بــسم الله الرحمن الرحيم
چــواهر الليل
للكاتبة:روزا علي
أجيك بَلهـفتي الـ تچوي ،وارد بَردان وادفه
بنَدم جَيتي 🤎
______________________—
_____________________________________________________
في احد بيوت بغداد الساعة الثامنة صباحا
* :دكومي يولل شلعتي كلبي عاد
* خمس دقايق بس خمسة
* وسامم تعال شوف بتك متقبل تكوم
* كايمة كايمة
ضحكت الام شلون مخبوصة
أسماء:صباح لخير
وسام:صباح لنور حبيبتي
اسماء:يلة جواهررر فاتج لوكتت
جواهر:جاية جاية
نزلت وهية تلبس بحذاء
جواهر :صباح لنوررر والسرورر
وسام :صباح لورد تعاي تريكي علمود اوصلج
جواهر :ما الحك تأخرت عود بالكافتيريا اتريك
وسام : خوش يلة طلعي
جواهر:وصلت للجامعة طبعا محاضرتي تبدي ب10شفت لساعة ب9:40همزين لحكت هنا لدكاترة فد نحيسين ميخلون احد يدخل وراهم ابددد شفت صديقتي هـبة رحت سلمت عليهه
هـبة:لج شهـل جمال ولاناقة يابةةة
جواهر:انتِ هـبة لو غيرج
هـبة :هههههههههه لا لا هـبة بشحمهه ولحمهه
ضلينة نسولف ونحش بالدكاترة وطلاب لحد صارت ساعة 10 طبينه وبدة لدكتور يشرح اني كلش مركزة ويا عكس هـبة خلصت لمحاضرة وطلعنا
هـبة:هذا شيحجي اشو كلشي مفهمت
جواهر :اذا انت صافنة مادري وين
هـبة:هسة شورطني ودخلت طبية
جواهر:غيرج يتمناهه اصلا هانت احنة هسة مرحلة ثالثة بعدلنة تلاث سنوات هانت هانت
طبعا اني كل سنة اطلع الاولئ علئ لدفعة وكل ما اتكاسل اتذكر اهلي شلون تعبوا وياي وصلوني لهاي لمرحلة وابد ما صادقت غير هـبة طول لثلاث سنين لين احس كل لصداقات الي بلجامعة مصلحة ونفاق وعلئ الارتباط مستحيلل اخون ثقة اهلي مستحيل
خلص لدوام ودكيت علئ بابا يجيني اجة ورحنة للبيت وشمت ريحه مال دولمة يابةةةة اكلتي المفضلة انتحرت بلدولمة ورحت نمت نومت اهل لكهف كعدت ساعة 9 وخبطت عندي ليل نهار وره نص ساعة عود استوعبت نوب لعبة نفسي احس لاكل نام علئ كلبي كلت لامي كالت حطي لبن وليمون وملح خوب هاي لخلطة لازم كل ما تلعب نفسي اسويها شربته وجان عدنة امتحان ثاني يوم اني جنت مسيطرة بس اراجع لين اقرة بلعطلة وبلمحاضرة هم ف اصير مسيطرة بس راجعت وكعدت انضف اجاني شغف فجأة ساعة اطلع اغاني سجودة ساعة عمرو اخير شي شفت ساعة ب3 لفجر شبسرعة طفيت لاغاني وكملت تنضيف وانتضر يأذن علمود اصلي اذن وصلت وكملت ردت انام ما اكدر شبعانة نوم دزيت لصديقتي مردت امبينة بسابع نومة كعدت اراجع واكلب بلتلفون صارت ساعة ٥ونص كلت خل اسوي ليوم اني لريوك سويت بيض مسلوك بس انفجرت وحدة بس عادي اصلا اطيب وطماطة حمس وحطيت جبن وسلاطة وزيتون يعني من هذن كلاوات لعيد كملت شوية وسمعت صوت منبه امي كعدت شافت لريوك ما مصدكة طلعت مني كمت مابقيت صباحية ماكتلهه صرت مثل هذن من ٥ لصبح يدزن جمعة مباركة ورد كعدنة نتريك ويمدحون بيه هوة بس لجبن طيب بس مرادوا يكسرون خاطري لطماطة بيه طن ملح صار عندي ضغط بس ضكتهه ولبيض مشوه بس مقبول لجاي طيب اني اصلا چايجية مال لبيت رحت بدلت كشوخي بنطلون اسود قماش وهاينك اسود وسترة بيج وحجاب اسود وبوت ابيض وجنطة بيضة طلعنة وجانت تنقط مطر طبيت للجامعة وامتحنة وطلعنة رحنة نشرب قهوة ونحش اني وهبة اشو اجة واحد من قسمنة كال ممكن اكعد يمكم ؟
جواهر:تفضل رايد شي ؟
عادل:ممكن احجي وياج ؟
جواهر : تفضل
عادل : علئ انفراد اذا ممكن
جواهر: اني وهبة واحد اذا رايد تحجي شي احجي نسمعك
عادل : اني اريد افتح لموضوع من زمان بس خايف من ردت فعلج جواهر اني من مرحلة لاولئ معجب بيج وبشرفج بس جنت اكول هذا بس اعجاب بس بعد ستنين عرفت اني احبج ـلا مو بس احبج اموت بيج حبيت كلشي بيج وياريت تنطيني فرصة لين فكرت الف مرة قبل لااعترفلج.
جواهر:ماعرفت شكول صفنت شوية بعدن كلت دك
باب بيتنة ويصير خير ..
عادل: بس اني اريد اعرف انتِ توافقين لو لا جواهر
جواهر:يصير خير ان شاء لله
وكمت اني وهبة رجعنة للبيت ومر تقريبا شهرين نفس لروتين لحد ما صادفت يوم لجمعة طب لغرفتي بابا وكلي لخبر اني جايني خطابة وهوه وياية بلقسم ويسألني اذا موافقة لو ـلا وكال اخذي راحتج بلتفكير ورجعيلي خبر وطلع
ضليت مصدومة يعني هذا صدك جان يحجي ضليت حايرة وبابا سائل عله خوش ولد وكل يمدح بي وباهله وهمه اهل خير وكلش حبابين وضليت حايرة لحد ما حسمت قراري ورحت لبابا علمود اكله قراري ••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••
سلام عليكم ياحلوات ان شاء لله عجبكم البارت ولقصة بعد لتحكمون عليه من هسة انتضروا
شنو رايكم بالقصة؟
شنو رايكم بلسرد ؟
لتنزيل مو محدد احد لان لين اذا شفت تفاعل عليه انزل بين يوم ويوم اما اذا مشفت فكل اسبوع بارت
لبارت قصير لين اول بارت 🤍
ولتنسون لتصويت بين لفقرات 🤍
