حوࢪ

بارت«1»

بسم الله الرحمن الرحيم

اهلا اسمي حوࢪ اعرفكم على اهلي

الاب اسمه محمد
والام اسمها ضي
عندي 2 اخوان اني الجبيره اخوي اسمه سند اصغر مني ب سنتين والثاني اسمه اسد اصغر مني باربع سنوات

عندي 3 عمام

الجبير اسمه خضر ومتزوج بس مسجون وعنده 3ولد و2 بنات

وبعده اسمه قاصر وعنده 2 ولد وبنيه وحده

وبعده اسمه حمد وعنده 3 بنات و ولد واحد

نرجع لسنه 2014 

الاب: حور وينج تعالي روحي للاسواق جبيلي جگاير
حور: بابا بس شويه خلي يصير اعلان الله عليك ما اگدر اعوف الفلم
الاب: ولج يلا مو راح يعزلون
حور: تمام اجيتك انطيني افلوس خلي اروح بسرعه
الاب: اخذي روحي بسرعه باباتي
حور: تمام. رحت بسرعه للمحل اشتريت جگاير ورجعت ركض انطيته الجگاير ورجعت اتابع الفلم
وره ربع ساعه
الاب: ولج حور
حور: هاا بابا
الاب: تعالي سويلي جاي
حور: بابا دا اتابع 😭
الاب: بسرعه ولج
حور: تمام گمت بسرعه سويت الجاي وانطيته اله
الاب: عفيه عاشت ايدج
حور: بعد لا تصيحني اريد اكمل الفلم
الاب: يلا يلا ماشي روحي كملي فلمج
حور: رحت تابعت الفلم واجت ماما شغلت قرآن لان مغرب كل عاده وراحت تطبخ عشه وبابا گاعد ومغمض عينه وريحت البخور طيبه طبعا احنا عايشين ويه بيت اجدادي وبابا عازل فوگ بل قاط الثاني سند گاعد يم بابا واسد بحضن بابا يلعب بلحيته وبابا مغمض وفرحان واني اباوع عليهم وفرحانه اجت ماما وجابت العشه وگعدنه ناكل

ملاحظه
«بسنه 2014 اني عمري 9 وسند 7 واسد 5»

كملنه عشه ورحت اغسل مواعين وعدنه جدريه گعدت اغسل بيها شو هاي راح لونها اجت ماما وگامت تصيح
ماما: عزه ولججج لااا هاي ما تنغسل بل سيم
حور: لعد بيمن تنغسل. بذيج الليله انكتلت من ماما كتله معدله 😅
صار الليل وماما فرشت النه سند نام واسد هم بقيت بس اني وماما وبابا دا نباوع على فلم رعب يخوف نمت وفزيت واني مرعوبه

الاب: شبيج حوࢪ
الام: شبيج يمه
حور: اجاني الوحش
الاب: تعالي نامي يمي ما اخلي الوحش يجيج
الام: تعاي يمه تعاي نامي
حور: رحت نمت بنصهم وبابا حضني وحسيت بل أمان وراح الخوف
گعدت الصبح وماما محضرتلي هدومي مال المدرسه
رحت للمدرسه اني وسند اني رابع وسند ثاني ابتدائي وماما حطتلنه اكل بل جنط
شفت صديقتي
رقيه: هلاو حور شونج
حور: لج هللاا ضلعي شونج
رقيه: الحمدلله بخير تعاي خلي ندخل لا نتأخر
حور: يي بس خلي اودي سند للصف لان ميروح اله اني وياه مو تدرين
رقيه: الله يساعدج عليه هاي حتى بل بيت متعلق بيج
حور: لا والله بس بل مدرسه موتني
رقيه: يلا امشي
حور:  وديت سند للصف ورجعت لصفي درسنه واني جنت شاطره كلش وبل فرصه دا اسولف ويه رقيه وصديقاتي فجأه اشوف واحد لزم صدريتي انجمدت بمكاني وسمعت صوت بجي باوعت اريد اشوف منو لازمني وجان اشوف سند
سند: ضربوني
حور: ولك جفلتني اخ گلبي
سند: اريد ماماااااا 😭
حور: منو ضربك اموته الك والله
سند: هاذا وياي بل صف ضربني
رقيه: شنو اسمه حتى هم اروح اضربه الك
سند:  ......
حور: ولك ما تحجي
سند: اخاف
حور: تعال وياي وانت بس أشر على الضربك
سند: حرك راسه بنعم
حور: رحنا اني ورقيه لصف سند وسند دلانه على الشخص الضربه وحاجيت الولد انو بعد ميضربه اذا ضربه اوديه للمديره ونحلت المشكله

تسريع الاحداث
صارت عطلع نص السنه وماما اخذته لخوالي علمود نقضي كم يوم هناك
اعرفكم على خوالي عندي 3 خوالي

