Strawberry Chocolate Vanilla Ice-Cream [Completed]

Chocolate 🍫

"'အာ့""

""ရရဲ့လား အဆင်ပြေရဲ့လား""

စာအုပ်တွေနဲ့အတူတူ လဲကျသွားတဲ့ ယူဂျင်းတစ်ယောက် သူ့ကို တိုက်သွားတဲ့လူကို ပြန်အော်မည်ဆိုပြီး မော့အကြည့်

အမေ့ ချောလိုက်တာ ဘယ်လိုတောင် ပြုံးပြနေတာတုန်း

ယူဂျင်းရဲ့ ပုခုံးနှစ်ဖက်ကို ကိုင်ရင်း ပြုံးပြနေတဲ့ သူ့မျက်နှာချောချောက ယူဂျင်းနှလုံးသားတစ်ခုလုံးကို ရိုက်ခတ်လိုက်သလို ...

ပြင်ပစာကြည့်တိုက်မှာ ရောက်နေတာမို့ ဘယ်ကလူလည်း သေချာမသိလိုက်ရ။ ဒါပေမယ့် ကံကောင်းတယ်ပဲ ပြောရမလား အင်္ကျီက ကျောင်းတံဆိပ်ကိုတော့ ယူဂျင်းသေချာ မှတ်မိလိုက်သည်။ ဘယ်သူမှန်း သေချာ မသိ‌ရသေးတာမို့ ထိုလူနှင့် အလိုက်ဖက်ဆုံး နာမ်စားတစ်ခု "ကိုကို" ဆိုတာကို ပေးထားမိသည်။

ကိုကို တိုက်မိလိုက်လို့ လဲကျသွားတဲ့အချိန် ယူဂျင်းရဲ့ နှလုံးသားလေးပါ ကိုကိုနဲ့အတူတူ ပါသွားပြီထင်တယ် ကိုကိုရေ ... မြင်မြင်ချင်း အချစ်ဆိုတာ ဒါမျိုးပဲ နေမှာ ...

×××××××××××

ဟန်ယူဂျင်း ဆိုတဲ့ နာမည်ကြားပြီး အိမ်ပြန်ရောက်ကတည်းက Facebook, Instagram, Twitter, Thread စုံနေပြီ လိုက်ရှာနေတာ အဲ့ကလေးလေးအကြောင်းနဲ့ ပတ်သက်ပြီး ပိုသိချင်လို့လေ ...

သူ့ကို မြင်ဖူးနေတာတော့ ကြာပြီ။ အခု ရေခဲမုန့်ဆိုင် မဖွင့်ခင်ကတည်းက ခဏခဏ မြင်ဖူးနေတာ။ ကျွန်တော်သွားနေကျ စာကြည့်တိုက်မှာ သူ့ကို အမြဲလိုလို တွေ့ဖြစ်နေတာ။ အမြဲတမ်း ကာတွန်းစာအုပ်အတန်းမှာ ရပ်ရင်း ပြုံးပြုံးလေးနဲ့ စာအုပ်ဖတ်လေ့ရှိတတ်တယ်။ ပါးဖောင်းဖောင်း ဆံပင်အုပ်အုပ်လေးနဲ့ ယုန်ပေါက်လေးနဲ့ တူလို့ ဘာရယ်မဟုတ် ကျွန်တော်လည်း သတိထားမိနေတာ ..

တစ်ရက်ကျ စာအုပ်တပုံတပင်နဲ့ သူ့ကို လူတစ်ယောက်တိုက်မိသွားတော့ အဲ့ဒီ့ကောင်လေး လဲကျသွားတာမို့ သွားထူပေးလိုက်သေးတယ် ပြန်မော့ကြည့်တော့ ကျွန်တော့်ကိုလေ မျက်လုံးဝိုင်းဝိုင်းလေးတွေနဲ့ စိုက်ကြည့်နေတာဗျား ချစ်စရာကောင်းလိုက်တာဆိုတာ အူယားလို့ ဘာဆက်လုပ်ရမှန်းတောင် မသိတော့ဘူး

