گمرة الــ ضرغام
__________________---_____
الكاتبه [ بنو]
__________________---_____
مالي قِسمه بـ كلشي جا ضلَت عليك؟! ✨
_______________________________________________
***ملاحظه :- ماحبينا هواي نتطرق لأحداث موت ابو عيسى
.
.
.
بعد مرور 30 يوم
__ كارمن __
كاعده بالمحاضره و قمراء يمي و بالنه ابد مو مع الدرس لحد اليوم نفكر و نريد نعرف منو السبب بموت بابا و ليش فجأة هيج صار
الاستاذ :- كارمن رجاءً انتبهي للمحاضره
فزيت ع صوته و من صدك حاولت اركز بالمحاضره لان مبقه شي للأمتحانات و طبعاً احنا ماردنه نكمل گلنه السنه جايه نعيد لان راح واهسنه من بعد ذاك اليوم بس عيسى اصررر نكمل هاي السنه لان مَ بقالنه شي
_ حاضر استاذ
كملنه المحاضره و بقالنه بس وحده كملناها و طلعنه جان قمراء تكول
قمراء :- اگُلج هذا مو نفسه الولد ابو المحفضه طلع ويانا بالصف و ما منتبهين اله
_ انتبهت عليه و طلع هو صدك.. يي لج هو بس ممنتبهين
_ شفته صعد بسياره GMS مشينه للسايق و رجعنه للبيت عيسى ما موجود ليل و نهار يشتغل و من يرجع بس يتعشه و ينام حالته كلش سائت لان هو اكثر واحد متعلق بـ بابا.. ماما كاعده داتخيط المخاد و طبعاً صارت الها جلطه خفيفة بس الحمدالله عدت ع خير طلعت فوك اكمل درس و قمراء لحكتني
قمراء :- اگلج تعالي فهميني هل موضوع
كعدت ادرسها و ادرس وياها فوك الـ3 ساعات تعبنه كلش و نمنه
___________________________________________
: في مكان اخر من مناطق بغداد الـ معروفة:
" زمرد"
دا أحفر الشجر و البيتنجان علمود اسوي محشي و دخلت وجد عليه هستوها راجعه من الجامعه
زمرد :- وعليكم السلام.. شبيج متعرفين تحية الاسلام
وجد :- زمرد طيري عني روحي طالعه من خَشمي
_ اوييي عيني و شبيج مبومه بوجهي عفيه بشر مايبتسم طول عمره ماما شويه غيري هذا الطبع مالتج
وجد :- داخل بجيبج شي ها؟
_ لا ماداخل بس اكلج فهمنه انتِ تعيسه بس مو لهل درجه
وجد :- حجي يفيدج
زمرد :- دخلت و عافتني مثل الثوله طبعاً وجد من يوم الماتت صديقتها جانت صف رابع اعدادي لحد هذا اليوم هي ماتبتسم و لا تضحك ولا تجتمع مع اي شخص و مگضيتها حزن و ملابسها كلها لون اسود و كلنا نعرف هاي جانت اعز صديقه الها و طبعاً وجد من نوع الهادئه كلش و من صار هل شي زادت اكثر و هل شي دمر نفسيتها اضعافاً ومگظيه وكتها بالتمارين و الدراسه.. و بالنسبه الي مكمله صيدله و اشتغل مع بابا بالصيدليه
أنت تقرأ
گمرة الــ ضرغام
Mistério / Suspenseومَن بعـدك سـ يحميني ° ومَن بعـدك سـ يدفيني ° و الاهم. مَن بعـدك سـ يحبني انـا انثى ضائعة من دونك التفت حولي لأرى ظلك واحضنه من دونك ايِـن انت.. مِـن انت.. لِماذا انت.. هل تُحِبَـني انت.. انــا قـَمـَرك يًــا لَـيلي °°
