حوࢪ

بارت «2»

بسم الله الرحمن الرحيم

.
.
.
يلا نبلش

حوࢪ: دا اسولف ويه دنيا واسمع صوت صريخ من بيتنه لان بيتنه صاير حايط على الحايط

دونيا: يمه عزه هاي شكووو حوࢪ روحي شوووفي شكو ما اگدر اطلع رجليه جمدن

حوࢪ: طلعت من الباب ورحت لبيتنه واشوف مرت عمي حمد تصرخ وتبجي وتزلغ بنفسها اني انصعقت ماعرف شكو

مرت حمد: راح ابووووج حوࢪ راحححححح

حوࢪ: ضليت جامده شنووو راح وين راح

مرت حمد: ولج مات ابووج ماتتت

حوࢪ: لا لا ما مات لا ميعوفني لا جذابين ادري جذابين

مرت حمد: راح ولج راااح الغالي بعد منو النه راح العزيز

حوࢪ: لا مستحيل لا ما اصدك كم يوم ويجي ادري بيه كم يوم ويجيني ادري بيه
هل خبر مثل الصاعقه اجه على راسي واني صغيره
بعدني مشبعت من حنان الاب منزلت مني دمعه لان ما مصدكه بوفات ابوي وجنت صغير بس اسمع الصياح مال النسوان ماما خرمشت روحها وبس تبجي
وره فتره وجابو التابوت واني اباوع من بعيد احس الدنيا ضاقت بيه واني صغيره ما اعرف شنو الموت بس دا ابجي حسيت بعد ما اشوف بابا اخواني بعدهم صغار واني من وفات بابا وعيت على نفسي
بجيت بحرگه گلب على بابا بعد ما اشوفه ولا اسمع صوته ولا اشاقه وياه ولا اگعد بحضنه ولا انام يمه
ففدان الاب شعور حزين حيل حزين وكل ما تكبر يكبر الحزن والمحنه اله

ثاني يوم جان عندي امتحان لان جنه نمتحن اخير السنه وجان اخر امتحان عماتي مقبلن گالن روحي لان اخر امتحان گعدت الصبح وبدلت وتذكرت بابا ما موجود بفراشه حيل نقهرت رحت للمدرسه الصبح وصلت وجان يذيعون بابا بل. جامع واني بل ساحه وگفت يمي رقيه وحضنتني واني ماكو دموع المعلمه.
مقبلت تمتحني گالتلي روحي للبيت انتي ناجحه لان انتي شاطره ورجعت
مرت الايام وماما تبجي الغروب نگعد بل سطح وماما تأشر على النجمه وتگول هاذا ابوكم واني ابتسم للسمه حسيته صدك

وره اشهرر طويله

بده الدوام وصلت مرحله خامس ابتدائي وسند ثالث واسد سجلناه اول ابتدائي

الى ان اجه يوم وماما راحت لهلها وگالت اخوي رايدني بشغله مهمه ويريدني بس اني اروح
راحت ماما واختفت 3 اشهر
بقينه يم جدو وعمي حمد يعني بختصار نزلنه عشنه
بل طابق الجوه ويه عمي حمد وجدو 3 اشهر واني متعذبه اقري اسد وسند واني هم عندي قرايه ومرت عمي مشاكل وياي نهلكت احس عمامي ونسوانهم يعرفن ليش ماما اختفت حتى جدو بس ميحجون

غفران بنت عمي حمد: حوࢪ

حوࢪ: هاا

غفران: سمعت من ماما. وبابا انو امج زوجت

حوࢪ؛: بطلي شقه يمعوده

غفران: والله هيج سمعت

حوࢪ: نغزني گلبي بس ما صدكت مع العلم اختفاء امي واشتياقي الها زاد حيل كل يوم ابجي واريد اشوفها اسد جان متعلق بيها وسند من النوع الهادء ابد ميحجي بس بليل اسمعه يشهگ واحنا بقينا على هل حال الى ان يوم من الايام اجت ماما
وعمامي صرخو عليها وهيه تصيح وتگول اخذهم يعني آخذهم ركضنه للحوش(الطرمه)
وشفت ماما ضليت بس ابجي وسند يمي واسد مجلب بعباتها وعمامي يجرون باسد وماما مجلبه بيه اله ان نشگت عباة امي وماما مفرفحه واسد يصرخ
اجه عمي قاصر وسحبنه لجوه وگطعنه تگطع واحنا ما مسوين شي بس بقيت صامده واحاول احمي اخواني من ضربهم ومرت عمي خضر تجر بعمي
حتى يعوفنه راحو وبقيت بس اني واخواني
سند كلعاده ساكت وبس عيونه تجري واسد يصرخ واني ابجي واسكت بي انهضمت كلش لان محد ماد ايده علينه ويجي عمي يضربنه واحنا مامسوين شي
ثاني يوم واجت ماما وخالي وياهم واحد شرطي ماعرف شنو
اخذونه بدوم ميحجي احد من عمامي حضنت ماما واني ابجي واشهگ وسند واسد هم يبجون
وطلعنه بس اسد اخ منه ما يگعد راحه احنا ودا نطلع وجان اسد يشيل طابوگه ويشمرها عليهم ويغلط عليهم خفت لا يرجعونه بس ما حجو شي لان اسد طفل
رحنا بسياره واني گلبي يلعب لعب وخايفه وابجي اباوع على الشارع وابجي تحررت واخيرا تحررت من هل عذاب بعد ماكو ضرب ولا عياط ولا شي

