✳ الجزء 6 ✳
♥ احـــــلام ســـــــعــــــد ♥
⚛ عيد الفطر ⚛
💓 حب قلبي 💓
🌸فاطمة الزهراء مبارك🌸
بقات تحك ليها حتى كملات و شلات ليها ضهرها وجلسات حداها تكمل الراسها حتى جات طيابة عمرات ليها السطولة وحكات ليها حتى هي و خرجات هبطات شعرها و تشلات و خرجات البرا لقات سعدية كملات و خرجات كتجمع مع العيالات الحومة
ياله جلسات تستارح و هما يبداو عليها في التسوال واش باقي واش واش واش فرعو ليها راسها حتى ناضت مرات وحدة من ولاد دوك العيالات
***:اوا اختي دابا فات عليك الركب حتى الا تزوجتي معتولديش
احلام(هزات راسها):ها انت ولدتي اش قضيتي راجل راه في مدينة أخرى مخور وحدة أخرى و خلاك انت هنا مخورة و بجوج دراري ما انت مزوجة ما انت مطلقة
***(سكتاتها)
احلام:و زيدون انت مشي هي ربي لي تدوي عليا واش نولد ولا منولدش نوضي امي الا سليتي جماعة مع هذه القوم نوضي
ناضت هزات صاكها و تبعات بنتها تفرنس كي عجبها الحال منين كترد ليهم الهضرة دازت عند الخياطة صحبتها هي لي كتواجد ليها قفاطن العراسات خدات من عندها قفطان في البلونكاضي و خدات لمها قفطان في الكحل و زادت الدار
طلعات حطاتهم و جلسات تستارح صايبات سعدية اتاي و حطات الحلوة و سخنات المسمن و حطاتو و شافت في بنتها
سعدية:كولي ابنتي كولي راه العرس معيحطو لينا العشاء حتى 4 الصباح
احلام(هزات راسها):انت غادا العرس تفوجي ولا غادا تاكلي
سعدية:ب 3
احلام:هااا
سعدية:والو والو
منين قصدات والو راه مشي والو غير عتبدا هي وبنتها في شد ليا نقطع ليك اما هي غادة تفوج و تاكل تقلب ليها على عريس المهم باغيا تزوجها هذا مكان راه واخا مكتدويش و تبان دافعة كبير ولكن راه القلب مشوي من هضرة الناس لي مكترحمش راه ميحس بيك غير مك ز هذا مكان
كملو تفرجو حتى كي سمعو الديدجي تطلق ناضت طلعات الصالة و مكياجها قادات حالتها و طلقات شعرها هزات قفطانها لبساتو و نزلات التحت تقلب على مها بزز باش قاداتها حتى هي و رشات ريحتها مع صندالة عالية و صاك و هزو جلايلهم سمعو الدقان مشات سعدية خلات لقات صحاباتها جاو خرجات معاهم تلاقات مع صحبتها شادة ولدها في يديها
ريحاب:ياختي ياختي اليوم طايح كثر من النايض
احلام:زيدي و سكتي راه شحال هذه ما قاديت راسي
ريحاب:اااه البريستيج الله يخليك عنداك تنسايه ليا
احلام (ضحكات):متخافيش
زادت دخلات معاها مضحك ريحاب هي الوحيدة لي كتخوي عليها قلبها حتى هي مكتنساها صحابات من صغر مشات جلسو في القاعة و كي ضحكو
على برا كانت وقفة معاه و هو داير يديه من مور ضهرو كي شوف في مو :عجباتك امي
بشرى:غزالة ا سعد هي لي تليق ليك
سعد(كي قاد ساعتو):من مور رمضان سيري خطبيها ليا
بشرى (ضحكات):بصح
سعد:مكنلعبوش هنا امي دويت الله يجعل البركة
تبسم ليها بنخوة و دخل الداخل عند ولاد عمو جلس معاهم في طبلة وحدة
VOUS LISEZ
🔥 احـــــلام ســـــــعــــــد 🔥 ⚛ حب قلبي ⚛ تيما مبارك كاملة بالدارجة المغربية
Action🚨🚨🚨جديد جديد🚨🚨🚨 🔥🔥 حصريا فقط على مجموعة جواهر كيسرى الاصلي🔥🔥 #لا_يــــــــــــــــــــحـــــلـل_نشر_نهائيا قراو لتحت👇👇👇 🌼🌼 🍀السلام البنااتي جوهراتي اميراتي حبوباتي متتبعاتي الوفيات جيت ماجيتش بيديا خاويين جيت نشارك معاكووم قصة من ال...
