بسياره شغل تركي اغنية حكاية ناي وجلس يهوجس
سيف:ولد مو وقتك انتبه
ام تركي:من تبي ونخطبها لك على شرط تكون اخلاقها زينه
تركي:رح تعرفون بعدين معليكم
_____________
بعد٣ سنوات بضبط
هيام:بنات شوفو باقي كم اسبوع واسافر لازم نحلل كلشي
روزه: اسكتي مو مستوعبه يا مسرع الايام كيف مشت بسرعه
ملاذ :اي والله مشت بسرعه مو قادره
دقت تسنيم على هيام واحت تسنيم تكلمها بعيد شوي:هلا والله تسنيم
تسنيم:هيام لازم اقولك شي ابراهيم خطبنييي
هيام والابتسامه شاقه وجها من الفرحه:احلففففي
تسنيم:وربي مو قادره بعد م فقدت الامل خطبتي ي بنت حماس
هيام:تكفين حماس الف الف مبروك يروحي
تسنيم:الله يبارك فيك وعقبالك انتي والي تتمنينه
هيام:تسنيم وش تقصدين هاه
تسنيم: واضح من اقصد وضحكت
هيام:اوريك معليه اذا جيت والله م خليك
تسنيم:مرح تجين الا بعد كم سنه مطوله وبتنسين تشوفين
هيام:طيب تشوفين مرح انسى بخليها خلفية جوال ومرح اغيرها الا لمن اجيكم بعد كم سنه حسافه مرح احظر زواج روان
تسنيم:منجد اشتقت لك ي حيوانه تكفين ومرح تحظرين اف
هيام:عادي صوري لي كلشي والحياه حلوه كم باقي على الزواج اسبوع صح؟
تسنيم:يب بعد اسبوع يوم الاثنين
هيام:طيب بقفل الحين جدتي تناديني
قفلت هيام وراحت تركض عند بنات خالاتها:بنات تكفون مافي وقت لازم اجهز واحجز طياره ب اقرب وقت
روزه:ليه
ياسمين:انتي قلتي مرح تروحين الا بعد كم اسبوع
هيام:بنات مو وقته في اوقات ثانيه بجيكم فيها الحين زواج روان صديقتي باقي له اسبوع عشان كذا بروح اكلم جدتي
هيام قامت وشافت في وجهها فارس:نعم وش تبي انت؟
فارس:اصبري تعرفين احد اسمه تركي
هيام:ولد عمي ثاني شي بعد خلاص مو وقتك
جلست هيام عند جدتها:هلا وش فيك ي بنتي فيك شي ؟
هيام:ي جده لازم اروح في اقرب وقت زواج بنت عمي قرب وهي صديقة الطفوله لازم اروح
الجده:طيب ي بنتي متى تبين خالك يحجز لك طياره
هيام قبل الزواج ب يومين يعني بعد ٥ ايام
الخاله ندى:علقتينا فيك وبتروحين
هيام:عادي ي خاله احبكم في وقت ثاني آن شاءالله
قامت هيام نادت البنات وطلعو فوق وجلسو:برتب اغراضي من الحين ي بنات لان يبي لي وقت عشان ارتب ساعدوني
شيماء:مو من جدك ي هيام تمزحين صح؟
هيام:بنات افهموني تكفون معليكم برجع لكم واذا صار ايشي عني وعن ولد عمي بقولكم ولو م تجون اوريكم
ياسمين ضربت يدها ع صدرها:احنا اول الحاظرين معليك بننشب لك حتى بصور
هيام:كفو والله
وطبعاً طول الاربع ايام الباقيه يحاولون يحللون اخر ايامهم مع هيام
وقبل م تروح بيوم قبل م تنام سلمت على الكل ودعتهم كلهم وحضنت البنات لانهم مرح يصحون الصباح و نامت
__________________
واليوم الثاني
هيام قامت رتبت نفسها وتجهزت وداها خالها المطار