ناهد متزوج عمتي اخت بابا وعنده 4 بنات بس هوه متوفي
رافد متزوج وعنده ولد واحد
رائد متزوج وعنده 3 ولد
حسين متزوج وعنده ولد واحد

وعندي 6 خالات  ما عده امي طبعا كلهن متزوجات
ضي الي هيه امي
وشيماء  عدها ولد و2 بنات
وبيداء عدها 2 ولد وبنيه
اسراء عدها  ولد و2 بنات
عضراء عدها 2 بنات ولد واحد
ولاء عدها 2 ولد وبنيه صغار
وزينب عدها 3 ولد صغار
رحنا قضينا ايام العطله هناك واستمتعنه ورجعنا

بلش الدوام ورجعنا ندرس

الاب: بابا حور
حور: ها بابا
الاب: شونج بل دراسه
حور: الحمدلله
الاب: بابا ادرسي محد يفيدج غير دراستج
حور: نعديت من ماما 😅
الاب: يي مو كلامها صح
حور: انشالله بابا
الاب: صدك تعاي شوفي شجبت من ملابس
حور: جبتهن الي
الاب: لعد الي
حور: 😅لا مو قبل كم يوم هم جبتلي حسبالي جايبهن الاسد لان دائما اجيبله ومدلله
الاب: نجبي بابا
حور: انت تحب اسد اكثر مني ومن سند مو
الاب: كلكم احبكم
الام: اني يحبني اكثر منكم
حور: ليش يابه
الام: اني ابوج يموت عليه كتل نفسه كتل حتى ياخذني
حور: صدك بابا
الاب: ايي بابا جنت احب امج وجان راسها يابس گوه قبلت بيه
الام: لا مو جنت إني صغيره وانت ذبحت نفسك حسبالي تريد. تكتلني
الاب: 😅والله عليج سوالف انتي
الام: تذكر من رحت زعلانه لهلي
الاب: ياهي منهن انتي هواي تزعلين
الام: 😅😅😅
الاب: جان صعب علي فراگج وارجعج بنفس اليوم
الام: اي اني مسيطره عليك 😅
اسد: بابا. انت يحبني(تحبني) ائثر (اكثر) واحد
الاب: يبووو على هلسان اي بابا احبك اكثر واحد خلي يولون هذوله
اسد: هم احبك اني
ضلينه نضحك عليهم واسد صاعد على ضهر بابا وبابا فرحان
هاي اللحضات حلوه بل نسبه الي لان مراح ادوم
نمنه وگعدت ثاني يوم رحت للمدرسه استلمت النتيجه مال نص السنه وطلعت اوله على الصف وسند هم ناجح رحنا للفرن لان بابا يشتغل بل فرن مال صمون ودخلنه بشرنه بابا وبابا فرح حيللل وانطاني فلوس اني وسند ويضحك فرحان اكثر منه ورجعنه للبيت وماما هم فرحت بابا جان عنده جهاز وصور النتيجه ونشرها على الفيس
ومرت الايام
جنت طالعه بل شارع دا ناكل نبگ من شجره الجيران ولمحت بابا شال دبه الغاز ودخلها جوه ورحت اني هم وراه وتعشينه
الام: اگلك محمد
الاب:گولي عيوني
الام: باجر عيد ميلاد دونيا بنت اخوك
الاب: ايي
الام: راح تسوي حفله مرت اخوك وعزمتنه خلي ناخذ هديه لدونيا عيب
الاب: ماشي بويه باجر من ارجع من الجامع اشتريلها
الام: اي عفيه مو تنسه

طبعا بابا عاف شغله مال الفرن وگام يشتغل حارس مال جامع وهوه كلش أمين واهل الجامع يحبونه
ثاني يوم رحنه لبيت عمي عمي خطيه مسجون
لان جان بل دوام واجو حبسوه وسجنوه وكم مره مرت عمي راحت علمود اطلعه وماكو دائما مرت عمي تروحله احنا نحب عمي كلش وهوه جان حيل مؤمن 
بيت عمي بصف بيتنه رحنا واحتفلنه بعيد ميلاد دونيا جان عمرها 16 وبابا جابلها هديه ما اتذكرها شنو من هديه 
وكلها فرحانه بهاذا اليوم رجعنا نمنه وفزيت على صوت امي

الام: شون هسه هوه ويننن هسه جايه اني

راحت ماما وبعدين عرفت انو بابا جان عنده حراسه بل جامع ورايح ومتخربط ودگو على ماما راحت امي ومرت عمي خضير المسجون ضليت للصبح گاعده صارت بل 6 ونص رحت لبيت عمي خضير دونيا لگيتها منظفه البيت ودا تغسل اهدوم دا اسولف وياها وفجأه 
وجان اسمع. صوت صريخ.....