بريق الحلال

الفصل الثامن

السلام عليكم ورحمة الله وبركاته عدت مره أخري فصل اليوم هيكون مختلف ممكن ميبقاش فيه نصايح كتير تابعوا الفصل بس اولا خلينا نصلي علي من اختصر الحب في *لا تأذوني في عائشه*

التفاعل والمتابعه وتعليق حلو يا غاليات

*************
بعد الكثير من التنظيف

حوراء وهي تقع علي المقعد /اااه ياني انا كده مش هكون بصحتي خالص كل ده تنضيف الواحد مبقاش صالح للبيع والشراء تاني

عائشه/ياختاااااي كان لازم اعمل نفسي بزحلق يعني كان لازم قال اي وانا فرحانه مفكره نفسي كده بلعب

رودي/حسبي الله ونعم الوكيل في اللي كان السبب

والدة رودي وهي تقذفها بالوساده/قصدك مين يا معدومة الأدب انتِ دلع ماسخ واصل

رودي بغباء/اه اي يا أمي بتتعلمي التنشين ولا اي وبعدين انا حددت اسامي لا يبقي بتخديها علي نفسك ليه ها عشان تعرفي انك انتِ اللي بتجري شكلي بس

والدة حوراء/طيب ايدكم معانا بقي نحضر الاكل بتاع الناس واكلنا قبل ما الفجر يأذن عشان نصلي كلنا جماعه

عائشه/في اي يا حماتي هو انتِ هتبدأي من دلوقتي ولا اي حرام ارحمونا ده زووولم واللهِ

والدة حوراء بتشنج/حماتي وزوولم اي يا بت الكلام ده اسمها ماما وبس إنما حكاية زووولم ده ف هو انتم لسه شوفتوا حاجه

أم عطوه/انا هدخل انيم البت زينه في اوضتها وكويس ان عطوه راح ينام مع الشباب عشان يرحمني من زنه شويه وجايه عشان نكمل

حوراء بغباء/بقولك اي يا ماما (أم عطوه)ما تجيبي زينه هدخل انيمها انا عشان اغطيها كويس

والدة عائشه/تغطي اي ي حور يا حبيبتي احنا في الصيف يا ماما قال تغطي قال روحي يا أم عطوه نيمي زينه واحنا هنطلع الحجات من الفريزر عبل ما تيجي

عائشه/انتم شوية ظالمين اه والله طول عمري اقول انك مرات ابويا محدش صدقني كلهم بيضحكوا علي احزاني

رودي بتأثر/ياعيني يا بنتي تعالي يا ضنايا تعالي فكك منهم مراتات الأب كده مش بيحسوا بأبنائهم

حوراء /عيطي يختي عيطي

عائشه ببكاء مصطنع/عااااااااااا طلعت مرات ابويا

حوراء /ياااه يا بنتي كمية الحزن دي جواكِ احكِ متخافيش احنا معاكِ

عائشه/كانت بتطفي السجاير تحت باطي وكانت عااا كانت بتجلدني كل دقيقه خمس جلدات وان معيطش تخلي الكلاب تاكل جلدي

رودي بغباء/عيشتي معاناه كبيره واحنا مش معاكِ يختي تعالي يا ضنايا تعالي في حضني

والدة عائشه بغباء/اي ده هو ابوكِ اتجوز عليا يا بت يا عائشه