وجلست تنتظر ولمن جاء الوقت الي تركب فيه الطياره ودعت خالها وركبت
ويوم نزلت الطياره وقفت تاكسي وراحت البيت كان الكل مشغول ومحد ب الحوش
كان في الحوش مخزن حطت اغراضها فيه وغطت وجهها ودخلت على البنات
روان كانت تتدرب على الزفه
تسنيم تسحب انها امها
قامت هيام قرصت تسنيم وروان طفت الغنيه حقت الزقه:ي عمه وش فيك عليها
نزلت هيام تحت وقفت في الصاله وطبعاً البنات كلهم نزلو وتسنيم وروان شافو انو ام تسنيم موجوده واستغربو ويحسبونها عمتهم مسويه مقلب
تسنيم:عمه وش فيك علينا
هيام وهي تحاول تقلد صوت عمتها:اقول انقلعي
تركي:من ذي ذي عمتي ربى ولا من؟
هيام وهي تناظر تسنيم ومغطيه وجهها ولسى تقلد صوت عمتها:ترا و م نسيت يوم قلت بضربك
تسنيم استغربت شوي والكل استغرب
طلعت هيام فوق غرفة البنات وفي شوي من ملابسها م اخذتها معها لبست بجامه وكانت معطيتهم ظهرها و غمضت عيونها ولفت وجهها
يوم شافوها الكل صرخ وروان و تسنيم طارو في حضن هيام:بنات اهدو تكفون
الجده قامت من فرحتها وهي مو محتاله اصلا انها تقوم بس حفديتها رجعت
هيام:لا ي جده اجلسي وحضنت جدها وجدتها وسلمت على كل اعمامها
وصلت عند تركي ناظرت فيه وابتسمو لبعض ومدت يدها تسلم عليه وهو مد يده وسلمو على بعض
جلست هيام تسولف مع اعمامها ويسألونها وكذا
هيام:تسنيم م اشوف البتول و ابتسام وروضه وينهم
تسنيم:معتقلين في المطبخ ينظفونه نسوي لهم مفاجاة يله
راحت تسنيم وقفت عند الباب: تتوقعون من جاء؟
ابتسام:وانا شو دراني ترا مو فاضين تطقطقين علينا ولفو وجالسين ينظفون
هيام دخلت وقفت بنص:طيب لو قلت انا الي جيت؟
ناظر في هيام مو متستوعبين
كلهم تركو شغلهم وحضنو هيام والكل انبسط بشوفتها حتى رولا الي هي عدوت هيام فرحت
اخر شي البتول ناظرت في هيام والدموع في عيونها ومتردده تحضنها او لا عشان تخاف تتفشل
هيام مسكت البتول وحضنتها:وحشتيني وحشتني مشاكلي معك
البتول م قدرت تتخظى لطافة هيام وصارو احسن شله من بعد ذا الموقف
_____________
بزواج روان الصباح
الجده طبعاً دخلت غرفة العيال تصحيهم عشان يودونهم القاعه عشان يجهزون كلشي وقام تركي عشان يوديهم
هيام والبنات والجده راكبين مع تركي
تركي عدل المرايه عشان يشوف هيام ناظرت هيام في المرايه وفي عيونه ب الغلط
الجده:اخ بس ي تركي متى زواجك انت وهيام
ناظرت هيام تركي وتركي ناظر هيام مغروعين
الجده بسم الله وش قلت انا اعوذ بالله
تركي:ولا شي ي جده بس بعلمك بعدين متى ابي املك عليها و

بنات ادري مرا نرفزتكم بس قررت ازود بارت عشان اولاد هيوم و روان
وضيفونفي انستا باي
وش رايكم بارت اليوم عساه حلو بنسبه لكم
شوفو ادري بتسفلون فيني بس على اخر لحظة جاتني فكره لعيال هيام و روان🥹