#زوجتى_المغصوبة
بقلم زهور جمال الدين
الحلقه (4)
_
بدت المشاكل تطلعلى .. لكن على اى حال مهما تكون مشاكل اهل خالد معاى بتكون كبيرة .. مش حتكون اكبرمن مشكلتى مع خوى اللى طلعت منها بأعجوبة ...زمان خالتى قبل ماتتوفى تقولى ياهنيوة ما خديتى من الهنى غير اسمك .. ليش هكى صارلى منيش عارفه ... لكن انا مستبيعه كل شى من زمان .. يعنى حياتى اللى كنت عايشتها مع عمتى ناجيه مش حتكون احسن من هالعيشه اللى بنعيشها عند الناس
هادو... عالاقل هنايا عندهم كناين وبنات..حتى كانا خلونى نخدمهم فى من يعاون .. لكن فى حوش مرت بوى زمان كان كل شى على راسى بروحى .. كانت هيا فالاعراس واللمات وانا الشغالة اللى نشدلها صغارها الصغيرين .. انا ماواجعنى غير ولد عمى اللى يبينى .. ااه يبيك .. كيف يبيك وانتى من عمرك 12 عام ماشفتيشى ولا سمعتو عليه خبر ...
سرحت ندكر لما كنت فى مطبخ حوش عمى واقفه عالحوض نغسل فالاماعين انا وندى بنت عمى ...ندى نادتها امها طلعت .. وخش ناجى ولد عمى للمطبخ
-ناجى / فى اميه
-تلفتله كل براءة واعجاب / فى اميه حلوة فالسطلالازرق
.. خود طاسه معاك
وتلفتت نكمل فى غسل الصحن .. جى ناجى وراى ومد يده زعميتا بياخد طاسه من الدولاب .. لصق فيا بطريقة سخيفة
.. نخلعت .. تلفتتله بندفه ... خفت
نشبحله مخلوعه / خيرك
-ناجى/ محلاك
وقرب منى يبي يبوسنى .. قمت يدى وضربته كف
ومن يومها معش شفته ... اشبح زعلان من هداكة الكف وفاتنى ولا مزال معترف بي خطبة بوه ليا ويبي ياخدنى .. صايرلى ستك ومعش عارفه نخمم
-سعاد / منين اصلك
فقت من السرحان اللى كنت فيه ..متكيه جنب الباب .. قمت راسى وشبحتلهم ... لقيت وحدة منهم تشبحلى فى شبحة كره ... غيرت عيونى طول خفت منها وشبحت لى سعاد وقلتلها على اصلى منين ومنطقتى .. وكان واضح انها كنتهم خاطر تقول للعزوز الكبيرة ياعمتى
وقفت البنت اللى تشبحلى بكره / انت شن جابك توة .. يااااربي تموتى ونفتكى من هالمصيبه اللى صارتلى
-سعاد / اسكتى يازينب عيب عليك
وانا نخمم .. اهاا اسمها زينب .. والباين عليها مرته .. شكله كدب عليا وقالى انه مش متزوج ..
اللى اسمها نبيله تشبحلى وساكته ... انفتح باب الدار .. خشت منه بنت لابسه سروال وكبوط وحجاب
البنت / خيركم شن فى عركة فالحوش كله ..
شبحت لى اختها لى كشخت عليا / شن فى يا زينب
وشبحتلى / هادى شكون
-سعاد / ياودى اسكتو .. تعرفو خوكم واعر ويغبرها على روسكم فى هاليوم الابيض هدا
شبحت للى كشخت عليا / اهاا اسمها زينب .. لكن ليش مرت خوهم تقوللهم خوكم ..معناها هادو خواته .. زعما مش مرته
-سعاد / خشى اسلبى كبوطك يا فيروز خير مايخش خالد يلقاك لابسه يديرنا حالة
-نبيله/ خيركم مروحه توة يا فالحة
انا نشبحلهم زبطت اساميهم الثلاثه .. زينب ونبيله وفيروز
غير نبى نتاكد اللى اسمها زينب مرته ولا اخته
-فيروز / يا ناس حد يفهمنى شن فى .. والبنت هادى منو
-نبيله / الاخت الواقفه هادى تكون مرت خوك خالد
-فيروز شهقت / هىىىىى ورجاء بنت خالى .. ياغبارة
وقفت زينب ورمت المخدة اللى على سريرها وتوجهت للباب ..
تشبح لى هناء بغل / وربي اللى خلقنى كانا تتقربع عليا لما نقربعها على راسك...
وفتحت الباب وطلعت ...
-نبيله جت جيهتى / اهلين مرت خوى
وقعدت تسلم عليا بالوجه
سعاد شبحت لى فيروز ضحكت / اماااا انتى
-نبيله / مع الواقف
-فيروز تضحك / تى خيركم .. مش قلتو مرته .. خلاص مرحبتين بيها .. احنا ماليناش علاقه بالموضوع
سعاد ابتسمت / عين العقل ...
وتلفتتلى / مرحبتين بيك اوخيتى ...
وتلفتت لحماواتها / نستادنكم توة .....وطلعت
ممكن مافاتتش ثلاثين ثانيه ... وانفتح باب الدار متع البنات بالقوة
-خالد وجهه احمر / اطلعى ..
شبحتله بي خوف ... مفهمتش
-خالد يعيط / قلتلك اطلعى هيا ...
خواته ماتكلموش .. شكلهم حق يخافو منه ...
طلع خالد وانا وراه .. طلعنا للصالة
