السلام عليكم
......
ليان : اي وذا ثروه المهم خليهم بجنطه زغيره ونطيهم اله من يكعد
كاظم : ماعرف احساس شي غير الكم
ليان : مافهمت
كاظم : ماحس بيكم تحجون صدك بس المهم لاتزعلين الولد نايم وأنتِ نامي رتاحي والفلوس يم محمد صارت
ليان : ويا نفسي كاظم إحساسه صدك لو عرف اني جايبه مجرم اروح بيه
نمت وعلا صوت محمد كعدت
محمد : كعدي ولج
ليان : شكوو
محمد: الرجال الي اجه وياج يريد يروح بس كال اريد اشوفه عندي موضوع
ليان : اي جايه تمام
كمت لبست شي مرتب ونزلت
لكيت محمد وكاظم براء
كاظم : دخلي
ليان : ليش واكفين براء
محمد: يريدج موضوع وسويه عساس
ليان : تمام
قزح : دخلت ليان سلمت وكعدت كدامي
ليان : وين رايح
قزح : اروح أخذ اغارضي من مكان هذاك وراها احجز وطلع من العراق
ليان : زين نبقه علا تواصل
قزح : بكيفج
ليان : كمت نطيته رقمي يمته تكمل اوراقك
قزح : ماعرف بس انتبهي احد يعرف بس علا ماطلع منا بسلامه
ليان : دنكت راسي وكلت صير مسالم وعوف سوالف القتل
قزح : عايفهم أو احاول ولايهمج
ليان : لاتحاول أكد هل شي الي
قزح : تمام ليان واسف الج وكلشي صار بسببي وهاي جروح الي نصابيتي بيهه
ليان : بس جرحك اقوى
قزح : اني اتحمل بس أنتِ لا مو طبعج الاذه طبعج السلام حته اخوانج نفسج
ليان : عاد هاذا زين لو شين
قزح ببتسامه : اكيد زين
سوال ليان
ليان : جواب
قزح : عرفت اخوانج من شكلهم بس الي ويا منو
ليان : الحنطاوي ومعضل ابو سياره هاذا يصير كاظم مزوج أخته يعني أقاربنه اما الثنين علي مزوج بنت عمي ومصطفى صديق العائله واخونه
قزح : يديم العلاقه
ليان : امين يلا لاتتخر فهمت هنا
قزح : تمام يلا مع السلامه
ليان : باي طلع قزح وسلم علا كاظم ومحمد وراح
بعد اربع ساعات
