البارت 24
ذهب سليم لمكان الشخص المجهول ولم يدري بما سيفاجاه
سليم للمجهول : فين العنوان
المجهول : اهو يا باشا عنوان الاتنين
سليم : انا عايز عنوان العيلة اللي جابت بنت وولد
المجهول : اتفضل يا باشا وفيها اسم البنت وكل حاجة عنها
سليم : طيب روح انت لحد ما احتاجك
المجهول : امرك يا باشا
ذهب المجهول وظل سليم يقرأ المعلومات عن حور وعائلتها
سليم : اسمها حور محمد محمد المهدي يا تري هتتقبل الموضوع لما تعرف ولا لاء وذهب سليم ليخبر جده بالتفاصيل
علي الجهة الأخري في القصر
سراج : انا اسف يا انسة اميرة بس كان لازم اعمل كده علشان سها تفهم غلطها وتحس انها هتخسرني
اميرة : ولا يهمك انا عارفة انك بتحب مراتك وعايزاها ترجعلك واكيد هي ندمانة دلوقتي
سراج : متخافيش كل حاجة هتنتهي انهاردة وانا اسف علي كلام رؤي معاكي
اميرة : لاء ابدا هي متعرفش حاجة فمش لازم تعتذر
سراج : طيب تمام شكرا لمساعدتك بجد
في غرفة حور كانت تغني بصوتها العذب الجميل
فدخلت والدة مليكة للغرفة
والدة مليكة باستغراب : مليكة انتي من امته بتغني انتي صوتك مش حلو في الغنا
حور بتوتر : ابدا ما أنا حاسة أنه صوتي متغيرش زي ما هو يمكن انتي اتهيألك
والدتها: وانا كمان هاغلط في صوتك
حور بخوف : لاء يا ماما تلاقيكي اتخيلتي بس مش اكتر
والدتها بدموع : انتي قلتي اي
حور : طب بتعيطي ليه انا قلت حاجة تضايقك
والدتها: انتي نادتيني ماما وانتي من بعد الحادثة مش قولتيها وانا محبتش اضغط عليكي في حاجة
حور بحزن : انا اسفة انك كنتي بتتعذبي بسببي
والدتها : لاء يا حبيبتي أنا مش زعلانة انا فرحانة قوي وعلشان كده هانزل اعملك الاكل اللي بتحبيه كله
وذهبت والدة مليكة للمطبخ وتركت حور في غرفتها ولم يروا عز الذي استمع للحوار وسمع صوت حور واندهش لجمال صوتها
عز : مليكة عمرها ما غنت ولا صوتها كان حلو كده لاء في حاجة في موضوع الذاكرة ده وكمان عادات مليكة اتغيرت خالص
حسام : انت بتكلم نفسك يا عز ولا اي
عز : يا ابني حرام عليك خضتني
أنت تقرأ
عشق أحفاد الجوهري
Mystery / Thrillerيوما ما نكتشف أن كل ما نعيشه ليس حقيقه إنما مجرد خدعه رواها لنا الزمن وتأتي الأسرار تكشف كل ما خفا فهل نتحمل الحقائق والأسرار اما نهرب من هذا الواقع الاليم