အစကတော့ သွားထူပြီးရင် မိတ်ဆက်ဘာညာ လုပ်မလို့ဟာကို သူ့ကို ကြည့်မိလိုက်တာ ရင်တွေ ခုန်လွန်းလို့ ဆက်မနေနိုင်တော့ဘူး သူကလည်း အဆင်ပြေတယ် ပြောတာနဲ့ ဒီတိုင်းပဲ ထွက်လာခဲ့မိလိုက်တယ်

ခုန်နေတာ ရပ်ပါတော့ နှလုံးသားရေ အပြင်လည်း ရောက်လာပြီလေ နော် တစုံတယောက်ကို ဒီလောက်အထိ ရင်ခုန်ဖူးတာ ဒီကောင်လေးက ပထမဆုံးပါပဲ

နောက်နေ့ကျရင်လည်း မိတ်ဆက်ဖို့ သွားရမယ် ဆိုပြီး ဆုံးဖြတ်ခဲ့တယ်...

အဲ့တုန်းက အိမ်‌ သာ မပြောင်းခဲ့ရင် ကျွန်တော်လည်း စာမေးပွဲမရှိခဲ့ရင် အဲ့ဒီ့ အနှီကောင်လေး ပေါက်စနကို ကျွန်တော် နောက်တစ်ခါ ထပ်တွေ့နိုင်ဦးမှာ ... ဒါပေမယ့် အခုလို ကျောင်းရှေ့မှာ ပြန်တွေ့ရတော့လည်း ပိုကောင်းတာပေါ့ ဟီဟိ

ရေခဲမုန့်က စားလို့မရလို့ စားလို့ရရင် နေ့တိုင်း အချိန်တိုင်း သူ့ဆိုင်မှာ သွားဝယ်စားနေမှာ စကားပြောချင်လို့လေ ဒီနေ့တောင် ရစ်ကီ့ကို ဝယ်ကျွေးမယ်ပြောလို့ သူ့ခမျာ ယက်ကန်ယက်ကန် လိုက်လာရင်း စားပေးရရှာသည်။ အကျိုးတော့ရှိသွားတယ်လေ ယုန်ပေါက်လေး နာမည် သိလိုက်ရပြီ ဟန်ယူဂျင်းတဲ့

**kimgyuvin04_gyu is following yujinnie_hyj**

××××××××××××

အမေ့ ဘယ်သူတုန်း ဟ ပုံတွေအကုန် like ဝင်ပေးထားတာ ဟင်? ကိုကိုပဲ ကိုကို့အကောင့်ပဲ မေကြီးရေ ဟန်ယူဂျင်းတို့တော့ သေပျော်ပါပြီ ကိုကိုက ယူဂျင်းအကောင့်ကို လာ follow ပြီး ပုံပါ အကုန် like ပေးသွားတယ်တဲ့

ပျော်လွန်းလို့လေ ရင်ထဲမှာ ပန်းတွေရော လိပ်ပြာတွေရော နှင်းဆီတွေရော နေကြာတွေရော အကုန်ပွင့်နေပြီ ရင်ခုန်ရလွန်းလို့ ဗလောင်ဆူနေတာပဲ

နာမည်က ဂယူဘင်းတဲ့လား

ပုံတွေက ချောလိုက်တာ ကိုကိုက ဘတ်စကတ်ဘော ကစားရတာ ကြိုက်တာပဲ စာဖတ်ရတာလည်း ကြိုက်တယ် ထင်တယ် ဖက်ရှင်လည်း ကျလိုက်တာ 

ဂယူဘင်းပုံတွေကို တစ်ပုံချင်းစီကြည့်ရင်း ဂယူဘင်းအကြိုက်တွေကို ထိုင်သုံးသပ်နေမိသည်။ ဒီနေ့က တကယ်ကို ယူဂျင်းတို့ ထီပေါက်တဲ့နေ့ပဲ။ တကယ်ကြီး ထီပေါက်ရင်တောင် ဒီလောက် ပျော်မိမယ် မထင်ဘူး..

ဘိုင့်ဘိုင် ရေခဲမုန့်ဆိုင်လေးရေ အခုတော့ မလိုတော့ဘူး ကိုကိုနဲ့ အတူတူ ပန်းခင်းလမ်း လျှောက်ဖို့ပဲ ကျန်တော့တယ် အဟိ

××××××××××

Noti Ring

**yujinnie_hyj followed you back.**

**yujinnie_hyj replied your story**

TBC 🔜