وصلنه لبيت خالتي شيماء نزلت وسلمت عليهم بس الوجوه ما تبشر بخير حسيت عدهم حجي
اني جبيره لنسبه عمري واعيه وفاهمه گعدت واجت خالتي وزوجهه وگعدو يمي وگامو يحجون

شيماء: خاله انت الجبيره وصايره مره ماشالله عليج اريدج ما تنفعلين

زوج شيماء: يي عمو طول عمري واني اگول حوࢪ واعيه وفاهمه بس هلموضوع شويه حساس ماريدج تنفعلين لان هاذا قدر ربج

شيماء: ابوج توفهه الله يرحمه برحمته الواسعه واحنا كلنا حزنه عليه بعده بعز شبابه بس محد يسندكم غير الاب

حوࢪ: اسمع الحجي واني دموي غورگت عيوني

زوج شيماء: بابا حوࢪ امج تزوجت وهاي سنه الحياه

حوࢪ: انصعقت للمره الثاني وفات ابوي وهسه زواج ماما

حوࢪ: شنو. صدك

شيماء: يي خاله صدك

حوࢪ: وين امي

شيماء: بل غرفه

حوࢪ: رحت لماما واني مصدومه واحس اكو أمل ولو واحد بل ميه انو هيه ما متزوجه اريد اسمع الجواب منها

حوࢪ: ماما

الام:  ها يوم

حوࢪ: صدك   تزووجتي احس هلكلمه گوه تطلع

الام: يي ماما

حوࢪ: هاي شنو دا تحجين انتي شنو اتزوجتيي

الام: اي مثل مسمعتي

حوࢪ: ماريدج اريد بيبي
صيحيهااااا اريدهاااا

الام: ولج يمه اهدي شبيج موتي نفسج

حوࢪ: شون فهميني شون گدرتي تسوين هيج ماوگف بعينج حب باباااا هاااا

الام: يمه صارت بعد

حوࢪ: اريد بيبي ودوني عليهااا اريدهاا

شيماء: هسه ادك. عليها بس لا تبجين يا عيني

حوࢪ: راحت ودگت على بيبي واني سمعت صوتها وبجيت ضلت
بيبي تهدء بيه وتنصحني

شيماء: خاله والله الرجال حباب ويحبكم وراح تعيشون بيت وحدكم وراح يينقلكم بغير مدرسه

حوࢪ: مبقت عندي طاقه الحجي وللبجي

ضليت بس صافنه
وماما تباوع عليه. واني كارهه الحياه
بابا راح ياخذ غيرك مكانك
حزنت من داخلي
اخواني جانو صغار وموحيل يفتهمون
بس وجع الگلب يأذي
وفقدان اب الي
شعور صعب بعد مراح اگدر اگول كلمه بابا

بعدين تقبلت الموضوع

شماء: خاله حبيبتي راح يجي زوج امج حتى ياخذكم لا تنفعلين من يجي لان عيب انتو تعودو عليه واذا ما تعودتو عليه ارجعج يمي

حوࢪ: ماشي خاله

مر الوقت واني لازم راسي منو هاذا الي تزوج ماما

وليش اتزوجها ضليت حايره گمت عدلت حجابي لان اني محجبه من ثاني ابتدائي حبيت الحجاب من اني صغيره
شويه وسمعت الباب اندگ
نشف جسمي من الدم واني صرت اعصاب ما اتحمل اذا اشوفه هوه وامي سوه اتخبل اتخبل طول عمري
واشوف بابا بعيونه حب اتجاه امي
امي هم تحبه بس ماريد آاذيها واسالها ليش تزوجت
اريد شي يريح بالي من التفكير شون راح تصير حياتي
دخل للمضيف وسلم وگعد واني انصدمت صدمه
هاذا اعرفه الرجال
شويه وگال زوج خالتي

زوج خالتي: حور هاذا زواج امج

واني نصدمت هاذاااا زوجهااا
هاذا مو نفسه
....  ...
.
.
.
يتبع...