Recommending song - Cruel Summer~ Taylor Swift
Unicode //
တိတ်ဆိတ်ခြောက်ကပ်သောနွေရာသီ၏လမ်းကလေးပေါ်တွင် စက်ဘီးကလေးတစ်စီးတရွေ့ရွေ့မောင်းနှင်နေပါသည်။
မောင်းနှင်သူ၏နှုတ်ခမ်းထက်ဝယ် အပြုံးတို့ကချိတ်ဆွဲလျက်။ လက်ကနာရီလေးကိုတချက်ငုံ့ကြည့်လိုက်ပြီး ပုံမှန်ရွေ့လျားနေသောခြေနင်းတံတို့ကို မက်သရူးမြန်မြန်အရှိန်တင်လိုက်၏။
ခဏအကြာ သူဦးတည်နေသောစာအုပ်ဆိုင်ရှိလမ်းကြားလေးထဲကို စက်ဘီးကလေးချိုးကွေ့ဝင်သွားပါတော့သည်။ နက်ဖြန်ကျောင်းပိတ်ရက်ဖြစ်သည်မို့် သောကြာနေ့ညနေခင်းတိုင်းမက်သရူး လာနေကျစက္ကူပန်းလေးအုပ်မိုးထားတဲ့စာအုပ်ဆိုင်လေးဆီပဲ ဖြစ်သည်။
စာအုပ်ဆိုင်ရှေ့ရောက်သောအခါ
မက်သရူးစက်ဘီးကို အရှိန်သပ်လိုက်ပြီး ဒေါက်ကိုထောက်၍ရပ်လိုက်သည်။ ထို့နောက် စက်ဘီးစီးလာရတာကြောင့် နဖူးမှာအနည်းငယ်ပျံနေတဲ့ချွေးစေးများကို အပေါ်ထပ်ရှပ်လက်ရှည်ကွက်ရဲ့လက်ဖျားလေးနဲ့ ဖွဖွသုတ်လိုက်ရသည်။
"အမ ကျွန်တော်ပြောထားတဲ့ဝတ္ထုစာအုပ်ရပြီလား"
စာအုပ်ဆိုင်အတွင်းဝင်လိုက်ပြီးမှ စာရင်းမှတ်ရင်းထိုင်ခုံပေါ်မှာထိုင်နေတဲ့ တွေ့မြင်နေကျအမကို မက်သရူးရင်းနှီးစွာပြုံး ပြရင်းမေးလိုက်သည်။
"ရတယ်မောင်လေး"
မက်သရူး၏အပြုံးကို ထိုအမကပြန်တုံ့ပြန်ရင်း ပြုံးပြကာ အံဆွဲထဲကစာအုပ်လေးတစ်အုပ်ကိုထုတ်ပေးလာသည်။
"ဟီးကျေးဇူးနော်အမ ကျွန်တော်ဒီစာအုပ်အရမ်းဖတ်ချင်နေတာ.."
"အယ် မောင်လေး.. မောင်လေးကြိုက်တဲ့ဆရာဂျော်နသန်ရဲ့စာအုပ်အသစ်တွေလည်းထပ်ရောက်တယ်နော်။ အနောက်ဘက်စင်တွေကြားထဲမှာ"
မက်သရူးမျက်ဝန်းတောက်တောက်ပပလေးတွေဖြင့် ပြုံးလိုက်ရင်း အနောက်ဘက်စင်ဘက်ကိုအပြေးလေးသွားကြည့်လိုက်မိ၏။
မဟုတ်တောင်မက်သရူးမပြန်သေးဘဲ စာအုပ်စင်တွေကြားဝင်၍ စိတ်ဝင်စားစရာစာအုပ်တွေတစ်အုပ်ပြီးတစ်အုပ်ရှာရတာကို မက်သရူးနှစ်ခြိုက်သည်။ မက်သရူးရဲ့နွေရာသီက လေတဖြူးဖြူးတိုက်ခတ်နေတဲ့ ပြတင်းပေါက်ဘေးမှာငြိမ်သက်စွာထိုင်ပြီးစာအုပ်လေးတစ်အုပ်ဖတ်နေရသည်ပဲ ဖြစ်၏။
YOU ARE READING
The summer of falling in love (gunthew)
Fanfiction"တခြားသူဘာဖြစ်ဖြစ် ကျုပ်ဂရုမစိုက်ဘူး! ခင်ဗျားကျုပ်အနားရှိနေဖို့ပဲ အရေးကြီးတယ်ဆော့မက်သရူး" "ကိုယ်လည်း မင်းအနားမှာပဲရှိနေချင်တာပါ.."
