احضان مقيده

القيد الأول

2023/8/7

#احضان مقيده

بقلمي: جنات حيدر

للتواصل/ insta: Janat_haedar

الحياة سألت الموت:

لماذا البشر يحبونني ويكرهونك؟
اجاب الموت: لأنك كذبة جميلة وأنا
حقيقية مؤلمة.

꧁꧁꧁꧁꧂꧂꧂꧂

ود::اسمي ود، مواليد 2004، من احد المحافظات الجنوبية، عائلتي متكونه من، اخوي سجاد مواليد 1997، اختي كوثر مواليد 1999، اخوي احمد مواليد 2001، اختي ايه مواليد 2003، وبابا معتز، وماما رباب، اني اكثر وحده متعلقه بـ بابا......

. چنه عايشن سوا احنه وعمامي ال5، الجبير علاء وسامر ومعتز(بابا) وسلام ومهند واياد، عماتي 3، الجبيرة ابتسام واحلام وانعام، كلهن متزوجات، عمامي كلهم زينين بس مهند كلش عصبي وما يتفاهم وي الشخص المقابيلة وع اقل شي يضربنا......

. سنة 2010 دخلت مدرسة اول ابتدائي، عندي بنات عمامي اكبر مني، عمو مهند ما يخليهن يلبسن الوان فاتحه مثل احمر واصفر وهاي الالوان، راح تكولون اهلهم وين؟

اهلهم الي هم عمامي كلهم يشتغلون بـ محافظة بغداد حتى بابا وياهم بس كل واحد واله شغله بابا يشتغل بـ گهوه وعمامي كل واحد حسب شغله، يرحون شهر يشتغلون وشهر يرجعون النا، يبقون يمنا عمو مهند وعمو اياد ؏ اساس يبقون يمنا مأمنيهم علينا، بس ما حافظوا ؏ هاي الأمانه وخاصة عمو مهند الي جان يكوم ويكعد يضرب بنات عمامي واكثر وحده جان يضربها هي منار بنت عمو سامر، عمو سامر متزوج ثنين، الاولى كفاح(ام منار) عدها 3 بنات و2 ولد، والثانية سناء مايصير عدها اطفال، و24 ساعه متعارگين بالبيت، بيبي ما تسكت وهم تتعارك وياهن، بس ماما ما تتعارك لأن فقيرة وشنو يكلولها تسوي بدون ما تحچي ومعليها بأحد.......

.2010 شهر ال7
اليوم هستوني اجيت من المدرسة الساعة 11 ونص، دخلت للبيت شفت عمو مهند كامش منار ويضربها، هي خشمها وحلگها ينزفن وعيونها مورما، بس هي متعوده ؏ الضرب صار عدها عادي......

ثاني يوم منار واگفة يم الحايط تحاچي جيرانا، عمو مهند صايح عليها وهي ما سامعته لأن واكفه يم الماطور مال مي، من ما راحتله اجه عمي وضربها حتى شايل طابوگه ويضربها بيها، منار انتهت بيده واحنه بس بنات بالبيت ما نگدر نوخرها منه لأن ضخم هو، فزعنا ولد من الشارع اجو وخروا عن منار، اني ما سويت شيء بس واگفه متصنمه، امي اخذتنا للغرفه اني واخوتي وقفلت الباب علينا، ومنار امها اخذتها تغسل الها، شويه وسمعنا صوت ام منار تبچي وتصيح ال ماما، طلعت ماما شافت منار تدير ؏ نفسها نفط، التمن كلهن عليها وگعدنها وحچن وياها نسوان عمامي وامي وامها.....